Morgunblaðið - 29.05.2014, Blaðsíða 30

30 FRÉTTIRInnlent
MORGUNBLAÐIÐ FIMMTUDAGUR 29. MAÍ 2014
AUKIN ÞJÓNUSTA
VIÐ EIGENDUR VW
• Bílson er sérhæft og vottað þjónustuverkstæði sem
uppfyllir allar ströngustu kröfur Volkswagen.
• Fullkomin forgreiningarstöð þar sem greina má flest
allt um ástand bílsins og gæði.
• Bílson hefur gæðavottun Bílgreinasambandsins með gæðaúttekt frá BSI á Íslandi auk
starfsleyfis til endurskoðunar frá Samgöngustofu.
Við leitumst við að vera samstíga því besta í Evrópu.
Komið, sjáið og sannfærist.
Kletthálsi 9 • Sími 568 1090
- V E R K S T Æ Ð I Ð -
ÚR BÆJARLÍFINU
Skapti Hallgrímsson
Akureyri
Rösklega 260 nemendur braut-
skráðust frá Verkmenntaskólanum á
Akureyri í vetur; 120 í desember og
liðlega 140 um síðustu helgi. María
Dís Ólafsdóttir fékk þá fern verð-
laun en hún lauk stúdentsprófi frá
þremur námsbrautum 19 ára gömul.
  
Kristín Guðjónsdóttir varð dúx
skólans að þessu sinni og hlaut jafn-
framt verðlaun fyrir framúrskarandi
árangur í dönsku, frábæran árangur
í ensku og sérstök verðlaun fyrir
hæstu einkunn á stúdentsprófi.
  
María Dís Ólafsdóttir er frá
bænum Fjöllum 1 í Kelduhverfi.
Hún lauk 10. bekk í Öxafjarðarskóla
ári á undan jafnöldrunum og er því
stúdent ári á undan áætlun. Var
fjögur ár í VMA.
  
„Þetta er ekkert rosalegt mál.
Ég gerði það bara af því að það er
hægt. Svo lítur það líka vel út á
blaði!“ sagði María Dís við Morg-
unblaðið. Hún lauk prófi frá öllum
þremur námsbrautunum; fé-
lagsfræði-, náttúrufræði og við-
skipta- og hagfræðibrautum. „Bæði
fannst mér erfitt að velja en braut-
irnar eru líka mjög svipaðar að
mörgu leyti. Þetta sýnir hve margir
möguleikar eru í boði í þessum skóla
og maður getur stjórnaði náminu
mikið sjálfur,“ segir hún.
  
María Dís fékk verðlaun fyrir
mjög góðan árangur í íslensku,
spænsku og ensku og síðan sérstaka
viðurkenningu fyrir að hafa klárað
þrjár stúdentsbrautir í einu. Það
hefur enginn gert áður í VMA. Al-
gengt er hins vegar að þeir sem út-
skrifast úr verknámi ljúki stúdents-
prófi samhliða, það gera til dæmis
allir vélstjórar og í þeirra hópi er
líka töluverður fjöldi sem bætir
einnig við bóklegum fögum í raf-
virkjun.
  
Einhverjir ljúka stúdentsprófi á
þremur árum og María Dís segist
ekki hafa verið í fleiri einingum en
þeir. „Ég var bara aðeins lengur og
því var ekki meira námsálag á mér.“
Verðlaunin komu henni nokkuð á
óvart. „Þetta eru reyndar lélegustu
greinarnar mínar! Ég varð því mjög
hissa að fá verðlaun í tungumálum;
hélt ég hefði ekki staðið mig sér-
staklega vel í þeim og gekk miklu
betur í öðrum greinum.“
  
Sauðburður er í fullum gangi
heima hjá Maríu Dís þessa dagana
og hún hefur því í nógu að snúast.
„Svo tekur við sumarvinna í Kröflu,
ég vonast til að geta unnið í Akurseli
í haust við að taka upp gulrætur og
svo ætla ég að skella mér í tveggja
mánaða ferð til Perú, þar sem vin-
kona mín býr,“ sagði hún í gær.
  
Þegar spurt er um næstu skref á
námsbrautinni, svarar María Dís
ákveðin: „Ég ætla að safna mér pen-
ing fyrst, áður en ég fer í frekara
nám. Mig langar ekki að taka náms-
lán heldur eiga fyrir náminu og vil
ekki byrja nema vera 100% viss um
hvað ég vil. Nenni ekki að byrja í
einhverju og hætta svo. Ég er búin
að fá fullt af bæklingum frá háskól-
unum og hef núna mestan áhuga á
líftækni sem er bara kennd á Ak-
ureyri.“
  
Áhugamálin eru mörg og María
Dís hefur nóg fyrir stafni þó meira
formlegt nám sé ekki alveg handan
við hornið: „Ég er búin að taka eitt
köfunarnámskeið og ætla á fleiri og
er að bíða eftir vinnuvélanámskeiði.“
Hún hugðist einnig fara á námskeið í
svifvængjaflugi (paragliding) á
Húsavík en af því verður líklega
ekki, segir hún, vegna þess að að-
sókn var ekki nægjanleg.
  
