Morgunblaðið - 20.06.2013, Blaðsíða 37

MENNING 37
MORGUNBLAÐIÐ FIMMTUDAGUR 20. JÚNÍ 2013
Ofurmennið, eða Súpermanneins og við Íslendingarköllum hetjuna nú oftast,snýr aftur á hvíta tjaldið í
Man of Steel og rauðu nærbuxurnar
á bak og burt. Nú er hetjan í heilum
galla og öllu dekkri en þeir hafa ver-
ið, litirnir tónaðir niður. Enda er
myndin sú dekksta hingað til um
hetjuna, áhersla lögð á andlegar
þjáningar drengsins frá plánetunni
Krypton þegar hann kemst að því að
hann er öðruvísi en börn Jarðar, býr
yfir ofurmannlegum kröftum og eig-
inleikum, heyrir grasið gróa og sér í
gegnum holt og hæðir.
Saga Súpermanns, þ.e. Kal-El, er
rakin frá upphafi í Man of Steel, allt
frá því hann fæðist með eðlilegum
hætti á plánetunni Krypton (ólíkt
öðrum börnum þar sem ræktuð eru
eins og tómatar í gróðurhúsi) og er
sendur af foreldrum sínum til Jarð-
ar í geimflaug þar sem tortíming
Krypton er yfirvofandi. Krypton
springur í loft upp en faðir Kal-Els,
Jor-El, er myrtur skömmu áður af
vitfirrta hershöfðingjanum Zod sem
hlýtur fangelsisdóm fyrir, er frystur
ásamt fylgismönnum sínum og send-
ur út í geim í e.k. fljúgandi geim-
fangelsi. Zod sleppur úr prísundinni
rúmum 30 árum síðar og hefur leit
að genabanka allra Krypton-búa
sem Jor-El tókst að senda með syn-
inum til Jarðar. Á Jörðu er Kal-El,
eða Clark Kent, orðinn fullorðinn og
forðast fyrir alla muni að nota of-
urkrafta sína, nema þegar bjarga
þarf fólki úr háska. Enda er honum
ætlað æðra hlutverk á Jörðu, að
sögn fóstra hans, að leiða mann-
kynið og verða bjargvættur þess líkt
og frelsarinn sjálfur, Jesús Kristur.
Og Jor-El birtist honum sem heil-
mynd og færir honum sömu fréttir.
Já, Kristsgervingarnir verða ekki
öllu skýrari en þetta. Þegar Zod og
hans föruneyti kemur til Jarðar og
hótar að tortíma mannkyninu fái
það ekki Kal-El í hendur, æsast leik-
ar heldur betur. Súpermann fórnar
sér að sjálfsögðu fyrir mannkynið
enda góðmenni í gegn en kemst
fljótlega að því að Zod er ekki
treystandi. Upphefst þá mikill bar-
dagi Súpermanns (og Bandaríkja-
hers, auðvitað) við illmennin og eyði-
leggingin sem honum fylgir gífurleg,
háhýsin hrynja hvert af öðru og allt
springur í loft upp sem sprungið
getur.
Snyder hefur áður sýnt töfra-
brögð þegar kemur að því að færa
myndasögur á hvíta tjaldið. Watch-
men var tilkomumikið sjónarspil og
óhætt er að fullyrða að hasarheimur
Súpermanns hefur aldrei verið eins
stórfenglegur og í þessari mynd.
Snyder gefur allt í botn í hasarnum
og aðdáendur hetjunnar verða ekki
fyrir vonbrigðum. Leikarinn Henry
Cavill er líkt og sérsniðinn í hlut-
verkið, engu líkara en hann hafi
sprottið fullskapaður úr höfði ein-
hvers Súpermann-teiknara. Ljúf-
mennskan holdi klædd og nóg er nú
af holdinu, Cavill er svo sannarlega
vöðvastæltasti Súpermann-leikarinn
hingað til. Amy Adams er fantagóð í
hlutverki Louis Lane, blaðakon-
unnar sem Súpermann verður ást-
fanginn af, og Kevin Costner og
Diane Lane innileg í hlutverkum
fósturforeldra hetjunnar. Michael
Shannon stendur sig ágætlega sem
illmennið Zod, sama illmenni og
Terrence Stamp túlkaði með mun
eftirminnilegri hætti í Superman II.
