Morgunblaðið - Sunnudagur - 28.04.2013, Síða 60

Hefði Eyjafjallajökull ekki
gosið vorið 2010 væri
Lewandowski mögulega
hjá Blackburn Rovers.
PÓLVERJINN ROBERT LEWANDOWSKI HJÁ BO-
RUSSIA DORTMUND VAR FORMLEGA LIMAÐUR INN Í
HÓP SKÆÐUSTU MIÐHERJA HEIMS EFTIR EINSTAKA
FRAMGÖNGU GEGN REAL MADRÍD Í MEISTARADEILD-
INNI Í VIKUNNI. FJÖGUR URÐU ÞAU MÖRKIN. FJÖGUR!
Þ
eir töldu sig vita allt um hann, höfðu greint hverja
hreyfingu fyrirfram, sérstaklega í teignum. Samt áttu
þeir engin svör, José Mourinho, varnartaktíker dauð-
ans, og lærisveinar hans í Real Madríd. Pólski mið-
herjinn Robert Lewandowski skoraði ekki bara eitt,
ekki bara tvö, ekki bara þrjú, heldur fjögur mörk fyrir Borussia
Dortmund í fyrri leik undanúrslitanna gegn spænsku meist-
urunum í vikunni. Og virtist hafa sáralítið fyrir því. Á blaðamanna-
fundi eftir leikinn átti Mourinho heldur engin svör. „Þetta voru von-
brigði.“
Lewandowski var sannarlega maður vikunnar í sparkheimum, ef ekki
mánaðarins og jafnvel ársins. Ekki á hverjum degi sem menn setja fernu í
undanúrslitum Meistaradeildar Evrópu. Fyrst Mourinho getur ekki stöðvað
hann, hver getur það þá?
Lewandowski hefur farið mikinn í vetur, kominn með tíu mörk í
ellefu leikjum í Meistaradeildinni og 23 í 27 leikjum í Búndeslíg-
unni og tvö mörk í fimm leikum í öðrum mótum. Það gera 35
mörk í 43 leikjum sem er persónulegt met hjá þessum 24 ára
gamla pilti. Hann gerði 30 mörk í 47 leikjum fyrir Dort-
mund í fyrra og það er til vitnis um framfarirnar að árið
þar á undan, sem var hans fyrsta í Þýskalandi, skoraði
Lewandowski aðeins níu mörk í 43 leikjum.
Lewandowski hefur ótvíræða kosti í teig andstæð-
inganna. Hann er einn af þessum miðherjum sem
soga boltann til sín (sbr. fyrsta markið gegn Real).
Hann er líka einn af þessum miðherjum sem eru
leiftursnöggir að hugsa og framkvæma (sbr. annað
markið gegn Real). Þá er hann afar teknískur og
lunkinn að vinna á þröngu svæði (sbr. þriðja
markið gegn Real), auk þess sem hann hefur stál-
taugar á vítapunktinum (sbr. fjórða markið gegn
Real). Knattspyrnusambönd þessa heims fengu
raunar þarna á silfurfati kennslumyndband í
markaskorun – á einu kvöldi.
Enda þótt Borussia Dortmund sé frábært fótboltalið er það
ekki endilega félag sem helst vel á sínum bestu leikmönnum.
Það sýnir salan á Shinji Kagawa til Manchester United á síð-
asta ári og salan á Mario Götze til Bayern München á dög-
unum. Lewandowski á aðeins eitt ár eftir af samningi sínum
við Dortmund og eru menn þegar farnir að gera því skóna að
hann sé á förum, ef ekki í sumar þá klárlega sumarið 2014.
Í vikunni taldi hið virta tímarit Der Spiegel sig hafa heim-
ildir fyrir því að þegar væri búið að handsala kaup Bayern
München á leikmanninum en Bæjarar báru þá frétt til baka
á föstudaginn. Jürgen Klopp, knattspyrnustjóri Dortmund,
kvaðst aðspurður ekki sjá annað en Lewandowski væri
ánægður hjá félaginu og ekki væru áform um að ýta hon-
um út um dyrnar.
