Morgunblaðið - Sunnudagur - 11.05.2014, Blaðsíða 4

4 MORGUNBLAÐIÐ SUNNUDAGUR 11.5. 2014
„Mjög erfitt,“ svarar Aðalsteinn
Pálsson, formaður knattspyrnu-
deildar Þórs, þegar hann er spurður
hvernig það sé að halda úti liði í
efstu deild karla í knattspyrnu á
Akureyri.
„Það er ekki mikið um stór og öfl-
ug fyrirtæki hér á Akureyrarsvæð-
inu sem hafa áhuga á því að setja
peninga í rekstur knattspyrnu-
deilda. Stærstu fyrirtæki landsins
eru á höfuðborgarsvæðinu og enda
þótt sum þeirra reki þjónustuútibú
hér fyrir norðan eru þau ekki aflögu-
fær,“ segir Aðalsteinn.
Margt smátt gerir eitt stórt og þá
leið fara einmitt Þórsarar. „Það eru
góðviljaðir Þórsarar úti um allan bæ
sem leggja sitt af mörkum. Sumir
meira að segja býsna mikið.“
Eigi að síður telur Aðalsteinn að
Þór sé með eitt ódýrasta liðið í
Pepsi-deildinni þetta sumarið. Lið
sem byggir að miklu leyti á heima-
mönnum. Útlendingum hefur fækk-
að milli ára. „Sum liðin fyrir sunnan
eru örugglega með tvö- eða þrefald-
an ársreikning miðað við okkur.“
Mikið óréttlæti
Ferðalög eru að vonum snar þáttur í
kostnaði hjá Þórsurum. „Það væri
örugglega hægt að kaupa einhverja
frambærilega leikmenn ef ferða-
kostnaðurinn væri ekki til staðar,“
segir Aðalsteinn.
Að hans mati er það mikið órétt-
læti að ekki sé starfræktur jöfn-
unarsjóður varðandi ferðakostnað
innan knattspyrnuhreyfingarinnar.
„KSÍ skipaði að vísu nefnd á síðasta
ársþingi og vonandi kemst hún að
góðri niðurstöðu.“
Leikmannaskipti milli liða á höf-
uðborgarsvæðinu eru tíð. Á sama
tíma eiga Þórsarar ekki auðvelt með
að sannfæra menn, sem þeir hafa
augastað á, um að flytja norður.
„Það er alltaf að verða erfiðara,“
segir Aðalsteinn, „og hefur breyst
mikið á síðustu árum. Það er mál
fyrir menn að taka sig upp, mögu-
lega með fjölskyldur, og gefa upp á
bátinn vinnu og húsnæði fyrir sunn-
an. Þá er miklu auðveldara að skipta
í annað lið á höfuðborgarsvæðinu.
Beygja bara til vinstri í stað hægri á
rauðu ljósi.“
Keflavík – Þór. Halldór Orri Hjalta-
son og Hörður Sveinsson eigast við.
Erfitt að
reka lið á
Akureyri
Akranes hefur leikið langflesta
leiki landsbyggðarliða í efstu
deild, 866. Næst kemur ÍBV
með 695 leiki. Norðurland
hefur átt fimm fulltrúa í efstu
deild gegnum tíðina, Þór (298
leikir), KA (255), ÍBA (177),
Leiftur, Ólafsfirði (126) og
Völsung, Húsavík (36).
Vestfirðir hafa ekki átt eins
góðu gengi að fagna en ÍBÍ á
Ísafirði er eina félagið þaðan
sem leikið hefur í efstu deild,
46 leiki. Austfirðingar hafa
aldrei átt fulltrúa meðal hinna
bestu.
Þrjú önnur landsbyggðarlið
hafa spreytt sig í efstu deild,
Selfoss (44 leikir), Víkingur,
Ólafsvík (22) og Skallagrímur,
Borgarnesi (18).
K
nattspyrnan hefur átt
undir högg að sækja
á landsbyggðinni sem
er partur af þeirri
byggðaþróun sem átt
hefur sér stað hér á landi. Það er
augljóst. Stærsti markaðurinn og
stærstu fyrirtækin eru á suðvest-
urhorninu og þangað er auðvitað
auðveldast að sækja fjármuni til
starfsins, ekki síst afreksstarfsins,“
segir Geir Þorsteinsson, formaður
Knattspyrnusambands Íslands
(KSÍ).
Aðeins tvö félög sem skilgreina
má sem landsbyggðarlið leika í
Pepsi-deild karla í sumar, Þór frá
Akureyri og ÍBV í Vestmanna-
eyjum. Eðli málsins samkvæmt er
ferðakostnaður þeirra mun meiri
en félaganna á suðvesturhorninu.
Þórsarar og Eyjamenn þurfa að
ferðast um langan veg í ellefu leiki
en hin liðin tíu aðeins í tvo leiki.
