Morgunblaðið - 06.04.2013, Qupperneq 14

14 FRÉTTIRInnlent
MORGUNBLAÐIÐ LAUGARDAGUR 6. APRÍL 2013
ÚR BÆJARLÍFINU
Sigurður Ægisson
Siglufjörður
Framkvæmdir við byggingu nýs hótels við smábátahöfnina
hófust 19. febrúar síðastliðinn, þegar fyrsta skóflustungan var
tekin fyrir undirstöður hússins. Gert er ráð fyrir að hægt verði
að taka hótelið í notkun á árunum 2015 til 2016, en það mun
verða 64 herbergja og bera það ágæta nafn Hótel Sunna, eftir
brakka sem þar stóð og reistur hafði verið af Ole Tynes, norsk-
um síldarsaltanda, sem var einn sá umsvifamesti á landinu á sín-
um tíma. Sunnubrakki var brenndur 17. apríl 2009, enda þá far-
inn að láta mjög á sjá.
  
Héðinsfjörður er mikil náttúruparadís og hefur alltaf verið.
Því hafði verið spáð að vegurinn þvert yfir myndi hafa neikvæð
áhrif á fuglalífið, en nú hefur komið í ljós að svo er ekki, að sögn
Þorsteins Jóhannessonar verkfræðings sem er öllum hnútum
kunnugur þar. Tegundum hefur fjölgað. Umferðin hefur dregið
að sér fuglalíf, sem leitar sér skjóls næst veginum frá tófunni.
Með tilkomu ganganna hefur jafnframt opnast þarna drauma-
staður þeirra sem vilja skoða næturhimininn á veturna sem og
bragandi norðurljósin.
  
Jarðskjálftarnir úti fyrir Norðurlandi, þar sem sá stærsti
var 5,5 stig með upptökum austur af Grímsey og annar upp á
4,3, fundust hér vel. Hugur Siglfirðinga er með Grímseyingum
og öðrum sem þetta við kemur.
  
Yfir 5000 manns komu í Skarðsdalinn í dymbilviku og um
páskana sér til afþreyingar og gleði. Þar með voru öll fyrri að-
sóknarmet rækilega slegin. Að sögn Egils Rögnvaldssonar, um-
sjónarmanns skíðasvæðisins, gjörbreytti Hálslyfta, sem form-
lega var tekin í notkun 9. desember 2012, aðstæðum og hjálpaði
til við að dreifa gestum fjallsins um allar brekkur. Áður höfðu
flestir verið þar 900 yfir daginn en í tvígang fór talan núna í
1200.
  
Vorið heilsaði með einmánuði, 26. mars. Ekki eru þó marg-
ir farfuglanna komnir að utan, einungis álftir, hettumáfar, skóg-
arþrestir og tjaldar, en nokkrar aðrar tegundir, sem komu í
vetrarbyrjun, hafa glatt augu heimamanna undanfarna mánuði
hér yst á Tröllaskaga, s.s. gráþröstur, svartþröstur og silkitopp-
ur, auk staðfuglanna; rjúpur hafa t.d. vappað um garða óáreittar
og spakar, auðnutittlingar hangið í trjám í ætisleit og músar-
rindlar sungið í morgunsárið. Ekki ónýtt það.
Bygging 64 herbergja hótels er hafin
við smábátahöfnina í Siglufirði
Morgunblaðið/ Sigurður Ægisson
Norðurljósadans Nyrsti skógur á Íslandi er í Siglufirði. Norðurljósin yfir Skarðsdalnum 3. mars voru ægifögur.
 Yfir 5000 manns komu á skíði
í dymbilviku og um páska
Þess verður minnst á Dalvík og í
Eyjafirði á þriðjudaginn kemur,
9. apríl, að rétt 50 ár eru liðin frá
því að ellefu sjómenn fórust í fár-
viðri við Norðurland, þar af sjö
Dalvíkingar í blóma lífsins. Þetta
gerðist í dymbilvikunni 1963. Dal-
víkingarnir voru af vélbátunum
Hafþóri og Val.
Dagskráin hefst kl. 13.00 þegar
trébátar leggja úr höfn á Dalvík
og Húsavík áleiðis að mynni Eyja-
fjarðar norður af Gjögrum yst á
Flateyjarskaga. Þar verður
blómakransi varpað í hafið í
minningu þeirra er fórust í
páskahretinu mikla 1963. Séra
Magnús G. Gunnarsson, sóknar-
prestur á Dalvík, flytur minning-
arorð.
Klukkan 16.00 verður bauta-
steinn afhjúpaður við athöfn við
Dalvíkurhöfn. Steinninn var sér-
valinn þar í hafnargarðinum
haustið 2012 og fluttur suður í
Kópavog til listrænnar meðhöndl-
unar og merkingar. Jón Adolf
Steinólfsson, tréskurðarmeistari
og listamaður, klappaði lágmynd
í steininn.
Loks verður minningarathöfn í
Dalvíkurkirkju kl. 17.
Þess má geta að unnið er að
gerð heimildarmyndar um sjó-
slysin og gert ráð fyrir að frum-
sýna hana á Dalvík í ágúst í sum-
ar í tengslum við Fiskidaginn
mikla. Frumkvöðlar að minning-
arathöfninni, bautasteininum og
heimildarmyndinni eru þrír Dal-
víkingar, nú búsettir á höfuð-
borgarsvæðinu: Haukur Sigvalda-
son smiður, Stefán Loftsson
kvikmyndagerðarmaður og María
Jónsdóttir, textílhönnuður og
nemandi í Margmiðlunarskól-
anum. Sigvaldi Stefánsson, faðir
Hauks og afi Stefáns, var meðal
þeirra er fórust 1963.
Bautasteinn um
sjóslys afhjúpaður
1963 Forsíða Morgunblaðsins
 Ellefu sjómenn fórust í fárviðri 1963