Morgunblaðið - Sunnudagur - 11.05.2014, Síða 39

Sega Dreamcast reyndist vera síðasta leikjatölvan
sem Sega framleiddi. Leikjatölvan kom á markað í
Japan 1998 og ári síðar til Bandaríkjanna og Evrópu.
Þeir hjá Sega settu tölvuna á markað á undan Pla-
ystation 2, Xbox og GameCube frá Nintendo og
eignuðu sér markaðinn af sjöttu kynslóðar leikjatölv-
um til að byrja með – svo fór að halla undan fæti.
Gríðarlegum fjárhæðum var eytt í markaðs-
setningu en þeir hjá Sega þurftu nauðsynlega á góðri
sölu að halda eftir að Sega Saturn hafði farið í vask-
inn. Í fyrstu var henni tekið vel enda hafði hún margt
fram að færa. Hægt var að spila í gegnum netið sem
þá var algjör nýjung, leikirnir þóttu frumlegir og end-
ingargóðir og þá var hægt að tengja hana við tölvu-
skjái. Grafíkin var einnig góð og fékk mikið hrós.
Það sem varð henni þó að falli var að hún studdi
ekki hið nýja form kvikmynda, DVD, sem Playstation
2 gerði. Það og leikurinn Grand Theft Auto voru
banabiti Sega Dreamcast því neytendur keyptu frek-
ar Playstation tölvurnar. Framleiðslu tölvunnar var
hætt í mars 2001 eftir að 10,6 milljónir eintaka
höfðu selst.
GAMLA GRÆJAN
Sega Dreamcast
Í kjöri Imagine Games
Network var Sega
Dreamcast
kosin áttunda
besta leikja-
tölva sem hef-
ur verið gerð.
11.5. 2014 MORGUNBLAÐIÐ SUNNUDAGUR 39
* „Ef bílaframleiðendur hefðu haldið í við tæknina,værum við að keyra um á bílum sem kæmust1.000 kílómetra á tankinum og kostuðu 25 dollara.“
Bill Gates
The Trojan Room coffee pot er
titluð fyrsta vefmyndavélin. Vélin
var búin til árið 1991 og sett þar
sem kaffivélin var í tölvudeild Cam-
bridge háskólans í Englandi. Hlut-
verk hennar var að fylgjast með
hvort það væri ekki örugglega heitt
á könnunni. Var þetta gert til að
starfsfólk færi síður í fýluferð og
kæmu að könnuninni tómri.
Upplausnin var svarthvítt
128×128 punkta sem þykir fremur
lítið í dag en HD upplausn, sem
flestar vefmyndavélar hafa í dag, er
1920 x 1080 punktar.
Allir starfsmenn Cambridge gátu
séð útsendingu myndavélarinnar í
sínum tölvum en þegar internetið
var að fóta sig 1993 settu þeir
Daniel Gordon og Martyn John-
son, sem þá voru starfsmenn Cam-
bridge, útsendinguna þangað.
Náði útsendingin af kaffivélinni
töluverðum vinsældum. Árið 2001
flutti tölvudeild Cambridge háskól-
ans og var þá slökkt á útsending-
unni. The Times, The Washington
Post og þýska blaðið Der Spiegel
fjölluðu öll um örlög The Trojan
Room coffee pot.
TÖFF TÆKNISTAÐREYND
Kaffivélin í Cambridge
Síðustu stundirnar árið 2001. Sýna kaffikönnuna tóma og þegar ýtt var á „off.“
Þ
eir sem þekkja það að fót- eða handarbrotna vita
hversu óþægilegt það getur verið að þurfa að
vera í gifsi í nokkrar vikur. Það má ekki blotna
og byrjar eðlilega að lykta ansi illa þess vegna
og svo klæjar þeim slasaða mikið undan gifsinu. Engin
þróun hefur verið í þessum geira, plastgifsin komu á
sjúkrastofur fyrir rúmum 15 árum.
Einn frumkvöðull frá Nýja Sjálandi, Jake Evill, hand-
leggsbrotnaði fyrir skemmstu og trúði því hreinlega ekki
að ekki væri hægt að gera betur. Hann bjó því til Cortex
gifsið sem er þrívíddarprentað gifs sem má blotna, er
mjög létt en gríðarlega sterkt og endurvinnanlegt. Bækl-
unarlæknirinn Guðni Arinbjarnar hefur sett gifs á sjúk-
linga í hartnær 20 ár og segir að hugmynd Evill sé bráð-
snjöll en hún sé hinsvegar greinilega ekki alveg tilbúin.
„Mér sýnist þetta ljómandi lausn á sumar gerðir brota,
en stundum þarf maður að halda broti í skorðum á meðan
gipsað er og þar til gips harðnar, þá gengi þetta illa upp.
Hann er greinilega ekki alveg búinn að klára dæmið,
en klárlega er þetta framtíðin og flott hugmynd.“
HÖNNUN OG UPPFINNINGAR
Nýja gipsið er prentað með þrívíddartækninni. Það má
blotna og er endurvinnanlegt.
Ljómandi
lausn
Gamla góða gipsið er enn í notkun á sjúkrahúsum lands-
ins. Það hefur ekkert breyst síðustu áratugi.
Morgunblaðið/ÞÖK
Smáralind | Sími 512 1330
Opið Sunnudaga 13-18
Thunder
tilboð
Thundertilboð
27” Thunderbolt skjár
ásamtMacmini,
USB lyklaborði og
Macallymús
Tilboð:249.990.-
Fullt verð: 318.960.-
iPad festing íbílinn
Einföld en traust festing fyrir
iPad í bílinn. Fyrir iPad Air
Verð: 10.990.-
iPhone festingáhjól
Frábær lausn fyrir
hjólreiðafólkið.
Fyrir iPhone 5, 5s og 5c
Verð: 6.990.-