Crowe er heldur líflaus Jor-El og
Krypton-hluti myndarinnar er lang-
dreginn og leiðinlegur. Annar galli
myndarinnar er skortur á léttleika.
Saga Súpermanns er skemmtilegt
ævintýri og skondið, þrátt fyrir bibl-
íulegar vísanir. Súpermann er has-
arhetjan sem litlir drengir heillast
af, draumurinn um að verða sterk-
astur í heimi, dýrkaður af öllum,
ósigrandi hetja sem getur flogið
hraðar en byssukúla. Á að taka slíka
sögu alvarlegum og jafnvel raunsæ-
islegum tökum? Dæmi hver fyrir sig
en það er í það minnsta tilraun til
þess að hressa upp á gamla tuggu.
Þrátt fyrir fyrrnefnda galla er
Man of Steel mikil bíóveisla og Súp-
ermann-aðdáendur munu eflaust
ganga fullsáttir úr bíósölum. Þetta
er glæsileg ofurhetjumynd, á því
leikur enginn vafi en hana vantar
einhvern sjarma á borð við þann
sem Christopher heitinn Reeve
færði Súpermann á sínum tíma.
Stálmaðurinn Henry Cavill í hlutverki Súpermanns, reiðubúinn til átaka.
Nærbuxnalaus frelsari
Sambíóin
Man of Steel bbbmn
Leikstjóri: Zack Snyder. Aðalleikarar:
Henry Cavill, Amy Adams, Diane Lane,
Kevin Costner, Michael Shannon og
Russell Crowe. Bandaríkin, 2013.
143 mín.
HELGI SNÆR
SIGURÐSSON
KVIKMYNDIR
Helgi Snær Sigurðsson
helgisnaer@mbl.is
Tónlistarhátíðin All Tomorrow’s
Parties (ATP) verður haldin í Ásbrú
í Keflavík 28. og 29. júní nk. og með-
al þeirra hljómsveita sem þar munu
leika er hin íslenska múm. Örvar
Þóreyjarson Smárason, liðsmaður
sveitarinnar, var fenginn af skipu-
leggjendum hátíðarinnar til að velja
bækur á sérstakan bókalista hátíð-
arinnar, bækur sem hátíðargestir
ættu að lesa eða í það minnsta að
glugga í.
Morgunblaðið fékk þennan ágæta
lista í hendur og er hann svohljóð-
andi: The Sufferings of Prince Ster-
nenhoch eftir Ladislav Klíma,
Explorers of the New Century eftir
Magnus Mills, Travels into Several
Remote Nations of the World in Fo-
ur Parts. By Lemuel Gulliver (eða
Reisubók Gúllívers) eftir Jonathan
Swift, Slash: Autobiography by
Slash and Anthony Bozza eftir Slash
og Anthony Bozza, Valerie and her
Week of Wonders eftir Vitezlav
Nezval, The Man who was
Thursday: A Nightmare eftir G.K.
Chesterton og að lokum All Quiet on
the Western Front (þ.e. Tíð-
indalaust á vesturvígstöðvunum) eft-
ir Erich Maria Remarque.
Textar og hugmyndir
Örvar segist ekki búast við því að
gestir muni lesa mikið meðan á há-
tíðinni stendur en útilokar þó ekki að
menn gluggi í bók milli tónleika. En
hvað eiga bækurnar sameiginlegt?
„Allar þessar bækur eiga það sam-
eiginlegt að við höfum stolið ein-
hverju úr hverri bók, textum eða
hugmyndum,“ segir Örvar og á þar
við múm. Spurður að því hvort þess-
um bókalista verði fylgt eitthvað eft-
ir á hátíðinni, t.d. með upplestri, seg-
ist Örvar ekki halda að svo verði.
