Morgunblaðið - 04.12.2013, Page 40

40 MENNING
MORGUNBLAÐIÐ MIÐVIKUDAGUR 4. DESEMBER 2013
Ég verð að játa að mér brádálítið þegar ég settinýjan hljómdisk Geir-mundar Valtýssonar,
Jólastjörnur, í hljómtækin og
heyrði í fyrsta laginu dæmigerða
sveiflu-tónlist, sem kennd hefur
verið við Skagafjörð, en á raunar
rætur að rekja í skandinavíska
„swing“ tónlist-
arhefð. Ekki
laust við að
fiðringur færi
um „tjútt-
fótinn“. Mér
fannst ég hafa
heyrt þetta lag
áður í flutningi Geirmundar, en
textinn bar þess glöggt vitni að
„sveiflukóngurinn“ var kominn í
jólaskap. Því fer þó fjarri að disk-
urinn sé allur í „skagfirskri jóla-
sveiflu“, því uppistaðan eru fallegar
og vel samdar ballöður, sem marg-
ar hafa alla burði til að verða sígild
jólalög. Í því sambandi vil ég nefna
lögin „Jólaljós“ og „Gleðileg jól“ í
flutningi Helgu Möller, „Jólastjörn-
ur“, sem þau Sigga Beinteins og
Páll Rósinkrans flytja, „Ljósið“ í
flutningi Berglindar Bjarkar Jón-
asdóttur og „Jólin“, sem Ari Jóns-
son syngur. Fleiri lög af þessum
diski mætti nefna, en hér er ég auð-
vitað að „skjóta út í loftið“ því vegir
vinsældalistanna eru órannsakan-
legir, og vísast fer það mest eftir
því hvort einstök lög fá nægilega
„spilun“ á öldum ljósvakans.
Margt jákvætt má um þennan
jóladisk Geirmundar segja. Fyrir
það fyrsta er þarna saman komið
úrvalslið tónlistarmanna: Gulli
Briem á trommur, Finnbogi Kjart-
ansson á bassa, Magnús Kjart-
ansson á píanó, Kristinn Svav-
arsson á saxófón, Eiríkur Örn
Pálsson á trompet, Rögnvaldur Val-
bergsson á Hammond, að ógleymd-
um Vilhjálmi Guðjónssyni, sem leik-
ur á hin ýmsu hljóðfæri, allt frá
gítar og saxófón upp í klukkuspil,
auk þess sem hann annast hljóm-
sveitarstjórn, útsetningar og hljóð-
blöndun. Sannarlega fjölhæfur tón-
listarmaður, Villi Guðjóns. Enn
fremur bregður þarna fyrir Sig-
urgeiri Sigmundssyni á pedal-
stálgítar. Auk söngvaranna, sem
áður eru nefndir, koma við sögu
afastelpur Geirmundar, þær Anna
Karen og Valdís, Karlakór Bólstað-
arhlíðarhrepps og í tveimur auka-
lögum, sem ekki fjalla um jólin,
syngur Hreindís Ylfa Garðarsdóttir
einstaklega fallega lagið „Björt
nótt“ og lokalagið, „Kveðjustund“,
eiga þeir Álftagerðisbræður Pétur
og Sigfús, sem alltaf er hugljúft að
hlusta á. Textarnir, sem fjalla um
jólin, að undanskildum í aukalög-
unum tveimur, eru eftir ýmsa höf-
unda og flestir vel ortir, sem skiptir
miklu máli í þessu tilfelli. Heiðurinn
af þeim eiga Þorsteinn Eggertsson,
Guðrún Sighvatsdóttir, Steinunn
Arndís Auðunsdóttir, Sigurður
Hansen, Guðbrandur Þorkell Guð-
brandsson, Kristján Hreinsson,
Árni Gunnarsson, Guðbrandur Æg-
ir Ásbjörnsson, Jóhann Jóhanns-
son, auk þess sem Geirmundur
sjálfur kemur þar einnig við sögu.
Geirmundur segir sjálfur í kynn-
ingarbæklingi, að með þessari út-
gáfu hafi hann látið gamlan draum
rætast, að gefa út jóladisk. Að mín-
um dómi getur hann vel við unað.
