Morgunblaðið - 24.08.2013, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 24. ÁGÚST 2013
Opið í dag
kl 10-15
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sýning verður opnuð í Hörpu í dag á verkum
Ragnars Axelssonar ljósmyndara sem betur er
þekktur undir heitinu RAX. Sýningin ber nafnið
Fjallaland, eftir samnefndri bók RAX með mynd-
um hans úr smalamennskum á Landamanna-
afrétti undanfarin 25 ár. Ólafur Ragnar Gríms-
son, forseti Íslands, minntist í ávarpi sínu við
opnun sýningarinnar í gær á Jónas Hallgrímsson,
Jóhannes S. Kjarval og Halldór Laxness og sagði
þá hafa veitt þjóðinni nýja sýn á landið. Sagði for-
setinn að með myndum sínum hefði Ragnar Ax-
elsson á svipaðan hátt opnað augu landsmanna
fyrir stórbrotinni fegurð landsins. Ólafur nefndi
einnig þá miklu athygli sem ljósmyndir Ragnars
frá norðurslóðum og af íbúum hins kalda norður-
hjara hefðu vakið víða um heim. Þá flutti Pétur
Blöndal einnig erindi við opnunina en hann skrif-
aði textann í bókinni með RAX. Á myndinni er
Ragnar með þekktum gangnamönnum á Land-
mannaafrétti; þeim Engilbert Olgeirssyni, Kristni
Guðnasyni fjallkóngi og Olgeiri Engilbertssyni,
við opnun sýningarinnar. Þess má geta að fjallað
er um bókina Fjallaland í Sunnudagsblaði Morg-
unblaðsins í dag.
RAX veitir þjóðinni nýja sýn á landið
Stórbrotin fegurð landsins fönguð á sýningu Ragnars Axelssonar ljósmyndara í Hörpu
Morgunblaðið/Árni Sæberg
Ágúst Ingi Jónsson
aij@mbl.is
Aðgerðir Evrópusambandsins gagnvart Færeying-
um munu hafa talsvert tekjutap í för með sér fyrir
Samskip, að sögn Ásbjörns Gíslasonar, forstjóra
fyrirtækisins. Miðað við væntingar fyrirtækisins
um flutning á síldar- og makrílafurðum frá Fær-
eyjum í ár gætu tekjur dregist saman um nokkur
hundruð milljónir.
Ásbjörn segir að Færeyingar hafi áætlað að
veiða hátt í 150 þúsund tonn af makríl og yfir 100
þúsund tonn af síld. Búið sé að veiða tæplega helm-
inginn af þessu magni og mikið hafi þegar verið
flutt frá Færeyjum.
„Við höfðum gert ráð fyrir talsverðri aukningu í
gámaflutningum með auknum kvótum Færey-
inga,“ segir Ásbjörn. „Síld frá Færeyjum hefur að
talsverðu leyti farið á markaði í Evrópu og því er
ljóst að þessar aðgerðir verða högg fyrir Færey-
inga. Makríllinn hefur hins vegar frekar farið á fjar-
lægari markaði eins og í Afríku, Asíu, Rússlandi og
Balkanlöndum.
Nú verður hins vegar ekki lengur hægt að flytja
síld og makríl í gámaflutningakerfi okkar í gegnum
hafnir í Evrópu, eins og til dæmis Rotterdam, þar
sem afurðunum var umskipað. Í staðinn fara þessar
afurðir væntanlega beint í frystiskip sem flytja vör-
una til fjarlægari viðskiptalanda. Þessir flutningar
koma trúlega í auknum mæli í hlut norsks skipa-
félags, sem Samskip á hlut í,“ segir Ásbjörn.
Spurður hvort tekjutap Samskipa geti verið ná-
lægt hálfum milljarði segir hann ómögulegt um það
að segja. Ljóst sé að um talsvert tekjutap sé að
ræða sem geti hlaupið á nokkrum hundruðum millj-
óna.
Meira í laxi og botnfiski
Gylfi Sigfússon, forstjóri Eimskips, segir að fyr-
irtækið hafi einbeitt sér að flutningum á laxi og
botnfiski frá Færeyjum, en hafi minna komið að
flutningi á síld og makríl. Því hafi löndunarbann
ESB á afurðir þessara fisktegunda ekki mikil áhrif
á rekstur Eimskips.
