Morgunblaðið - Sunnudagur - 11.05.2014, Blaðsíða 53

G
ott hjá ykkur að tala við þá. Þetta eru
bestu mennirnir í bænum. Þeir bjarga
öllu,“ segir viðskiptavinur áður en hann,
öllu heldur hún, smeygir sér út úr dyr-
unum á Skóvinnustofu Hafþórs í Garða-
strætinu framhjá sendinefnd Sunnudagsblaðsins.
Það er heila málið. Það orð fer einmitt af Hafþóri Ed-
mond Byrd og félaga hans, Loga Arnari Sveinssyni, að
þeir geri við allt milli himins og jarðar. Hafþór staðfestir
það. „Við höfum það fyrir reglu að taka við öllu sem fólki
dettur í hug að koma með til okkar. Við tökum gjarnan
við því sem aðrir taka ekki við. Það eina sem stöðvar
verkið er ef kúnnanum þykir kostnaðurinn of mikill.“
Beðinn að taka dæmi um óhefðbundin verkefni nefna
Hafþór og Logi brjóstahaldara, gervitennur, leðurjakka,
leðursvipu, kafarabúning, blæju á Triumph-bíl og kerta-
stjaka. „Konan sem átti kerta-
stjakann hafði farið með hann
víða, til allskyns sérfræðinga, en
fékk ekki lausn á vandanum
fyrr en hún kom til okkar,“ seg-
ir Logi.
Spurðir um gervitennurnar
kveðst Hafþór hafa límt þær
saman fyrir ágætan mann um
árið. „Ég veit ekki betur en þær
hafi haldið síðan.“ Hann glottir.
Það er greinilega létt yfir mönnum. „Já, það gerir lím-
ið,“ segir Hafþór hlæjandi.
Á veggnum er gömul úrklippa úr blaði, þar sem hermt
er af tónleikaferð hljómsveitar allra landsmanna, Stuð-
manna. Upp í hana var lagt á „lengstu skóm sinnar teg-
undar“, að sjálfsögðu smíðuðum af Hafþóri. Spurður um
afdrif þeirra slær Hafþór sér á lær. „Það fór illa fyrir
þeim. Landskunnur poppari, við nefnum engin nöfn,
meig yfir þá. Ég á hins vegar sniðið og hver veit nema
ég geri þá aftur og færi Árbæjarsafninu.“
Það eru ekki bara Stuðmenn, Hafþór er líka grjót-
harður Stónsari. Þess ber glögglega merki á veggjum.
„Það slær þeim enginn við, ég er búinn að sjá þá sex
sinnum á tónleikum. Bítlarnir voru líklega betri mús-
íkantar en það er meiri fílingur í Stones.“
Að vonum dreymir Hafþór um að flikka upp á skóna
hans Micks Jaggers. „Hver veit nema hann detti hérna
inn úr dyrunum einn daginn. Einu sinni birtist hann fyr-
irvaralaust á Ísafirði. Þá komst Ólafur Helgi sýslumaður
í feitt.“
Spurður hvort Jagger fengi ekki afslátt er Hafþór
fljótur að kinka kolli. „Hann fengi þetta örugglega
ókeypis. Er hann ekki svo blankur, karlinn?“ Hann hlær.
Enda þótt hann beri það ekki með sér er Hafþór orð-
inn sjötugur. „Ég fer ágætlega með mig, þannig lagað,“
segir hann. „Mér brá dálítið þegar ég var kominn í
þriggja stafa tölu í þyngd en nú er ég léttari á mér enda
hættur í bjórnum, sem er hættulega góður, og farinn að
fá mér minna á diskinn. Allt er gott í hófi, sagði hest-
urinn.“
Spurður hvort hann sé farinn að huga að því að setjast
í helgan stein kinkar hann kolli. „Það styttist í það. Þetta
fer að verða gott. Mig langar að ferðast með konunni og
svo á ég sjö krakka. Ríkur maður. Ég er líka með bíla-
og hjóladellu og langar að fá mér gamlan Mustang í ell-
inni. Aðallega ætla ég þó bara að slappa af.“
 Hafþór hefur stundað skósmíði
í hartnær hálfa öld. Fyrst í Fisc-
hersundi, þar sem hann keypti af
Ámunda Ísfeld, en síðan í Garða-
strætinu frá því um 1980. „Ég er
með bíladellu og prófaði að vinna
á bílaverkstæði en drullan þar var
of mikil fyrir minn smekk. Þá sneri
ég mér að skónum og hef verið
hér síðan,“ segir Hafþór. Logi
kom til liðs við hann fyrir átján ár-
um og hefur samstarf þeirra verið
afar farsælt. „Logi er búinn að
vera hérna svo lengi að hann fer
að fá ellilaun,“ segir Hafþór
sposkur og Logi staðfestir að þeir
eigi ljómandi vel skap saman.
SKÓSMIÐUNUM Á SKÓVINNUSTOFU HAF-
ÞÓRS, HAFÞÓRI EDMOND BYRD OG
LOGA ARNARI SVEINSSYNI, HRÝS EKKI
HUGUR VIÐ NOKKRU VERKEFNI. GILDIR
ÞÁ EINU HVORT ÞAU TENGJAST SKÓM,
KAFARABÚNINGUM, SVIPUM, KERTA-
STJÖKUM EÐA GERVITÖNNUM.
Texti: Orri Páll Ormarsson orri@mbl.is
Jagger
fengi
afslátt
 Brjálað er að gera á stofunni
og stundum vinna þeir félagar
alla daga vikunnar – til að anna
eftirspurn. „Stundum líða mán-
uðir án þess að við fáum frí-
dag,“ segja þeir.
 Spurður hvað menn séu
lengi að ná fullu valdi á faginu
svarar Hafþór fimm til sex ár.
„Hvers vegna spyrðu? Viltu
komast á samning?“
ÁRNI SÆBERG
Ljósmyndir
11.5. 2014 MORGUNBLAÐIÐ SUNNUDAGUR 53