Mörg laganna eru grípandi og önn-
ur venjast vel. Sérstaða þessarar
útgáfu felst þó kannski fyrst og
fremst í því, að hér er um að ræða
alíslensk jólalög, samin af einum og
sama manninum, en ekki erlend
tökulög eins og algengast hefur
verið í útgáfu jólalaga á und-
anförnum árum. Eigulegt gildi
Jólastjarna Geirmundar Valtýsson-
ar rýrnar svo heldur ekki með
smekklegri hönnun á umbúðum
disksins, en heiðurinn af því á
bassaleikarinn Finnbogi Kjart-
ansson.
Jólasveifla Geirmundur Valtýsson
hlýtur mikið lof fyrir jólaplötu sína.
Sveiflukóngur
í jólaskapi
Jólaplata
Jólastjörnur Geirmundar Valtýssonar
bbbbn
Flytjendur: ýmsir söngvarar og tónlist-
armenn, auk Geirmundar. Zonet gefur
út.
SVEINN
GUÐJÓNSSON
TÓNLIST
Skepna er ekkert að finna upphjólið, spilar gamaldags oggott rokk í einfaldri mynd:gítar, trommur, bassi, söng-
ur. Engu er smurt á, bara farið í stúd-
íó og tekið upp. Í viðtali við Morg-
unblaðið í október sl. sagði Hallur
Ingólfsson yf-
irskepna að þeim
félögum hefði þótt
orðið fullmikið um
fantasíur í rokkinu,
þeir hefðu viljað
fjalla um daglegt líf.
„Við spiluðum þetta bara inn allir í
einu og það var látið standa. Það er
ekkert verið að hlaða þetta meira, við
treystum bara á að okkar sögur í okk-
ar flutningi væri nóg,“ sagði Hallur
m.a. um plötuna. En er það nóg?
Ekki alveg því þó hér sé vel leikið,
sungið og textar ágætir og hugvekj-
andi þá vantar aðeins upp á lagasmíð-
arnar. Það vantar fleiri grípandi lög,
með öðrum orðum.
Eftir að hafa hlustað mörgum sinn-
um á plötuna eru lögin heldur fá sem
sitja eftir í minni, hið frábæra „Hung-
ur“ á alltaf vinninginn, stendur upp
úr. Það vantar herslumuninn og er þá
engan veginn verið að lasta þennan
ágæta frumburð. Nokkur hörkufín og
hrá rokklög má samt sem áður finna
á plötunni, auk fyrrnefnds „Hung-
urs“ má nefna „Úlf“ og „Sjúkrabíl“.
Unnendur góðs trommuleiks fá heil-
mikið fyrir sinn snúð, Birgir á marga
góða spretti, að öðrum ólöstuðum.
Textarnir eru fínir hjá Halli, reiðin og
óánægjan í þeim á vel við hrátt rokk-
ið, m.a. sungið um firringu og stöðuga
leit mannsins að hamingjunni. Tóma-
rúmið sem stöðugt þarf að fylla er
gegnumgangandi stef á plötunni.
Alltaf vantar eitthvað.
Hrósa ber að lokum fyrir mynd-
skreytingu á plötuumslagi. Umslagið
prýðir forvitnileg, samsett mynd af
griðungi í miðju síldarhafi í Kolgrafa-
firði, eins og álfur út úr hól. Heilmikið
rokk í því.
Það vantar alltaf eitthvað
Rokk
Skepna – Skepna bbbnn
Skepnu skipuðu við gerð plötunnar
söngvarinn og gítarleikarinn Hallur Ing-
ólfsson, trommarinn Birgir Jónsson og
bassaleikarinn Össur Hafþórsson. Tón-
list er eftir þá þrjá og textar eftir Hall.
Hljómsveitin gefur sjálf út.
HELGI SNÆR
SIGURÐSSON
TÓNLIST
Skepna Hljómsveit sem leikur rokk beint af skepnunni.
Grænn markaður ehf. | Réttarhálsi 2, 110 Reykavík | www.flora.is | Sími 535 8500 | info@flora.is
Allt til gjafainnpökkunar
Eingöngu sala til fyrirtækja