Morgunblaðið - Sunnudagur - 10.11.2013, Page 32

32 MORGUNBLAÐIÐ SUNNUDAGUR 10.11. 2013
Matur og drykkir
Þ
essi kjúklingaréttur er mjög einfaldur og einfaldlega algjört æði
en ég reyni yfirleitt að stíla inn á rétti sem eru ekki of flóknir en
mjög góðir,“ segir Eva Rós Brink, nemi í iðnaðarverkfræði og
matarbloggari með meiru.
Eva útbjó hvítlaukskjúklingarétt fyrir vinkonuhóp sinn sem hún segir
aldrei bregðast og í eftirrétt var hún með súkkulaðiköku með kremi úr
Milka-súkkulaði með karamellu. „Við vinkonurnar erum með algjört æði
fyrir þessu súkkulaði svo mér fannst spennandi að prófa að útbúa krem
úr því en ég er mikil súkkulaðikökukona. Þetta kom sérlega vel út.“
Eva Rós heldur úti geysi-
vinsælu matarbloggi, eva-
brink.com, sem og Facebook-síðu
þar sem hún deilir uppskriftum.
Þrátt fyrir að hún sé önnum kaf-
in móðir og nemi er hún með
brennandi mataráhuga þannig að
hún er alltaf að prófa sig áfram í
eldhúsinu – en hún segist þó
aldrei prófa eitthvað nýtt daginn
sem matarboðið er til að lenda
ekki í því að vita ekki hvað hún
er að gera.
„Við erum í þessum hóp fjórar mömmur sem kynntumst í fæðing-
arorlofinu og við höfum verið mjög duglegar að hittast og gefa hver ann-
arri að borða og eru þarna tvær mágkonur mínar einnig. Þetta var ljúft
og gott kvöld.“
En hvaða uppskriftir hafa fengið mestan lestur hjá Evu Rós? „Kókos-
bolludraumurinn minn hefur fengið ótrúlega góðan lestur og margir hafa
deilt þeirri uppskrift á Facebook. Svo er pestókjúklingarétturinn minn af-
ar vinsæll. Sjálf er ég mikil kökukona en reyni nú að baka ekki nema
einu sinni í viku til að fjölskyldan borði ekki of mikla óhollustu í miðri
viku. En stundum getur maður bara ekki beðið og þarf að prófa eitthvað
strax. En af einhverju matarkyns er mexíkósk kjúklingasúpa með því
besta sem ég fæ.“
Hvítlauksbrauðið hitti í mark og passaði vel með hvítlaukskjúklingnum.
MATARBOÐ VINKVENNA
Ótrúlegur
eftirréttur
* „Við vinkonurnarerum með algjörtæði fyrir þessu súkku-
laði svo mér fannst
spennandi að prófa að
útbúa krem úr því.“
EVA RÓS BRINK GERÐI ÓMÓTSTÆÐILEGAN KJÚKLINGA-
RÉTT OG EFTIRRÉTT FYRIR VINKONUHÓP SINN EN HÚN
NOTAÐI EFTIRLÆTISSÚKKULAÐISTYKKIÐ SITT, MILKA-
SÚKKULAÐI MEÐ KARAMELLU, Í KÖKUKREMIÐ.
Júlía Margrét Alexandersdóttir julia@mbl.is
FYRIR 6
8-10 kjúklingabringur
150 ml olía
8 hvítlauksrif, pressuð
140 g brauðteningar
140 g rifinn parmesanostur
salt og pipar eftir smekk
Kryddið kjúklingabringurnar með salti og pipar.
Blandið olíu og pressuðum hvítlauknum saman og
hitið örlítið í örbylgju. Myljið brauðteningana og
blandið þeim saman við rifna parmesanostinn. Ég
notaði Cheese & Garlic brauðteningana frá Chat-
ham Village, þeir komu mjög vel út. Dýfið kjúklinga-
bringunum, einni í einu, ofan í hvítlauksolíuna og svo
ofan í brauð- og ostablönduna þannig að blandan
hylji hana alla. Ef einhver afgangur er af brauð- og
ostablöndunni, er hægt að strá henni yfir bring-
urnar. Raðið bringunum í eldfast mót og bakið í ofni
við 220°C í 35-40 mínútur.
Stökkur hvítlaukskjúklingur
FYRIR 6-8
500 g hveiti
7 g þurrger
300 ml ylvolgt vatn
ólífuolía
3 heilir hvítlaukar
½ bakki fersk basilíka
maldonsalt
Blandið hveiti, þurrgeri og salti
saman í skál og hellið 300 ml af yl-
volgu vatni saman við. Blandið vel
saman og hnoðið. Búið til kúlu úr
deiginu, setjið ofan í olíuborna skál,
hyljið og leyfið að hefast í um það
bil klukkustund.
Afhýðið hvítlauksgeirana og legg-
ið þá á álpappír. Hellið svolítilli
ólívuolíu yfir geirana og kryddið
með salti og pipar. Brjótið álpapp-
írinn saman þannig að hann loki
geirana inni og bakið við 190°C í
45 mínútur. Takið svo úr ofninum,
opnið álpappírinn og leyfið hvít-
lauknum að kólna.
Setjið basilíkublöðin í skál sem
og hvítlauksgeirana og örlítið af
ólífuolíu. Merjið allt saman og hell-
ið meiri ólífuolíu saman við, eða
þar til blandan er orðin þykk og
þétt.
Þegar deigið er búið að hefast í
ca klukkustund, þjappið það þá
niður og leyfið því að standa í 10
mínútur. Setjið bökunarpappír í
tvær ofnskúffur og smyrjið með ol-
íu. Skiptið deiginu í tvo hluta og
setjið sitt í hvora ofnskúffuna. Not-
ið fingurna til að þrýsta deiginu
niður, myndið hring eða kassa.
Hyljið og leyfið deiginu að lyfta sér
í ca 20 mínútur.
Þegar brauðið hefur lyft sér eru
margar litlar holur gerðar í það
með fingrinum. Því næst er hvít-
lauks- og basilíkublöndunni smurt
jafnt yfir brauðið og það bakað í
miðjum ofni við 190°C eða þar til
það hefur náð fallega gylltum lit, í
ca 20 mínútur. Smyrjið brauðið
með ólífuolíu þegar það er komið
út úr ofninum, stráið yfir það smá-
vegis maldon-salti og hyljið svo á
meðan það kólnar.
Ljúffengt hvítlauksbrauð