„Þetta er örugglega bara gert til
þess að hafa eitthvert lesefni þarna.“
-Er einhver bók öðrum fremri á
listanum, sem þú ert hrifnastur af?
„Þessi fyrsta þarna, The Suffer-
ings of Prince Sternenhoch, ég
keypti hana fyrir tilviljun og fór að
lána fólki hana, er búinn að lána al-
veg 20-30 manns hana og hún er orð-
in kantslitin. Það hafa allir haft jafn-
gaman af henni,“ segir Örvar og
býður áhugasömum bókina til láns.
Hann muni hafa hana með sér á há-
tíðina. „Þetta er e.k. tékknesk, got-
hic hryllingssaga, alveg smekkfull af
geðveiki, djöflum og blóði,“ segir
Örvar um efni bókarinnar.
-Svona eins og tónlist múm?
„Alveg eins og tónlist múm,“ svar-
ar Örvar kíminn. „The dark side of
the múm,“ bætir hann við.
Bókaormur Örvar með eigin ljóða-
bók, The Fruits Turn The Youth.
Einhverju stolið
úr hverri bók
 Örvar bjó til bókalista fyrir ATP
Morgunblaðið/G. Rúnar
ALLT FYRIR SKRIFSTOFUNA
V/Reykjalund - Mosfellsbæ - Sími 562 8500 - www.mulalundur.is
Múlalundur - fyrir betri framtíð
KVIKMYNDAÚRVALIÐ ER Í SAMBÍÓUNUM
Á TOPPNUM Í ÁR
KYNNTU ÞÉR MÁLIÐ Á
EGILSHÖLLÁLFABAKKA
MANOFSTEEL3D KL.5-8-11
MANOFSTEEL2D KL.4:30-7:30-10:10-10:30
MANOFSTEELVIP KL.5-8-11
PAINANDGAIN KL.5:20-8-10:40
NOWYOUSEEME KL.8-10:30
HANGOVER-PART3 KL.5:50-8
IRON MAN 33D KL. 5:20
KRINGLUNNI
MAN OF STEEL 3D KL. 5 - 8 - 11
MAN OF STEEL 2D KL. 5 - 10:30
PAIN AND GAIN KL. 8 - 10:40
NOW YOU SEE ME KL. 5:30 - 8
MAN OF STEEL 3D KL. 5 - 8 - 11
MAN OF STEEL 2D KL. 4 - 7 - 10
PAIN AND GAIN KL. 8 - 10:40
NOW YOU SEE ME KL. 5:30 - 8 - 10:30
HANGOVER - PART 3 KL. 5:50
NÚMERUÐ SÆTI
KEFLAVÍK
MANOFSTEEL3D KL.8-11
PAINANDGAIN KL.10:30
NOWYOUSEEME KL.8 AKUREYRI
MAN OF STEEL 3D KL. 5 - 8 - 11
PAIN AND GAIN KL. 8
NOW YOU SEE ME KL. 10:40
HANGOVER - PART 3 KL. 5:50
TRYGGÐU ÞÉR MIÐA Á
“PURE SUMMER MAGIC”
ÓVÆNTASTI SMELLUR ÁRSINS
„DREPFYNDIN GLÆPAGRÍNMYND“
„FYNDNASTA MYND SEM
ÉG HEF SÉÐ Í ÁR.“

NEW YORK POST
T.V. - BÍÓVEFURINN
BYGGÐ Á SÖNNUM ATBURÐUM
ERU GRJÓTHARÐIR Í ÞESSARI FRÁBÆRU MYND
OG VINSÆLASTI GRÍNÞRÍLEIKUR ALLRA TÍMA!
FRÁBÆR GRÍNMYND
NEW YORK DAILY NEWS
FRÁ CHRISTOPHER NOLAN ÁSAMT Z. SNYDER KEMUR STÆRSTA MYND ÁRSINS
MAGNAÐASTA BÍÓUPPLIFUN ÞESSA ÁRS!
“SPECTACULAR”

EMPIRE