Morgunblaðið - 20.06.2013, Blaðsíða 30

30 ÍSLENDINGAR
MORGUNBLAÐIÐ FIMMTUDAGUR 20. JÚNÍ 2013
Ég er að stinga af í fimm vikna ferðalag um Asíu í næstuviku,“ segir Ólafur Geir Jóhannesson danskennari, semverður 50 ára í dag, en hann fékk ferð til Bangkok í af-
mælisgjöf frá vinahópnum sínum.
Ólafur hlakkar mikið til ferðarinnar og telur slíkar gjafir miklu
betri heldur en hefðbundnar afmælisgjafir. „Þetta er miklu betra
heldur en efnislegir hlutir á borð við skyrtunælur og erma-
hnappa.“
Ólafur hefur verið danskennari í 33 ár en samhliða því hefur
hann selt fasteignir og meðhöndlað fólk með Bowen-tækni. “Ætli
ég dansi ekki bara á bak við lokuð gluggatjöld og sleppi ærlega
fram af mér beislinu hérna heima í tilefni dagsins,“ segir Ólafur
en hann segir dans með frjálsri aðferð vera bestu líkamsræktina.
Ólafur ætlar að bjóða nánustu fjölskyldu í kaffiboð hjá móður
sinni í dag og sér ekki fram á að geta haldið stóra veislu fyrr en í
fyrsta lagi í haust þegar fólk er komið heim úr sumarfríum.
Stórafmælið leggst vel í Ólaf og hann lítur björtum augum til
framtíðar. „Maður er í raun í sínu besta líkamlegu og andlegu
ástandi núna þegar erfiðasti hjallinn er búinn í lífinu. Það er
margt spennandi í gangi og ekkert nema sól í kortum framtíð-
arinnar,“ segir Ólafur og hlær. „Hálf öld liðin hjá á augabragði
án þess að maður geri sér grein fyrir því.“
Ólafur Geir Jóhannesson 50 ára
Fimmtugur Ólafur Geir Jóhannesson heldur sér ungum í dansi.
Asíureisa og dans á
bak við gluggatjöld
Íslendingar Kjartan Gunnar Kjartansson, islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Reykjanesbær Jenný
Sara fæddist 25. febr-
úar kl. 11.09. Hún vó
2.935 g og var 50 cm
löng. Foreldrar hennar
eru Sigrún Svava
Thoroddsen og Elís F.
Gunnþórsson.
Nýr borgari
S
igvaldi fæddist í Reykja-
vík 20.6. 1973 og átti
þar heima til tveggja
ára aldurs. Þá flutti
hann með móður sinni,
systur og stjúpa til Óðinsvéa í
Danmörku, og tveimur árum síðar
til Álaborgar þar sem hann átti
heima til sjö ára aldurs. Auk þess
dvaldi hann hjá móðurafa og
ömmu í Vogunum um hálfs árs
skeið og síðan hjá föður sínum og
stjúpu í nokkra mánuði í Breið-
holtinu. Hann flutti síðan í Breið-
holtið með móður sinni og stjúpa
og var þá í Hólabrekkuskóla.
Sigvaldi var í Fjölbrautaskól-
anum í Breiðholti 1990-93 og
stundaði síðar nám í kvikmynda-
klippingu við National Film and
Television School (NFTS) í Eng-
landi.
Sigvaldi J. Kárason, kvikmyndaleikstjóri og framleiðandi – 40 ára
Leikstjórn Sigvaldi Jón Kárason leikstýrir Latabæjarþætti. Bæjarstjórinn í Latabæ til halds og trausts í bakgrunni.
Ætlar að koma sér upp
aldingarði á Skeiðum
Morgunblaðið/Kristinn
Frumsýning Sigvaldi var framleiðandi Gnarr kvikmyndarinnar. Hér er hann
ásamt Gauki Úlfarssyni, leikstjóra myndarinnar, Jóni Gnarr, borgarstjóra og
aðalleikara, og Birni Ófeigssyni, í Egilshöll í nóvember árið 2010.
„Íslendingar“ er nýr efnisliður
sem hefur hafið göngu sína
í Morgunblaðinu. Þar er
meðal annars sagt frá merkum
viðburðum í lífi fólks, svo sem
hjónavígslum, barnsfæðingum
eða öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinnimbl.is/islendingar
eða á islendingar@mbl.is
Svarið við spurningu dagsins
Fylgifiskar - Suðurlandsbraut 10, 108 Rvk - Sími 533 1300 - fylgifiskar.is
tilbúnar í pottinn heima
Fiskisúpur í Fylgifiskum
Verð 1.790 kr/ltr
Súpan kemur í fötu en fiskinum er pakkað sér.
Eldunaraðferð þegar heim er komið: Súpan er hituð upp að suðu, fiskinum er jafnað út milli súpudiska
eða settur í pottinn um leið og súpan er borin fram.
Hvað þarftu mikið?
Súpa sem aðalréttur – 0,5 ltr/mann Súpa sem forréttur – 0,25 ltr/mann