Hjalti Jón Sveinsson, skóla-
meistari VMA, sagðist við braut-
skráninguna, sem fram fór í menn-
ingarhúsinu Hofi, vonast til þess að
á allra næstu misserum yrði unnt að
bjóða upp á frekara nám í hvers kon-
ar hönnun, nýsköpunarfræðum og
upplýsingamiðlun við skólann. „Á
þeim vettvangi hefur atvinnulífið
verið að taka við sér og tel ég að
brautin hafi verið rudd fyrir marg-
vísleg atvinnutækifæri fyrir ungt og
vel menntað fólk á þeim vettvangi.
Ekki má heldur gleyma ferðaþjón-
ustunni sem hefur vaxið fiskur um
hrygg. Það er von okkar að haustið
2015 muni VMA geta boðið nem-
endum sínum upp á fullnaðarnám
fyrir bæði kokka og þjóna.“
  
Hópur nemenda brautskráðist af
starfsbraut fatlaðra. „Er það von
okkar að skólanum hafi tekist að búa
þá út í lífið og þeir fari héðan með
gott veganesti eftir fjögurra ára
veru í skólanum. Svo mikið er víst að
það hefur veitt okkur mikla ánægja
um leið og það hefur verið okkur
mikil uppörvun að eiga þess kost að
fylgjast með þroska þeirra og fram-
förum. Væri óskandi að þeir sem
treysta sér til ættu þess kost að
mennta sig frekar og auka færni
sína til þátttöku í samfélaginu og til
betri lífsgæða,“ sagði Hjalti Jón
Sveinsson, skólameistari VMA.
Ljósmynd/Hilmar Friðjónsson
Brautskráning Hjalti Jón Sveinsson skólameistari virðir fyrir sér útskriftarhópinn fyrir hópmyndatökuna í Hofi.
Ljósmynd/Hilmar Friðjónsson
Verðlaunuð María Dís Ólafsdóttir varð stúdent af þremur námsbrautum.
María Dís lauk
stúdentsprófi af
öllum brautum
Viðar Guðjónsson
vidar@mbl.is
Sorpa bs. hefur sótt um lóð fyrir
nýja gas- og jarðgerðarstöð í urð-
unarstaðnum í Álfsnesi hjá umhverf-
is- og skipulagssviði Reykjavík-
urborgar. Verði umsóknin samþykkt
mun svæðið sem Sorpa starfrækir í
Álfsnesi stækka um tæpan 21 hekt-
ara sem jafngildir 88 þúsund fer-
metrum. Svæðið undir starfsemina
er nú 46 hektarar en verður 65,7
hektarar verði umsóknin samþykkt
hjá borginni.
Sundabraut á milli
Lóðin sem Sorpa hefur nú sótt um
stækkar starfssvæðið til vesturs.
Samkvæmt gildandi deiliskipulagi á
svæðinu er áætlað að Sundabraut
muni aðskilja urðunarstaðinn frá
nýrri gas- og jarðgerðarstöð. Braut-
in mun því liggja á milli þessara
tveggja hluta starfseminnar.
Engin breyting verður á urðunar-
staðnum sem þegar er í Álfsnesi en
byggðasamlagið er í leit að nýjum
urðunarstað utan höfuðborgarsvæð-
isins. Að sögn Björns Hafsteins
Halldórssonar stefnir Sorpa bs. að
því að hefja framkvæmdir við nýja
gas- og jarðgerðarstöð í byrjun
næsta árs. Áætlað er að fram-
kvæmdir taki um eitt og hálft ár til
tvö ár.
Tekið fyrir eftir kosningar
Umsókn Sorpu var tekin fyrir hjá
skipulagsfulltrúa og vísað til um-
hverfis- og skipulagsráðs. Fundi sem
fram átti að fara hjá ráðinu í gær var
frestað. Samkvæmt upplýsingum frá
umhverfis- og skipulagssviði
Reykjavíkurborgar verður málið að
líkindum ekki tekið fyrir fyrr en ný
borgarstjórn hefur verið mynduð.
Sorpa vill stækka
við sig í Álfsnesi
 Sótti um lóð fyrir verksmiðju
Mosfellingur/Raggi Óla
Álfsnes Sorpa hefur sótt um lóð
fyrir gas- og jarðgerðarstöð.