Þó það nú væri.
Lewandis
ósköp!
Robert Lew-
andowski smeygir
sér fram fyrir Pepe
og skorar fyrsta
mark sitt af fjórum í
sigri Dortmund á
Real Madríd.
60 MORGUNBLAÐIÐ SUNNUDAGUR 28.4. 2013
* „Hann var baráttujaxl sem lagði sig allan fram – alltaf.“Paddy McCaul, formaður írska knattspyrnusambandsins, um írska lands-liðsmanninn fyrrverandi Tony Grealish sem lést í vikunni, 56 ára að aldri.
Boltinn
ORRI PÁLL ORMARSSON
orri@mbl.is
Hann fór frá Arsenal tilManchester United til aðvinna enska meistaratit-
ilinn – og var ekki lengi að því.
Það er svo kaldhæðni örlaganna
að næsti leikur á eftir skuli vera
á gamla heimavellinum. Robin
van Persie er loksins að koma
„heim“ með gullið.
Venju samkvæmt þurfa leik-
menn Arsenal að standa heið-
ursvörð þegar nýbakaðir Eng-
landsmeistarar Manchester
United koma í heimsókn á Em-
irates-leikvanginn nú á sunnudag
og klappa afreksmönnunum lof í
lófa. Reiknað er með því sama
frá áhorfendum. Það flækir á
hinn bóginn málið að Robin van
Persie er í hópnum. Í átta ár
var hann dýrlingur hjá Arsenal
en skán kom á helgimyndina
þegar hann stökk frá borði síð-
asta sumar og gekk í raðir Man-
chester United. Gjörningur sem
hugur flestra stuðningsmanna
Arsenal skildi en ekki hjartað.
Spennandi verður að sjá hvort
þeir hafa geð í sér til að hylla
kappann um helgina. Ef til vill
væri best að hann byrjaði leikinn
á varamannabekknum.
Stigametið í húfi
Sir Alex Ferguson sér það þó ef-
laust ekki þannig, hann er hvergi
nærri hættur keppni jafnvel þótt
bikarinn sé í höfn. Nú ætlar
hann sér stigametið í deildinni og
til þess að sá draumur rætist
þarf United að vinna alla leikina
sem eftir eru, fjóra að tölu.
Til að bæta gráu ofan á svart,
daginn sem Robin van Persie
varð loksins enskur meistari eftir
níu ár í úrvalsdeildinni, var jafn-
framt upplýst í fjölmiðlum að Al-
isher Usmanov, annar stærsti
eigandi Arsenal, væri auðugasti
íbúi Bretlandseyja. Roman
Abramovitsj, eigandi Chelsea, er
nánast eins og umrenningur við
hliðina á Úsbekanum. Áhangend-
um Arsenal gremjast þessi tíðindi
mörgum hverjum í ljósi þess að
núverandi stjórn félagsins, með
bandaríska auðkýfinginn Stan
Kroenke í broddi fylkingar, hefur
tekið upplýsta ákvörðun um að
læsa Usmanov úti enda þótt
hann eigi um 30% hlut. Auður
hans er því akademískur gagn-
vart Arsenal.
Það var einmitt Usmanov sem
sendi frá sér harðorða yfirlýsingu
eftir að van Persie neitaði að
framlengja samning sinn við Ars-
enal í fyrra þess efnis að þetta
hefði aldrei gerst á sinni vakt. Í
huga Usmanovs á Arsenal aðeins
að sætta sig við það besta. Hon-
um hefði verið trúandi til alls til
að koma í veg fyrir söluna á van
Persie, jafnvel að kaupa Man-
chester United – til þess eins að
leggja félagið niður.
ANNAR MIÐHERJI SEM GERÐI ÞAÐ GOTT Í VIKUNNI ER
ROBIN VAN PERSIE SEM SETTI ÞRENNU ÞEGAR MAN.
UNITED TRYGGÐI SÉR ENSKA MEISTARATITILINN Í 20. SINN.
Titillinn í höfn. Robin van Persie fagnar hreint ógurlega á Old Trafford.
AFP
Van(turinn) Persie