Morgunblaðið - Sunnudagur - 28.04.2013, Blaðsíða 9

28.4. 2013 MORGUNBLAÐIÐ SUNNUDAGUR 9
Pabbi Bjarna Hauks Þórssonar hefur gert víð-reist og síðar Afinn hans. Verkin altso, og núer síðasta sýning Bjarna, How bo become Ice-
landic in 60 minutes sem gekk afbragðs vel í Hörpu í
fyrra og verður sýnd aftur í sumar, einnig á leið í
víking. Gerð verður tilraun til að kenna fólki hvernig
það getur orðið norskt, sænskt og tékkneskt á 60
mínútum.
„Ég ætla að vísu ekki að gera það sjálfur, enda hef
ég ekki hugmynd um það hvernig maður verður
norskur eða tékkneskur!“ segir Bjarni Haukur í sam-
tali við Sunnudagsblað Morgunblaðsins.
Vert er að geta þess að sýningar á How to become
Icelandic in 60 minutes hefjast á ný í Hörpu á
þriðjudaginn. „Sýningarnar á síðasta ári urðu tæplega
60 og forráðamenn Hörpu vildu endilega halda áfram.
Þetta var tilraun sem gekk mjög vel, sýningar í ár
verða rúmlega 70 og þegar er farið að tala við mig
um árið 2014,“ segir leikskáldið.
Sigurður Sigurjónsson leikstýrir, höfundurinn var
sjálfur á sviðinu í fyrra en Örn Árnason leysir hann
af hólmi í sumar. „Ég myndi segja að hann væri
fæddur í þetta,“ segir Bjarni Haukur og hlær.
Hlæja að sjálfum sér
Bjarni hefur sjálfur nóg að gera við að koma verkinu
upp úti í heimi. „Ég útfæri það með þarlendum með-
höfundum og framleiðendum; verkið verður byggt á
þessari hugmynd og sniðið út frá henni. Það verður
gaman að útfæra hugmyndina með öðru fólki og fróð-
legt að sjá hvernig það kemur út.“
Sýningin var upphaflega hugsuð fyrir útlendinga en
Bjarni Haukur segir fjölda Íslendinga einnig hafa
mætt í leikhúsið virst kunna því afar vel að hlæja að
sjálfum sér! „Ég er mjög stoltur af þessari sýningu;
farið er í gegnum 15 reglur, mikið er um myndefni
og flotta grafík og mikið lagt í hljóðið. Fyrir þá sem
vita lítið er sýningin upplýsandi á margan hátt en Ís-
lendingar hafa líka gaman af og það var athyglisvert
að þeir hlógu oft á öðrum stöðum en útlendingar.“
Bjarni Haukur „byrjaði á þessu brölti“ skömmu
fyrir aldamótin þegar hann setti upp og fór með eina
hlutverkið í bandaríska Hellisbúanum við fádæma
vinsældir hér heima. Sýndi hann svo í Danmörku og
víðar en snéri sér síðan að öðrum verkefnum.
Pabbinn hefur farið víðast af verkum Bjarna
Hauks; hefur verið sýndur í 25 löndum; Noregi, Dan-
mörku, Finnlandi, Svíþjóð, Eistlandi, Lettlandi, Lithá-
en, Þýskalandi, Slóvakíu, Mexíkó – svo dæmi séu tek-
in – og fjórar mismunandi uppfærslur hafa verið í
gangi í Þýskalandi. Framundan eru landvinningar á
Spáni, Ítalíu og Ísrael.
Eins og á rokktónleikum
Pabbinn var frumsýndur í Iðnó á því Herrans ári
2007. Bjarni var í því hlutverki við Tjörnina ótal
sinnum, síðan í Óperunni og út um allt land. Nú hef-
ur hann skrifað bók sem byggð er á verkinu og kem-
ur út í haust bæði hér heima og í Þýskalandi. „Verk-
ið var persónulegt og bókin er skálduð
sjálfsævisaga,“ segir Bjarni Haukur.
