Morgunblaðið - 31.10.2013, Qupperneq 6

6 FRÉTTIRInnlent
MORGUNBLAÐIÐ FIMMTUDAGUR 31. OKTÓBER 2013
Suðurlandsbraut 20, Reykjavík | Sími 588 0200 |www.eirvik.is
KAFFI & TE
Í NESPRESSOVÉLAR
Guðrún Hálfdánardóttir,
Andri Karl,
Rúnar Pálmason
Að því gefnu að hann segi ekki bara
„djók“ mun Jón Gnarr ekki sækjast
eftir kjöri í borgarstjórn Reykjavík-
ur næsta vor. Frá þessu greindi
hann í útvarpsþættinum Tvíhöfða á
Rás 2 í gærmorgun.
Jón hafði fyrir nokkru lýst því yfir
að hann myndi greina frá því í Tví-
höfða í gær hvort hann byði sig fram
að nýju. „Þetta er dramatískt og
þetta er persónulegt,“ sagði Jón
Gnarr í útvarpsþættinum, og þeir fé-
lagar Sigurjón Kjartansson og Jón
gerðu sitt besta til að auka sem mest
á dramatíkina með því að draga
hlustendur lengi á svari. Það kom
loks þegar um 166 mínútur voru
liðnar af þættinum sem alls var 175
mínútur að lengd, þegar fréttir og
auglýsingahlé eru talin með.
Yfirlýsingin var skýr: „Ég ætla
ekki að bjóða mig aftur fram sem
borgarstjóri í Reykjavík. Ég kom til
að koma ákveðnum skilaboðum á
framfæri, sanna ákveðin mál og
leggja mitt af mörkum. Og mér
finnst minn tími búinn á þessu
sviði,“ sagði Jón Gnarr. „Ef ég ætl-
aði að endurtaka þetta þá yrði ég að
verða stjórnmálamaður. Og ég er
ekki stjórnmálamaður. Ég er grín-
isti.“
Aldrei talað um söguna
Jón kvaðst bera virðingu fyrir
stjórnmálafólki en stjórnmálamenn-
ingin væri slæm og einkenndist af
slæmum samskiptum, leyndar-
málum og makki. „Upplifunin mín er
svoldið eins og vera í leshring þar
sem bara er talað um stafsetningu.
Það er aldrei talað, einhvern veginn,
um söguna. Og ef þú, sem sagt, leyf-
ir þér það, að láta þig dreyma eitt-
hvað um söguna þá færðu svona ...
dálítið hvasst augnaráð,“ sagði Jón.
Án hans væri enginn Besti flokk-
ur, bætti hann við. Besti flokkurinn,
sem væri í rauninni ekki til, myndi
renna saman við Bjarta framtíð. „Og
fólkið í Besta flokknum mun bjóða
fram í næstu kosningum undir
merkjum Bjartrar framtíðar og þar
verð ég fjarri góðu gamni. Ég ætla
að fara að leita að gleðinni.“
Valið á lista
Eftir hádegi var boðað til stofn-
fundar Bjartrar framtíðar í Reykja-
vík í Listasafni Sigurjóns Ólafs-
sonar. Þar kom fram að til stæði að
opna flokkinn upp á gátt, stofna
stjórn og velja í nefnd sem hefði það
hlutverk að stilla á lista fyrir kom-
andi sveitarstjórnarkosningar.
S. Björn Blöndal, aðstoðarmaður
Jóns í borgarstjórn, sagði að borg-
arfulltrúar Besta flokksins stæðu
heils hugar á bak við þetta verkefni
og þeir yrðu allir með á einn eða
annan hátt. Björn hefur áhuga á að
taka sæti á lista flokksins fyrir kosn-
ingarnar í vor.
„Við höfum engar áhyggjur,“
sagði Björn þegar hann var spurður
hvort hann óttaðist að fylgi Besta
flokksins, sem m.a. byggist á per-
sónufylgi Jóns Gnarr, myndi e.t.v.
ekki færast yfir til Bjartrar fram-
tíðar í Reykjavík. „Áhyggjur hafa
aldrei leyst neinn vanda,“ sagði
hann.
