Morgunblaðið - 24.08.2013, Blaðsíða 52

52 DÆGRADVÖL
MORGUNBLAÐIÐ LAUGARDAGUR 24. ÁGÚST 2013
Stjörnuspá
21. mars - 19. apríl 
Hrútur Þú verður að líta upp úr vinnunni og
horfa framan í heiminn stöku sinnum.
Kannski á viðkomandi það líka skilið. Ekki er
allt gull sem glóir og þú græðir á því að skoða
hlutina.
20. apríl - 20. maí 
Naut Þú hefur öðlast margt sem þú hefur
látið þig dreyma um árum saman. Láttu lítið
á þér bera og ekki búast við miklu í stöðu þar
sem þú þarft að treysta á aðra.
21. maí - 20. júní 
Tvíburar Dagurinn í dag mun að líkindum
einkennast af spennu og átökum á heimili.
Stattu fastur á þínu uns rykið eftir hina hefur
sest aftur.
21. júní - 22. júlí 
Krabbi Hollusta þín andspænis krefjandi
verkefni blæs þeim sem þarfnast uppörvunar
og hvatningar anda í brjóst. Hafðu bara hægt
um þig þar til öldurnar lægir og ræddu þá
málið við yfirmann þinn.
23. júlí - 22. ágúst 
Ljón Öllu gríni fylgir einhver alvara svo þú
skalt gæta orða þinna og hafa aðgát í nær-
veru sálar. Vertu ekki óþarflega harður við
sjálfan þig.
23. ágúst - 22. sept. 
Meyja Vinkona gæti átt það til að sækjast
eftir félagsskap þínum, þið notið tækifæri til
þess að ræða framtíðarmarkmið ykkar.
23. sept. - 22. okt. 
Vog Þú hefur öðlast djúpan skilning á því
sem skiptir sköpum fyrir þig. Það veltur mikið
á því að þú náir að notfæra þér sérstök tæki-
færi, sem bjóðast í dag.
23. okt. - 21. nóv.
Sporðdreki Þú þarft að standa í félagslegum
leiðindum eins og afsökunum og öðrum átök-
um. Reyndu að hemja skap þitt og forðast
rifrildi.
22. nóv. - 21. des.

Bogmaður Þú ættir ekki að eiga samskipti
við stórar stofnanir eða yfirvöld í dag. Fólk
virðist einstaklega hörundsárt. Samkomulag
virðist óhugsandi.
22. des. - 19. janúar 
Steingeit Þú laðast að kvenlegri orku, því þú
þarfnast umhyggju og næringar. Farðu var-
lega hvort sem þú ert á gangi og í umferðinni.
20. jan. - 18. febr. 
Vatnsberi Blandaðu þér ekki í deilur vinnu-
félaga þinna að svo stöddu. Hlýddu vel á
sjónarmið annarra áður en þú tekur ákvörð-
un.
19. feb. - 20. mars

