Morgunblaðið - 18.05.2013, Blaðsíða 46

46 DÆGRADVÖL
MORGUNBLAÐIÐ LAUGARDAGUR 18. MAÍ 2013
www.nortek.is Sími 455 2000
Nortek sérhæfir sig í öryggislausnum sem þú
getur treyst hvort heldur er að degi eða nóttu,
miklir möguleikar bæði fyrir lítil og stór fyrirtæki.
Meira en 16 ára reynsla í sölu og þjónustu á
öryggiskerfum.
Nortek ehf | Eirhöfði 13 og 18 | 110 Reykjavík
Hjalteyrargötu 6 | 600 Akureyri | nortek@nortek.is
FYRIRTÆKJAÖRYGGI
• Aðgangsstýring
• Brunakerfi
• Myndavélakerfi
• Innbrotakerfi
• Slökkvikerfi / Slökkvitæki
• Öryggisgirðingar / Hlið / Bómur
• Áfengismælar / fíkniefnapróf
Stjörnuspá
21. mars - 19. apríl 
Hrútur Stoltið hleypur með fólk í gönur í
dag. Rétt er að gefa sér góðan tíma til
þess að kanna málavöxtu og láta svo til
skarar skríða.
20. apríl - 20. maí 
Naut Þú færð hugsanlega tækifæri til að
koma þér á framfæri. Ef þið haldið að þið
séuð ekki nægilega listræn skulið þið njóta
fallegs umhverfis og verka annarra.
21. maí - 20. júní 
Tvíburar Þú nýtur þess að vera í hópum
þar sem samfélagsleg norm halda ekki
aftur af þér eða stjórna. Reyndu að láta
ekki undan löngun til að eyða peningum í
dag.
21. júní - 22. júlí 
Krabbi Haltu þínu striki en mundu að ekki
er allt gull sem glóir. Láttu ekki eigin
vangaveltur draga athygli þína um of frá
verkefnum dagsins.
23. júlí - 22. ágúst 
Ljón Láttu neikvæðnina ekki ná tökum á
þér, Viðhorfið breytist líka. Byrjaðu ótrauð-
ur upp á nýtt og talaðu nú tæpitungu-
laust.
23. ágúst - 22. sept. 
Meyja Láttu það nú eftir þér að hrinda
draumum þínum í framkvæmd þótt það
kosti einhverjar fórnir. Komdu skjölum í
röð og reglu hvort sem um er að ræða
reikninga eða bréfaskriftir.
23. sept. - 22. okt. 
Vog Vingjarnleiki sem þú sýndir ókunnug-
um fyrir margt löngu verður endurgoldinn
innan tíðar og meira til. Hikaðu ekki við að
koma hugmyndum þínum á framfæri.
23. okt. - 21. nóv.
Sporðdreki Maður getur opnað augun til
þess að njóta fegurðar umhverfisins, hið
sama gildir um hjartað sem opnar sig fyrir
sælutilfinningum.
22. nóv. - 21. des.

Bogmaður Hófstilltur og traustur mál-
flutningur er enn það sem þú helst vilt.
Vinnan verður tómt strit í dag og yfirmað-
urinn einstaklega önugur í viðmóti.
22. des. - 19. janúar 
Steingeit Vinur blekkir þig eða ruglar þig
í ríminu í dag. Byrjarðu nú að skipuleggja
eitthvað í fjarlægri framtíð. Vertu opinn,
brostu og heilsaðu.
20. jan. - 18. febr. 
Vatnsberi Það getur reynst erfitt að gefa
nánum vini góð ráð, þegar maður er sjálf-
ur viðriðinn málið. Þú ert í ljúfu og góðu
skapi og fólk vill vera nálægt þér.
19. feb. - 20. mars