Talsvert tekjutap Samskipa
 Refsiaðgerðir ESB koma niður á flutningum fyrirtækisins frá Færeyjum
 Tekjur gætu dregist saman um hundruð milljóna, segir forstjóri Samskipa
Morgunblaðið/Árni Sæberg
Þórshöfn Aðgerðir ESB geta haft margvísleg áhrif.
María Margrét Jóhannsdóttir
mariamargret@mbl.is
Gunnar Bragi Sveinsson utanrík-
isráðherra segir í svari til Árna
Páls Árnasonar, formanns Sam-
fylkingarinnar, að hlé hafi verið
gert á aðildarviðræðum við Evr-
ópusambandið en umsóknin hafi
ekki verið afturkölluð. Þá vísar
Gunnar Bragi í lögfræðiálit þar
sem fram kemur að þingsályktanir,
sem ekki byggjast á sérstakri
heimild í lögum eða stjórnarskrá,
bindi stjórnvöld ekki umfram það
sem af þingræðisvenjunni leiðir.
„Þetta svar sýnir að þær yfirlýs-
ingar ráðherrans undanfarið um að
Ísland sé ekki umsóknarríki stand-
ast ekki og það er mikið áhyggju-
efni hvernig ríkisstjórnin stendur
að þessum málum,“ segir Árni Páll.
„Ríkisstjórnin hefur umboð til þess
að gera hlé á aðildarviðræðum en
ekki til þess að slíta þeim eða vinna
tjón á aðildarferlinu nema með því
að bera það undir þjóðina. Það eru
takmörk fyrir því hversu langt er
hægt að ganga í því að skaða ferlið
eins og með því að leysa upp samn-
inganefndina.“ Þá er Árni Páll ekki
sammála túlkun ráðherrans á vægi
þingsályktana. „Áratugum saman
höfum við byggt stærstu ákvarð-
anir í utanríkismálum Íslands á
þingsályktunum. Það er fráleitt að
halda því fram að þær hafi enga
þýðingu og dæmin sýna það en við
gengum t.d. í NATO á grundvelli
þingsályktunar.“
Aðildarumsóknin hefur
ekki verið afturkölluð
 Þingsályktun ekki talin bindandi  Skaðar aðildarferlið
Gunnar Bragi
Sveinsson
Árni Páll
Árnason
„Þetta er auðvitað sérstaklega
skemmtilegt þar sem ég er svo al-
gerlega ekki veiðimaður en í dag er
ég hins vegar stærsti veiðimaðurinn.
Svona getur veiðin verið, þetta er
bara alveg magnað,“ sagði Guð-
mundur Annas Árnason í samtali við
mbl.is en hann landaði í gær 50
punda laxi í ánni Lakselva í Finn-
mörku í Noregi. Talið er að þetta sé
stærsti lax sem Íslendingur hefur
landað. Guðmundur hefur starfað
undanfarnar þrjár vikur sem kokkur
í veiðihúsi við ána og hefur aldrei áð-
ur veitt lax. Hann brá sér hins vegar
í gær í ána og þá beit skrímslið á.
„Við erum náttúrlega búnir að
vera með fullt af hópum hérna í
Lakselva, marga flotta veiðimenn,
og ég hef bara verið að elda ofan í
þá. Síðan fékk ég smá frí í dag og
skellti mér út í ána í tvo tíma og fékk
strax stærsta laxinn. Þetta er auð-
vitað bara alger hundaheppni.“
Guðmundur var á ferð með mági
sínum sem er leiðsögumaður og var
á veiðum annars staðar í ánni.
„Hann sagði mér að öskra bara ef ég
fengi hann. Síðan byrjaði ég að
öskra að ég væri kominn með hann
og þá hljóp hann til með vídeó-
kameruna og byrjaði að leiðbeina
mér hvernig ég ætti að draga hann
inn. Á endanum þurfti okkur tvo og
þriðja manninn til þess að ná honum.
Þeir kalla þessa fiska krókódíla í
Noregi,“ segir hann.
Að sögn Guðmundar var laxinum
síðan sleppt. Fyrst voru teknar
margar myndir af laxinum og mynd-
band tekið upp. Til stendur að gera
afsteypur af laxinum úr tré, önnur
verður sett upp í veiðikofanum þar
sem Guðmundur starfar og hina fær
hann til eignar. hjorturjg@mbl.is
Veiddi 50
punda
maríulax
Risalax Guðmundur Annas Árnason
kátur með sinn 50 punda maríulax.
 Kokkurinn
landaði „krókódíl“