Morgunblaðið - Sunnudagur - 11.05.2014, Blaðsíða 16

16 MORGUNBLAÐIÐ SUNNUDAGUR 11.5. 2014
Fjölskyldan Hvað? Framlag Íslands, Enga fordóma með Pollapönki, keppir tilúrslita í Eurovision í Kaupmannahöfn.
Hvenær? Útsending RÚV hefst kl. 19 á laugardagskvöld.
Annað: Áfram Ísland!
Fordómalaus í Kaupmannahöfn
Á göngum Alþjóðaskólans, semer sjálfstætt rekin eininginni í Sjálandsskóla, er sér-
lega fjörugt og hljómar enska og ís-
lenska til skiptis. Á móti blaðamanni
Sunnudagsblaðs Morgunblaðsins
taka þrír nemendur skólans, þau
Matteo Stilwell sem er 6 ára, Elías
Uche Elíasson, 10 ára, og Karen Ar-
dís Jakobsdóttir, 11 ára.
Bakgrunnur þeirra er ólíkur en
nemendur skólans eru ýmist íslensk-
ir, hálfíslenskir eða frá öðrum lönd-
um, en íslensk börn geta stundað
nám í skólanum þótt þau hafi engin
tengsl við önnur lönd en Ísland en
læra þá um 30% námsefnisins á
ensku en 70% á íslensku. Námsefni
Matteo sem er bandarískur og býr
hérlendis tímabundið er hins vegar
aðeins á ensku. Elías er hálfíslenskur
og hálfnígerískur og Karen Ardís er
alíslensk. Matteo er fljótur að kveðja
þegar myndatakan er yfirstaðin og
heldur áfram með skóladaginn. Kar-
en Ardís og Elías eru í tvítyngdu pró-
grammi og læra námsefnið því bæði á
íslensku og ensku.
Hvernig kom það til að þið fóruð í
Alþjóðaskólann?
Karen Ardís: „Mamma og pabbi
eru íslensk, lærðu úti í Þýskalandi
þar sem ég átti heima þar til ég var
fjögurra ára. Þar úti var ég í enskum
leikskóla og þegar ég kom heim gat
ég farið í Alþjóðaskólann og haldið
enskunni við og lært meira í henni.“
Elías: „Ég fæddist á Íslandi en
mamma mín er frá Nígeríu og pabbi
minn íslenskur og ég hef alltaf búið
hér fyrir utan að ég bjó í Englandi í
eitt og hálft ár þegar ég var ekki byrj-
aður í grunnskóla. Mamma fann Al-
þjóðaskólann og leist vel á hann svo
að ég byrjaði í honum í fimm ára
bekk.“
Karen Ardís og Elías læra íslensku
eftir hefðbundinni íslenskri námskrá
sem og stærðfræði en stærð-
fræðinámið fer bæði fram á íslensku
og ensku. Önnur fög eru hins vegar
kennd á ensku. Halda þau að það
muni gagnast þeim í framtíðinni?
Karen: „Já, ég held það. Til dæmis
ef maður vill vinna í útlöndum, eða
læra þar í framtíðinni eða bara vill
ferðast. Pabbi minn ferðast til dæmis
mjög mikið vegna vinnunnar sinnar
og systir mín er að læra í London.
Svo er gaman að hér kynnumst við
krökkum frá alls konar löndum.“
Elías: „Pabbi er flugstjóri svo að
hann ferðast líka mikið og ég hef farið
í stuttar ferðir með honum, ef hann
þarf bara að gista eina nótt. Mamma
er frá Nígeríu og þarf líka að ferðast
út af vinnunni sinni. Að læra ensku
finnst mér gott því að mig langar til
að verða körfuboltamaður og fara út
og spila í framtíðinni.“
Karen Ardís: „Mig langar að verða
ballerína. Ég gæti til dæmis farið til
Kaupmannahafnar eða London í
framhaldsnám en ég er í Listdans-
skóla Íslands. En mig langar líka svo-
lítið núna að fara á sumarnámskeið
eitthvað út.“
Hvernig er Alþjóðaskólinn og
skóladagurinn þar? Hvað stendur til
dæmis hæst núna?