Bjóða fram á nokkrum stöðum
Heiða Kristín Helgadóttir, fram-
kvæmdastjóri þingflokks Bjartrar
framtíðar, sagði að um stóran dag
væri að ræða sem búið væri að bíða
lengi eftir. Besti flokkurinn væri
ekki stjórnmálaflokkur heldur hug-
arástand. Því hefði verið ákveðið að
stofna pólitískan arm hans, Bjarta
framtíð. Nú ætti Björt framtíð ekki
aðeins sex manna þinghóp heldur
ynni hún að því að bjóða fram í
nokkrum sveitarfélögum næsta vor.
Jón Gnarr hættur í leshringnum
 Jón Gnarr mun ekki bjóða sig fram í borgarstjórnarkosningunum í vor  Hans tími búinn
 Besti flokkurinn rennur saman við Bjarta framtíð í Reykjavík  Bjóða fram á nokkrum stöðum
Morgunblaðið/Eva Björk
Brotthvarf Heiða Kristín Helgadóttir og S. Björn Blöndal með Jóni Gnarr sem hér sést í gervi Obi-Wan Kenobi.
„Síðustu dagar eru búnir að
vera mjög erfiðir og, og
hérna, og ég eftir vandlega
umhugsun að þá hef ég
ákveðið að, að draga framboð
Besta flokksins til baka í
sveitarstjórnarkosningum,“
sagði Jón Gnarr, á fundi í Há-
skólanum í Reykjavík 5. maí
2010.
Og bætti svo við eftir smá-
vegis hik: „Djók.“
Besti flokkurinn fékk 34,7%
atkvæða og sex af 15 borgar-
fulltrúm í borgarstjórnarkosn-
ingunum 2010 og myndaði
meirihluta með þremur
fulltrúum Samfylkingarinnar.
Áður hætt
við framboð
STÆRSTIR 2010
Skannaðu kóðann
til að sjá viðtal við
Jón Gnarr.
Baldur Arnarson
baldura@mbl.is
„Það er tillaga okkar að gerður verði
stuttur samningur. Við köllum þetta
aðfarasamning og sjálfur leyfi ég
mér að kalla þetta vopnahlé,“ segir
Gylfi Arnbjörnsson, forseti ASÍ, um
tóninn á fundi formanna aðildar-
félaga sambandsins í gær.
„Allir vilja rétta sína stöðu. Ég hef
engan hóp hitt sem telur sig ekki
þurfa að fá leiðréttingu á sínum laun-
um, hvort sem það er á vettvangi
opinberra starfsmanna eða innan Al-
þýðusambandsins,“ segir Gylfi.
,,Áður en á þetta reynir er vilji til
þess að láta á það reyna að ná hér
sátt um nýja aðferðafræði, en ríkis-
stjórnin verður að sýna vilja sinn í
verki til að koma að sátt á vinnu-
markaði,‘‘ segir Gylfi og víkur að
fjárlögunum . „Við höfum gagnrýnt
fjárlagafrumvarpið harkalega. Okk-
ur finnst áherslurnar vera rangar,
líka hvað varðar tillögur í skattamál-
um,“ segir Gylfi sem vill sjá lægri
skatta í neðsta tekjuþriðjungnum.
Mörkin hækki í 340.000 kr.
Ríkisstjórnin ætli að lækka tekju-
skatt í milliþrepi um 0,8%. Útreikn-
ingar ASÍ sýni að sú aðgerð gagnist
fólki sem er langt fyrir ofan milli-
tekjur. ASÍ leggi í staðinn til að neðri
mörk milli lágtekju- og millitekju-
þreps hækki úr tæplega 240.000 kr. í
340.000 kr. á næsta ári. Slíkt lækki
skattbyrði og jaðarskatta millitekju-
hópa meira. Gylfi segir ASÍ vilja sjá
útfærslu og áhrif boðaðra afskrifta
verðtryggðra íbúðalána, enda hafi
það efasemdir um þær ef tveir þriðju
hlutar afskrifta fari til fólks í tveim
hæstu tekjuþrepunum í samfélaginu.
