Morgunblaðið - Sunnudagur - 28.04.2013, Blaðsíða 16

*Þrír fjallagarpar létu draum rætast og fetuðu slóð Sveins Pálssonar á Öræfajökul fyrir nokkru »18Ferðalög og flakk
Haugesund er bærinn hans Haralds hárfagra. Hér eru Íslendingar
ekki útlendingar. Okkur er tekið fagnandi og allt er fyrir okkur gert.
Við eru einfaldlega komin heim í upprunann – þaðan sem við fórum.
Hér eru fallegar strendur, stutt í fjöllin þar sem hægt er að skíða. Fjöl-
skyldur hafa það gott og atvinnumarkaðurinn blómstrar. Á þessu
svæði er gasiðnaðurinn stór og olíuiðnaðurinn stækkar með hverju
ári. Fótboltinn er einnig hátt skrifaður her í bæ.
35.000 manns eru búsettir í bænum en 110.000 ef nágrannabæir
eru taldir með. Stutt að fara til stærri borga eins og Stafangurs og
Bergen.
Allt til alls og allir glaðir. Þannig lýsi ég Haugesund.
Margrét R. Einarsdóttir Bræðurnir Einar Benedikt og Gísli Baldur við höfnina í Haugasundi.
Ráðhúsið í litla bænum er
stæðilegt og laxableikt.
Bær með bleikt ráðhús
Hjónin Ólafur Haukur og Margrét.
PÓSTKORT F
RÁ HAUGAS
UNDI
 Wonderland-garðurinn í Peking
Skemmtigarðurinn átti að verða sá stærsti í Asíu en vegna fjárskorts hættu framkvæmdir 1998. Tíu
árum síðar var reynt að halda áfram en aftur kom fjármagn í veg fyrir að garðurinn kláraðist. Í
dag stendur hálfkláraður kastali sem minnismerki um eitthvað sem átti að vera.
 Pripyat-bærinn í Úkraínu
Tjernóbíl slysið olli því að bærinn Pripyat lagðist í eyði. Rúmlega 50 þúsund manns bjuggu í bæn-
um þegar slysið varð en bærinn var tæmdur á tveimur dögum og hefur verið draugabær síðan.
 Holy Land í Bandaríkjunum
Enn einn skemmtigarðurinn. Þessi er í Connecticut og er mikið vitnað í Biblíuna í hönnun garðsins.
Þegar hann var sem vinsælastur á sjöunda áratugnum kom allt að 40 þúsund manns árlega. Hann
hefur verið lokaður síðan 1984.
 Lestakerfið í Cincinnati
Verkefnið er sagt vera eitt það vandræðalegasta í sögu Cincinnati. Aldrei hefur viðskiptavinur borg-
að sig inn. Mörgum sinnum hefur verið reynt að blása lífi í lestagöngin en aldrei tekist. Línan átti
að tengja austur- og vesturborgina með stoppi í miðbænum.
 Craco á Ítalíu
Þorpið var yfirgefið 1963 eftir jarðskjálfta. Það er byggt í fjallshlíðum og hafði verið í byggð í
hundruð ára. Í dag er þorpið vinsælt meðal ferðamanna sem geta gengið frjálst um draugaþorpið.
 Keelung í Taívan
Þessi hafnarborg í Taívan er með heilan Grafarvog yfirgefinn. Fasteignabóla varð þar í kringum
1980 og heilu hverfin risu en þegar bólan sprakk voru fjölmörg hverfi ókláruð og eru þannig enn
þann dag í dag.
 Bobsleðabrautin í Sarajevo
Brautin sem byggð var fyrir vetrarólympíuleikana 1984 skemmdist mikið í borgarastríðinu á Balk-
ansskaganum. Brautin var notuð mikið af Serbum til að leynast í hernaðinum. Í dag er hún notuð
mikið af listamönnum með úðabrúsa.
Maunsell-virkin
Virkin voru byggð í kringum heimsstyrjöldina síðari til að verjast árásum Þjóðverja. Standa tóm í
dag. Skipulagðar ferðir eru til að kíkja þarna inn og er bjór seldur um borð í bátnum sem flytur
gesti.

Kommúnistahöllin í Búlgaríu
Höllinn stendur efst í fjallshlíð og minnir meira á geimskip en byggingu. Kommúnistar misstu völd-
in þegar járntjaldið féll 1989 og Búlgarar snéru sér að nútímanum. Búið er að krota Forget your
past við anddyrið sem myndi þýðast, Gleymdu fortíðinni.
 El Hotel del Salto í Kólombíu
Fyrrverandi lúxushótelið var byggt skammt frá Bógota. Varð gríðarlega vinsælt enda á ótrúlegum
stað, með 157 metra foss við hótelgluggann. En allt í einu hætti fólk að koma og hótelinu var lokað
á níunda áratugnum. Fjölmargir hafa svipt sig lífi í hótelinu og hefur það fengið þann stimpil á sig
að vera draugahótel.
YFIRGEFNA STAÐI MÁ FINNA VÍÐA
STAÐIR SEM EITT SINN VORU FULLIR AF FÓLKI EN ERU NÚ EKKERT
NEMA MINNINGIN EIN MÁ FINNA VÍÐA UM HEIM. HÉR MÁ SJÁ
NOKKRA SEM MEGA MUNA FÍFIL SINN FEGURRI.
Benedikt Bóas benedikt@mbl.is
Þögnuð gleði
7
4
2
3
5
1
10
9
6
8