Afinn var settur upp í Borgarleikhúsinu í ársbyrjun
2011 og hefur einnig verið á fjölunum í Þýskalandi,
Eistlandi og Slóveníu og fleiri lönd eiga von á hon-
um; Noregur, Svíþjóð, Króatía og Spánn.
„Það er alltaf jafn útópískt að mæta og horfa
frumsýningu eigin verks erlendis. Ég hef séð kjall-
arauppsetningar og setið í þúsund manna sal. Verkið
þekki ég auðvitað en það er rosalega gaman að sjá
hvernig aðrir gera það að sínu.“
Hann segir ekki síður gaman að vera á meðal
áhorfenda og skynja upplifun þeirra. „Þegar verkið
var leikið í 150. sinn í Ljubljana í Slóveníu í fyrra
vildu þeir hjá leikhúsinu endilega fá mig í heimsókn
og þar sem ég hafði aldrei komið þangað sló ég auð-
vitað til! Í tilefni dagsins hafði sýningin verið flutt í
1.800 manna útileikhús; þetta var eins og að vera á
rokktónleikum! Það var mögnuð upplifun.“
Í kvöldmyrkrinu „varð mér hugsað til Möggu Rósu
í Iðnó. Það var gaman í Ljubljana en ég er ekki frá
því að ég hafi verið meira skotinn í litla leikhúsinu
við Tjörnina …“
Í́SLENSK LEIKLIST Í ÚTRÁS
Bjarni Haukur Þórsson: „Það er alltaf jafn útópískt að mæta og horfa á frumsýningu eigin verks erlendis.“
Morgunblaðið/Ómar
Viltu verða tékkneskur
á 60 mínútum?
BJARNI HAUKUR ÞÓRSSON HEFUR SAMIÐ BRÁÐSMELLIN VERK, SEM SLEGIÐ HAFA Í GEGN,
LEIKSTÝRT OG FRAMLEITT OG LEIKIÐ Í SUMUM SJÁLFUR. ÞAU HAFA FALLIÐ FÓLKI VEL Í
GEÐ VÍÐA UM HEIM OG NÚ ER ÞAÐ NÝJASTA VÆNTANLEGT Á SVIÐ Í ÚTLANDINU.
Skapti Hallgrímsson skapti@mbl.is
Nýttu svalirnar allt árið um kring
idex.is - sími: 412 1700
- merkt framleiðsla
Skjól
Lumon svalagler veitir skjól
gegn rigningu og roki. Mjög
einfalt er að opna svalaglerið
og renna því til og frá.
Hljóð- og hitaeinangrun
Svalaglerin veita hljóð- og
hitaeinangrun sem leiðir til
minni hljóðmengunar innan
íbúðar og lægri hitakostnaðar.
Óbreytt útsýni
Engir póstar eða rammar
hindra útsýnið sem helst
nánast óbreytt sem og ytra
útlit hússins.
Auðveld þrif
Með því að opna svalaglerið
er auðvelt að þrífa glerið að
utan sem að innan.
Stækkaðu fasteignina
Með Lumon svalaglerjum má segja að þú stækkir fasteignina
þína þar sem þú getur nýtt svalirnar allan ársins hring.
hefur svalaglerin fyrir þig!
FORRÉTTUR
Hvítlauksristaðir humarhalar
með brauði og
hvítlaukssmjöri
AÐALRÉTTUR
Lamba primesteik með
ristuðu grænmeti,
rósmarín, hunangi og
bakaðri kartöflu
EFTIRRÉTTUR
Frönsk súkkulaðikaka með
þeyttum rjóma
og ferskum berjum
BRUNCH
Heilsu Brunch: Brauð, ostur,
soðið egg, tómatur, gúrka,
ávextir, sulta, kjúklingaskinka
og íslenskt smjör
Lúxus Brunch: Spæld egg,
beikon, ostasneiðar,
spægi-pylsa,
brauð, kartöflur,
ferskt tómatsalat,
smoothie, ávextir,
sulta, smjör og
amerískar pönnukökur
með sírópi
FERSKLEIKI • GÆÐI • ÞJÓNUSTA