Morgunblaðið - Sunnudagur - 28.04.2013, Blaðsíða 32

32 MORGUNBLAÐIÐ SUNNUDAGUR 28.4. 2013
Matur og drykkir
Þ
órunn Högnadóttir, stílisti og ritstjóri tímaritsins Home Magazine,
bauð nokkrum góðum vinkonum heim í ítalska veislu. Þórunn er
mikill fagurkeri sem finnst gaman að vera innan um fallega hönn-
un en hún er líka sælkeri sem nýverið uppgötvaði hvað pasta get-
ur verið gott.
„Mér fannst pasta alltaf hálf bragðlaust þó að mér finnist ítalskur mat-
ur mjög góður. Síðastliðin ár hef ég hins vegar vanið mig á að smakka sí-
fellt meira pasta á ferðalögum og hef um leið prófað mig áfram með
pastauppskriftir. Ég hef alltaf haft gaman af því að elda en síðastliðin
þrjú ár hefur þetta orðið ástríða hjá mér. Ég get gleymt mér við að skoða
uppskriftir á netinu fram á nótt, horfi mikið á Food Network og er líka
farin að kaupa fleiri matreiðslubækur en aðrar bækur. Svo get ég verið
marga klukkutíma í eldhúsinu að dúlla mér og hef jafnvel undirbúninginn
daginn áður með því að leggja hráefni í marineringu,“ segir Þórunn og
bætir við að foreldrar sínir hafi bæði eldað og pabbi hennar verið mikill
„gúrmekall“ svo að áhugann eigi hún ekki langt að sækja.
Þórunn segir að pasta sé nú á matseðlinum á heimilinu einu sinni í viku
en auk þess eldar hún líka mikið úr laxi og kjúklingi og eldar mat frá
ýmsum heimshornum.
Þórunn bauð heim til sín systur sinni, mágkonu og vinkonum úr þeim
hópi sem hún heldur hvað mestu sambandi við og hittast þær reglulega
yfir hádegismat eða kaffi. Forrétturinn var skothelt, ítalskt ljúfmeti en
Þórunn hætti við að gera litlar kökur úr geitarosti þar sem mörgum
finnst slíkur ostur ekki góður. Hún bendir á að pastaréttinn hafi hún líka
prófað að gera með nautakjöti en einnig megi sleppa kjötinu alveg fyrir
þá sem það vilja. Eftirrétturinn olli Þórunni valkvíða en valið stóð á milli
tveggja tertna.
„Ég er algjör kökukerling,“ segir Þórunn en Baby Ruth kakan sem hún
gefur hér uppskrift að er í miklu uppáhaldi hjá Þórunni.
„Ég hef bakað hana svo oft að það liggur við að ég geti gert það blind-
andi,“ segir Þórunn í léttum dúr. Kökuna gerir hún tvöfalda til að hún líti
enn betur út á diski en Þórunn hefur líka gert hana fjórfalda. Þá megi
segja að kakan hafi verið í bandarískri yfirstærð og auk þess með við-
bættu hnetusmjöri.
FYRIR 6-8 MANNS
8 eggjahvítur
4 dl sykur/hrásykur
2 dl púðursykur
1 msk lyftiduft
1 tsk salt
5 dl salthnetur, smátt saxaðar
40 stk saltkex, mulið smátt
Aðferð
Eggjahvítur og sykur er hrært vel saman og því
næst bætt saman við salthnetum og saltkexi
ásamt lyftidufti og vanilludropum. Setjið í tvö
form og bakið við 180° í 22 mínútur. Kælið og
setjið helming af kreminu á annan botninn, látið
seinni botninn yfir og restina af kreminu, salt-
hnetur settar yfir. Gott er að hafa rjóma með
kökunni.
KREM
8 eggjarauður
150 gr flórsykur
100 gr smjör
200 gr suðusúkkulaði
Aðferð
Eggjarauður og flórsykur hrært vel saman en
smjör og súkkulaði brætt saman og síðan bætt úti
eggjablöndu og hrært vel saman.
Baby Ruth bomba
Þórunn skammtar tagliatelle með humri, klettasalati og fleira góðgæti á diska.
ÍTALSKT MATARBOÐ Í FOSSVOGINUM
Nýfundin
pasta-ást
Frá vinstri, Vala Sigurjónsdóttir, Kolbrún Pet-
rea Gunnarsdóttir, Helga Agnarsdóttir, Rósa
Björgvinsdóttir, Heiða Björg Bjarnadóttir og
þá gestgjafinn Þórunn Högnadóttir.
ÞÓRUNN HÖGNADÓTTIR, STÍLISTI OG RITSTJÓRI
TÍMARITSINS HOME MAGAZINE, BAUÐ NOKKRUM
GÓÐUM VINKONUM HEIM Í ÍTALSKA MATARVEISLU.
María Ólafsdóttir maria@mbl.is
Dömuhópurinn nýtur þess að borða grillað brauð með hráskinku og mozzarella í forrétt og njóta félagsskaparins.