Elías: „Skólinn er ekki bara ís-
lenskur skóli og er því svolítið öðru-
vísi. Við gerum margt skemmtilegt.
Áðan var ég í stærðfræði og í IPC
sem er þemaverkefni sem allur skól-
inn er í og við erum að skoða heims-
meistaramótið í fótbolta.“
Þess má geta að í IPC er sameinuð
kennsla í sögu, landafræði, náttúru-
fræði og fleiri greinum í stað þess að
kenna þessar greinar sér.
Karen Árdís: „Við erum að læra
alls konar í kringum fótbolta, sögu
hans, landafræði, það sem er að ger-
ast í Brasilíu og fleira. Nýlega tókum
við fyrir dýr í útrýmingarhættu.
Núna er allur skólinn með HM en oft
erum við ekki öll að vinna sama
þemaverkefni.“
Elías: „Þegar Ólympíuleikarnir
voru vorum við líka til dæmis öll í að
gera þemaverkefni um leikana og
bjuggum til okkar eigin keppni þar
sem við kepptum í langstökki og fleiri
greinum og fengum frostpinna og
medalíur sem við bjuggum til.“
Hvað finnst ykkur skemmtilegast
að læra?
Elías: „Mér finnst skemmtilegast í
leikfimi og sundi. Og mér finnst líka
gaman í heimilisfræðinni. Ég er frek-
ar góður í að búa til „brunch“.
Karen: „Mér finnst gaman í heim-
ilisfræðinni og tónmennt. Ég var að
gista með vinkonum mínum um
helgina og við bökuðum amerískar
pönnukökur.“
Læra bæði á íslensku og ensku
Frá vinstri: Karen Ardís Jakobsdóttir, 11 ára, Matteo Stilwell, 6 ára, Elías Uche Elíasson, 10 ára.
HRESSIR KRAKKAR Í
ALÞJÓÐASKÓLANUM SEGJA
GAMAN AÐ STUNDA
GRUNNSKÓLANÁM Á
BÆÐI ÍSLENSKU OG ENSKU
OG TRÚA ÞVÍ AÐ ÞAÐ
MUNI NÝTAST ÞEIM VEL
Í FRAMTÍÐINNI. SKÓLINN
Á 10 ÁRA AFMÆLI UM
ÞESSAR MUNDIR.
Júlía Margrét Alexandersdóttir
julia@mbl.is
Árin segja sitt1979-2014
Hjónin Ragnar Guðmundsson, matreiðslu-meistari og kona hans
Bára Sigurðardóttir, stofnendur og eigendur Lauga-ás.
Laugarásvegi 1
104 Reykjavík • laugaas.is
Lauga-ás hefur frá 1979
boðið viðskiptavinum
sýnum uppá úrval af
réttum þar sem hráefni,
þekking og íslenskar
hefðir hafa verið hafðar
að leiðarljósi.
)553 1620
Verið velkominn
Alþjóðaskólinn er grunn-
skóli sem býður upp á al-
þjóðamenntun og er rekinn
sem séreining inni í Sjálands-
skóla í Garðabæ.
Við skólann stunda íslensk
og erlend börn nám. Þau
börn sem fá einvörðungu
menntun sína á ensku dvelja
tímabundið á Íslandi. Í skól-
anum eru einnig nemendur
sem hafa góðan grunn í ís-
lensku, ýmist íslensk, hálf-
íslensk eða börn sem fluttu
hingað frá útlöndum. Þau fá
alþjóðlega menntun í al-
þjóðlegu umhverfi.
Börnin læra ýmislegt fleira
í skólanum en að vera læs á
fleiri tungumál en íslensku
því þau öðlast dýrmæta sýn
á mismunandi menningu og
eiga í framtíðinni auðvelt
með að starfa, læra og lifa
víðsvegar um heiminn.
SJÁLANDSSKÓLI
10 ÁRA
Kynnast
annarri
menningu
en eigin
Morgunblaðið/Eggert