Fiskar Þú ættir að viðra hugmyndir þínar
við vinnufélagana og sjá hvaða viðbrögð
þær fá.
Karlinn á Laugaveginum var ný-kominn að norðan, þegar ég sá
hann. „Það er fallegt á Sléttu þegar
veðrið er gott. Hvergi er féð vænna
og þar eru óendanlegir möguleikar
í ferðaþjónustu. Fuglinn er gæfur
og norðrið er svo hreint,“ sagði
hann. Og svo veik hann talinu að
séra Sigurði á Presthólum en þriðj-
ungur af Sigurðarstöðum féll undir
kirkjustaðinn samkvæmt konungs-
úrskurði. Séra Sigurður réð bróður
sinn ráðsmann á Sigurðarstaði og
rak þangað sauðfé á haustin til að
féð yrði vænna og til að auka frjó-
semina og sömuleiðis þegar kom
fram á þorrann. „Þetta voru kall-
aðar sjóarær. Friðrik á Efri-Hólum
gerði þetta líka. Samdi við bóndann
á Ásmundarstöðum um fjörubeit ef
ég man rétt,“ sagði hann og bætti
við;
Mælti kerling í Kötlu með hettu:
„Það er kraftur í þarafléttu.“ -
- Sólskinið baðar
sílspikaðar
sjóarær norður á Sléttu.
Á þessum degi 18. maí 1886 fædd-
ist Jakob Thorarensen skáld á Fossi
í Hrútafirði en ólst upp á Ströndum
og nam trésmíð. Fyrstu kvæði hans
„komu eins og hressandi gustur.
Þau voru hispurslaus í máli, hrein
og karlmannleg í kveðandi og rími,
sjálfstæð og sérkennileg að yrkis-
efnum, einlæg og opinská í skoð-
unum,“ segir Vilhjálmur Þ. Gíslason
um hann sextugan. En Jóhannes úr
Kötlum tekur þessa vísu í Skáldu:
Hvort skal nú heldur eftir öld
að auður og nauð fari þá með völd
í menguðum geimi og hálfdauðum
heimi
– eða heiðara líf með fegri skjöld?
Kvæðið „Í hákarlalegum“ er
klassískt:
Öruggt var þeirra áralag,
engum skeikaði vissa takið;
stæltur var armur, breitt var bakið,
og brjóstið harðnað við stormsins slag.
Seigluna gátu og vaskleik vakið
vetrarins armlög nótt og dag.
Síðar í kvæðinu segir, að þeir hafi
róið á dýpstu mið.
Með Andrarímur í andans nesti
en annars harðfisk og blöndukút;
og munaðaraukinn eini, besti
ögn af sykri í vasaklút.
Hraðkveðlingar og hugdettur
komu út 1947. Þar stendur, að allt
víki að sama púnkt:
Myndu ei stefin mín og þín
mjókka skjótt og hverfa sýn,
fyrst Hallgrímsljóð nú henta í grín
og hætt að prenta Vídalín?
Vorvísa:
Nú er vöknuð foldin fríð,
fjörugt líf á stjái.
Dýrð sé guði í grænni hlíð,
guði í hverju strái.
Halldór Blöndal
halldorblondal@simnet.is
Vísnahorn
Sjóarær á Sléttu og í hákarlalegum
Í klípu
LÁRUS HAFÐI EKKI SKILGREINT SIG
SEM HLUTA AF HINUM ALMENNA VINNU-
MARKAÐI Í MÖRG ÁR, OG ÆTLAÐI EKKI
AÐ BYRJA Á ÞVÍ NÚNA.
eftir Mike Baldwin eftir Jim Unger
„HVERNIG ER FISKURINN Í DAG?“
Hermann
Ferdinand
Hrólfur hræðilegi
Grettir
... að vera önnum kafin.
VEISTU HVAÐ MÉR LÍKAR
BEST Í FARI ÞÍNU, JÓN?
HVAÐ ÉG ER DUGLEGUR
AÐ NOTA TANNÞRÁÐ?
AÐ ÉG GETI GERT
MIG RANGEYGÐAN Á
ÖÐRU AUGA?
AÐ ÞÚ ERT
ÖÐRUVÍSI.
PABBI ER
KOMINN ÚR
RÁNSFERÐINNI
TIL ENGLANDS!
GOTT, KOM
HANN MEÐ
GÓSSPOKANN
SINN?
JÁ, EN EKKI
BÚAST VIÐ OF
MIKLU.
1005 tímarit nefnist einstaklega fal-legt og frumlegt tímarit sem hóf
göngu sína nýverið, nánar tiltekið
10. maí. Þetta er tilraunakennd út-
gáfa sem sameinar margbreytileika
tímaritsins og bókverkið. Fyrsta út-
gáfan lofar góðu, í það minnsta var
tilfinningin að fá eintakið í hendur
góð. Það er eitthvað við áþreifanlega
hluti eins og bók sem vekur góða til-
finningu fyrir því að maður hljóti að
vera með einhverja mikilvæga visku
milli handanna.
x x x
Að sjálfsögðu ætlar Víkverji aðminnast á vorið, en ekki hvað!
Hann rennir í grun, að oft og tíðum
sé hægt að fletta upp í gömlum Vík-
verjum, kanna umfjöllunarefnið og
para saman við árstíð og veðurfar.
Prýðishugmynd að partíleik, góðir
hálsar.
x x x
Jú, því veðrið og árstíminn ernokkuð sem Íslendingum verður
tíðrætt um, og er það vel. Vonir og
væntingar vorsins hafa náð til Vík-
verja. Eins og fyrri daginn á hann
það til að verða aðeins of kappsamur
og fara fram úr sjálfum sér. Þannig
er mál með vexti að ræktunaráhugi
hefur náð að sá fræjum sínum í
hjarta hans.
Forræktað kál er ekki enn komið ísölu í garðyrkju og blómabúðir.
Ástæðan er einföld – það er víst enn
þá of kalt úti til að geta leyft því að
komast út undir bert loft. Hitinn fer
víst niður í þrjár gráður yfir nóttina.
x x x
Á sama tíma og höfuðborgarbúinner að hugsa um ræktun og býsn-
ast yfir næturkulda, þá er nánast
hægt að skella sér á skíði á öllu land-
inu. Á Ísafirði er einstaklega gott
skíðafæri og ætti fátt að vera því til
fyrirstöðu að skíðaáhugamenn
skundi vestur og renni sér síðustu
bununa niður fjallið fyrir sumarið.
Já, þessu er ansi misskipt milli
landshluta. Á meðan sunnlenskir
bændur hleypa kindum sínum út á
tún sem víða eru orðin græn, þá eru
frændkindur þeirra fyrir norðan enn
á heygjöf. En svona er víst lífið.
víkverji@mbl.is
Víkverji
Því svo elskaði Guð heiminn að hann
gaf einkason sinn til þess að hver sem
á hann trúir glatist ekki heldur hafi ei-
líft líf. (Jóhannesarguðspjall 3:16)