Forseti ASÍ vill „vopnahlé“
 Samstaða um að semja til skamms tíma á formannafundi
 Forseti ASÍ vill sjá skatta lækkaða á tekjulægstu hópum
Morgunblaðið/Kristinn
Fundað Gylfi Arnbjörsson á for-
mannafundi ASÍ í gær.
Stefanía Óskarsdóttur, stjórnmála-
fræðingur og lektor við stjórn-
málafræðideild Háskóla Íslands,
segir að tilkynning Jóns Gnarrs í
gær opni stöð-
una í stjórnmál-
unum í Reykja-
vík. Hún veiti
einkum Sam-
fylkingu en
einnig Sjálf-
stæðisflokki
sóknarfæri.
„Besti flokk-
urinn hefur ver-
ið að mælast
með mjög mikið
fylgi, sem hefði kannski getað gefið
vísbendingu um að Jón Gnarr
myndi halda áfram. En með þessari
ákvörðun hefur hann sýnt að hann
er enginn venjulegur stjórn-
málamaður. Hann hættir á toppn-
um, meðan enn er eftirspurn,“ seg-
ir hún.
Besti flokkurinn fékk 34,7% í
borgarstjórnarkosningunum 2010
og var stærsti flokkurinn. Í nýrri
skoðanakönnun Capacent mælist
hann enn stærstur í borginni og
fengi 37% atkvæða væri kosið nú.
„Ég efast ekki um að þetta mikla
fylgi Besta flokksins í Reykjavík
megi skýra með persónufylgi Jóns
Gnarrs. Ég eigna honum samt ekki
allt fylgið,“ segir Stefanía.
Hún bendir á mikinn mun á fylgi
Bjartrar framtíðar og Besta flokks-
ins í Reykjavík en samkvæmt ný-
legri könnun MMR mældist fylgi
Bjartrar framtíðar 12,2%.
Samfylkingin fékk 19,1% at-
kvæða í borginni 2010, en hafði
fengið 26,8% í kosningunum 2006.
Stefanía segir að Samfylkingin
hljóti að vonast eftir að fylgið skili
sér til baka og svo virðist sem eftir
mestu sé að slægjast fyrir hana.
Einnig hljóti Sjálfstæðisflokkurinn
að eiga möguleika á að endur-
heimta fylgi. Flokkurinn fékk
33,6% atkvæða árið 2010 en hafði
fengið 42% árið 2006.
Stefanía segir að hugsanlega
megi sjá fyrir sér einhvers konar
samstarf á milli Samfylkingar,
Bjartrar framtíðar og Vinstri-
grænna en hvort af því verði hljóti
að skýrast fljótlega.
Hún tekur fram að enn sé afar
erfitt að segja fyrir um þróunina,
flokkarnir eigi eftir að stilla upp á
lista og langt sé til kosninga.
Kosningarnar 2010 hafi verið
einstakar, bæði hér á landi og á al-
þjóðavísu. Aldrei áður hafi nýtt
framboð fengið svona mikið fylgi
og þar að auki strax tekið við
stjórnartaumunum.
Stefanía segir þó erfitt að sjá fyr-
ir sér að Björt framtíð nái 37% fylgi
eins og Besti flokkurinn mælist
með nú. Hafa verði í huga að kjós-
endur á Íslandi sýni flokkunum
mjög mikla tryggð, a.m.k. þar til á
síðustu árum. Í sögulegu ljósi sé
líklegra að fylgi Bjartrar framtíðar í
Reykjavík verði upp á 15-20%.
Persónufylgi Jóns Gnarrs mikilvægt í borginni
STEFANÍA ÓSKARSDÓTTIR, STJÓRNMÁLAFRÆÐINGUR OG LEKTOR VIÐ HÁSKÓLA ÍSLANDS
Borgin Jón Gnarr á útleið.
Stefanía
Óskarsdóttir