Fiskar Þú ert að glíma við eitthvert vandamál
sem veldur þér miklum heilabrotum. Notaðu
heilbrigða skynsemi og beittu þig aga því þá
mun þér farnast vel.
Karlinn á Laugaveginum varþungur á brún þegar ég sá
hann vegna þeirra viðskipta-
þvingana, sem Evrópusambandið
beitir Færeyinga. „Sagan endur-
tekur sig, við erum næstir,“ sagði
hann og rifjaði upp að þúsundir
manna hefðu mætt á útifundinum á
Lækjartorgi árið 1958 til að mót-
mæla yfirgangi Breta í landhelgis-
málinu. Andvirði útfluttra sjávaraf-
urða Íslendinga nam þá 97% af
gjaldeyristekjunum. – Fiskimiðin
okkar eru þess vegna lamb fátæka
mannsins, sagði Sigurður frá Vigur á
útifundinum. „Og Færeyingar eru í
sömu stöðu og við vorum þá,“ bætti
karlinn við:
Enn þeir vilja okkur þvinga,
ekki minnkar þeirra dramb
Fiskurinn er Færeyinga,
fátæka mannsins eina lamb.
„Haust í nánd“ er yrkisefnið á
Leirnum. Sigrún Haraldsdóttir yrkir:
Fer að haust með dauðadyni,
daprast litur stráa,
til mín klökk í kveðjuskyni
kvakar lóan smáa.
Ólafur Stefánsson lætur í sér
heyra:
Kemur vetur kaldur, hreinn,
kúri þá í náðum.
Er það gróði alveg beinn
ef að haustar bráðum.
Og síðan í sviga merkt „Ó:
Með lóunni ég legg af stað
í langferð suðŕá bóg
til að fá mér buslubað
og bjór að koma í lóg.“
Þessar stökur bárust að norðan
frá Fíu:
Engin gul sem gullinn dregill,
glitra net af vetrarkvíða.
Vatnið orðið eins og spegill
eftir honum skýin líða.
Fölna tindar, fölna á greinum
fáein lauf, sem bráðum detta.
Í grænum mosa á gráum steinum
grætur dögg, en berin spretta.
Páll Jónasson í Hlíð yrkir um
farfuglana:
Á haustin burt fuglarnir fljúga
og fara í suðrinu að búa.
En öfugt við okkur
mun allur sá flokkur
aftur til átthaga snúa.
Þeir sungu um síðkvöldin hlý
en svo voru farnir og því
ég þyngist í spori
en veit þó að vori
í varpa þeir birtast á ný.
Halldór Blöndal
halldorblondal@simnet.is
Vísnahorn
Lamb fátæka mannsins
og haust í nánd
Í klípu
„ÉG HEF VERIÐ GÓÐUR. LÁTUM ÞAÐ DUGA.
LÖGFRÆÐINGURINN MINN HEFUR RÁÐLAGT
MÉR AÐ SVARA EKKI FLEIRI SPURNINGUM.“
eftir Mike Baldwin eftir Jim Unger
„EF ÞÚ FERÐ EKKI AÐ SOFA, ÞÁ MUNTU
ÆFA SVEIFLUNA Í HJÓLASTÓL.“
Hermann
Ferdinand
Hrólfur hræðilegi
Grettir
... að fara í útilegu
þegar þú myndir frekar
vilja vera í hlýju rúmi.
ÞAÐ ER SVOLÍTIÐ SÍÐAN
ÞÚ HEFUR GERT ÞETTA,
HRÓLFUR …
… ÞANNIG AÐ ÉG
ÆTLA AÐ RIFJA UPP
FYRIR ÞÉR …
ÞETTA ER
ÞVOTTAPOKI …
… OG ÞETTA ER
SÁPUSTYKKI.
LÁTTU MIG VITA
ÞEGAR ÞÚ ERT
BÚINN AÐ LESA
ÞETTA BLAÐ …
MIG LANGAR
AÐ LESA
TEIKNIMYNDA-
SÖGURNAR.
ÞETTA VAR OF
AUGLJÓST, ER
ÞAÐ EKKI?
MÁTTI
REYNA.Víkverji ákvað að fara með skó-garmana sína til skósmiðs og
láta aðeins lappa upp á þá, í þeirri
meiningu stóð hann að minnsta kosti.
Sú varð ekki raunin. Skósmiðurinn
virti þá fyrir sér með greinandi auga,
handfjatlaði í stutta stund og kvað
upp dóminn á örskotsstund: „Það
þarf að skipta um sóla á þeim báðum
og rennilásana. Það tekur því ekki að
gera við þá því það kostar um 16 þús-
und krónur. Ég myndi ráðleggja þér
að kaupa bara nýja.“ Ha, eru þeir
svona slæmir, var það eina sem Vík-
verji gat stunið upp tregafullur, tók
þá í fang sér og virti þá fyrir sér, um
leið og hakan seig óvenjulangt niður
að bringu.
x x x
Hann sem ætlaði að vera svo hag-sýnn og nýta hlutina til hins ýtr-
asta en nei, allt kom fyrir ekki.
Henda og kaupa nýtt er svar nú-
tímans. Einnota samfélag takk fyrir.
x x x
Af hverju kostar það virði einsskópars, og það úr leðri, að láta
gera við það? Af hverju er ekki hægt
að eiga fína skó í nokkur ár? Hvaða
endingu má búast við að hlutirnir
hafi? Á maður ekki að geta notað eitt
skópar í meira en tvö ár og það skó
úr leðri sem kosta rúmlega 20 þús-
und krónur? Tja, maður spyr sig.
Viðhald á skónum var barasta alveg
ágætt, borið á þá af og til en notaðir
kannski nánast upp á dag um tíma …
x x x
Víkverji var þó ekki af baki dottinn.Hann skellti sér í þá í vinnuna og
var hinn ánægðasti. Það var heppni
að hann kom akandi en ekki gang-
andi til vinnu því ekki var hægt að
renna skónum almennilega upp. En
það blasti við að nýir skór skyldu
keyptir.
x x x
Ekki er það þó amalegt að hafadottið inn í búð sem er rétt fyrir
utan bæinn og selur þessar líka fínu
vörur á góðum kjörum. Búðin er
Álnavörubúðin og er í Hveragerði.
Góð merki á hagstæðu verði. Þar er
t.d. sama vara og er seld á höfuð-
borgarsvæðinu mun ódýrari.
víkverji@mbl.is
Víkverji
Allt sem faðirinn gefur mér mun
koma til mín og þann sem til mín
kemur mun ég alls eigi brott reka.
(Jóhannesarguðspjall 6:37)
STÓRÚTSALA!
Allar vörur
á útsölu
Allt að 50%
afsláttur
Ármúla 5 • 108 Reykjavík • Sími 544 8181
Þekking • Þjónusta
Olíumálverk
40%
afsláttur
Skápar
10-40%
afsláttur
Sófar
15-30%
afsláttur
Jantzen
hægindastólar
20% afsláttur
Rubelli tungusófar
168.300,-
Lampar og
kertastjakar
20%
afsláttur
www.innlit.is