Afreksliðin ekki
mest íþyngjandi
Spurður hvort KSÍ hafi áform um
að koma til móts við landsbyggð-
arliðin vegna ferðakostnaðar upp-
lýsir Geir að starfshópur hafi verið
settur á laggirnar eftir síðasta árs-
þing sem skoða á möguleika á jöfn-
un ferðakostnaðar. „Þar er um að
ræða jöfnun milli allra félaganna
en myndi án efa nýtast liðunum á
landsbyggðinni vel. Það er samt
einföldun að segja að þetta snúi
bara að afreksliðunum. Í heildar-
kostnaði við rekstur knattspyrnu-
félags vegur ferðakostnaður af-
reksliðsins yfirleitt ekki þyngst.
Yngriflokkastarf er oft og tíðum
meira íþyngjandi. Þar hallar veru-
lega á landsbyggðina,“ segir Geir.
Hann segir þetta búsetusjón-
armið og fagnar þess vegna til-
komu ferðasjóðs íþróttahreyfing-
arinnar sem er á fjárlögum. „Þar
þarf hins vegar að gefa í. Það er
sárgrætilegt að sjá félög úti á landi
hætta við að senda lið til keppni á
Íslandsmóti í yngri flokkum þar
sem ferðakostnaðurinn er svo
íþyngjandi. Það er mikið áhyggju-
efni fyrir hreyfinguna.“
Árangur knattspyrnufélaga er
vitaskuld háður stuðningi í héraði.
Hvar stæði ÍBV til dæmis án
Þjóðhátíðar í Vestmannaeyjum?
Hún vegur þungt í rekstri deild-
anna, bæði í fótbolta og handbolta,
þar sem Eyjamenn glíma nú til úr-
slita um sjálfan Íslandsbikarinn.
Eyjamenn urðu síðast Íslands-
meistarar í knattspyrnu 1998 en
Skagamenn síðast landsbyggð-
arliða, 2001. Annars má auðvitað
deila um hvort skilgreina ber ÍA
sem landsbyggðarlið eftir tilkomu
Hvalfjarðarganganna.
Annars konar stuðningur gæti
komið úr atvinnulífinu á staðnum.
Það gerði Ólafsfirðingum til dæmis
kleift að halda úti liði í efstu deild í
nokkur ár. Sömu sögu má segja
um Ólafsvíkur-Víking sem þreytti
frumraun sína í efstu deild síðasta
sumar. „Það er mjög dýrt að reka
lið í efstu deild. Það verður ekki
gert án þess að hafa fjárhagslegan
stuðning og það yfir lengra tímabil.
Þetta er ekki gert á einu eða
tveimur árum,“ segir Geir.
Vilja fleiri landsbyggðarlið
Spurður hvort æskilegt sé að dreif-
ingin sé meiri í efstu deild svarar
Geir: „Það er mikill samhljómur
innan knattspyrnuhreyfingarinnar.
Menn vilja sjá fleiri landsbyggð-
arlið í Pepsi-deildinni, helst eitt úr
hverjum landshluta, hið minnsta.
Það er enginn draumur að hafa öll
liðin í efstu deild héðan af suðvest-
urhorninu og ég held ég tali fyrir
munn býsna margra þegar ég segi
að við söknuðum Akureyringa með-
an þeir áttu ekki lið í efstu deild.
Liðin fyrir sunnan hafa gaman af
því að spila þar. Nú söknum við
Skagamanna, eins sigursælasta fé-
lags íslenskrar knattspyrnu. Það
yrði líka mjög gaman að sjá lið af
Austurlandi meðal hinna bestu í
fyrsta skipti. Það yrði mjög já-
kvætt fyrir knattspyrnuna í
landinu.“
Fram og ÍBV kljást í
Laugardalnum. Einar
Bjarni Ómarsson og
Jonathan Glenn berj-
ast um knöttinn.
Morgunblaðið/Golli
Landsbyggðarliðin eiga
undir högg að sækja
AF TÓLF LIÐUM Í PEPSI-DEILD KARLA Í KNATTSPYRNU Í SUMAR KOMA AÐEINS TVÖ AF LANDSBYGGÐINNI, ÞÓR AK-
UREYRI OG ÍBV Í VESTMANNAEYJUM. FORMAÐUR KSÍ SEGIR ÞETTA EINA BIRTINGARMYND BYGGÐAÞRÓUNAR Í LAND-
INU EN AUÐVELDARA SÉ AÐ HALDA ÚTI AFREKSLIÐI Á SUÐVESTURHORNINU. HANN SEGIR ÞESSA ÞRÓUN ÁHYGGJU-
EFNI OG MYNDI FAGNA ÞVÍ EF HVER LANDSFJÓRÐUNGUR ÆTTI AÐ MINNSTA KOSTI EINN FULLTRÚA Í EFSTU DEILD.
ALDREI LIÐ FRÁ
AUSTFJÖRÐUM
Geir Þorsteinsson, form. KSÍ.
* Knötturinn er hnöttóttur.Þýski knattspyrnumaðurinn og -þjálfarinn Sepp heitinn Herberger.ÞjóðmálORRI PÁLL ORMARSSON
orri@mbl.is