Morgunblaðið - Sunnudagur - 11.05.2014, Blaðsíða 51
11.5. 2014 MORGUNBLAÐIÐ SUNNUDAGUR 51
10 eftirminnileg lög með boðskap
1. Portúgal 2011
Flytjandi: Homens da Luta Lag: A Luta é Alegria - lenti í 18. sæti. 22 stig.
Boðskapur: Ákveðinn kreppusöngur þar sem sungið er um að standa upp og láta í sér
heyra. Góð hugmynd að mati Páls Óskars en kom út eins og um væri að ræða lítinn,
slæman áhugamannaleikhóp og skemmdi það fyrir þeim.
2. Ísrael 2000
Flytjandi: PingPong Lag: Sameach - lenti í 22. sæti. 7 stig.
Boðskapur: Hópurinn var með fána Sýrlands og Ísraels á sviði og vildi mótmæla þeirri sundrun
sem átti sér stað í landinu.Að mati Reynis var þetta tilraun fólksins til þess að standa upp gegn eigin
stjórnvöldum.
3. Finnland 2013
Flytjandi: Krista Siegfrids Lag: Marry me - lenti í 24. sæti. 13 stig.
Boðskapur: Fyrsta samkynhneigða brúðkaupið á sviði og kyssti söngkonan „brúði“
sína á sviðinu í lokin. Páll Óskar taldi þarna vera kominn meiri brodd í keppnina.
4. Georgía 2009
Flytjandi: Stephane & 3G Lag: We Don't Want to Put in - komst ekki inn í úrslit.
Boðskapur: Markmiðið með laginu var að komast ekki í úrslit og var því hæglega náð. Reynir taldi
að með þessu mótmælti Georgía mjög augljóslega þrýstingi frá Rússlandi og átökum milli landanna
en „Put in“ var borið fram eins og nafn núverandi forseta Rússlands,Vladimir Putin, sem þá var
forsætisráðherra.
5. Úkraína 2005
Flytjandi: GreenJolly Lag: Razom nas bahato - lenti í 19. sæti. 30 stig.
Boðskapur: Rapplag sem átti að lýsa Appelsínugulu byltingunni í Úkraínu 2004. Samkvæmt
Reyni voru skilaboðin „sameinuð erum við mörg og ekki er hægt að sigra okkur.“
6. Frakkland 1990
Flytjandi: Joelle Ursull Lag: White and Black Blues - lenti í 2. sæti. 132 stig.
Boðskapur: Blökkumenn í Frakklandi höfðu iðulega verið nefndir innflytjendur en boðskapur lagsins
var í raun að að þeir hefðu aldrei flutt neitt, þeir fæddust þarna og verið var að undirstrika það. Bæði
Reynir og Páll Óskar voru sammála um að lagið hefði átt að sigra þetta árið. Lagið hafi verið tímalaus
klassík.
7. Noregur 1990
Flytjandi: Ketil Stokkan Lag: BrandenburgerTor - lenti í 21. sæti. 8 stig.
Boðskapur: Titill lagsins vísar til Brandenborgarhliðsins í Berlín og þarna var einnig verið að
syngja um hinn fallna múr. Lagið var létt og auðvelt að syngja með því en skildi ekki mikið eftir.
8. Króatía 1993
Flytjandi: Vivien Galletta og fleiri Lag: Don't Ever Cry - lenti í 15. sæti. 31. stig.
Boðskapur: Fyrsta lag Króatíu sem hafði nýlega hlotið sjálfstæði. Með laginu var verið að hughreista
eigin þjóð eftir stríð og biðja um frið.
9. Bretland 1990
Flytjandi: Emma Lag: Give a Little Love Back to the World - lenti í 6. sæti. 87 stig.
Boðskapur: Börn sungu lagið og að mati Páls Óskars var það sykurinn ofan á glassúrið.
Friðarboðskapur fór að missa marks vegna þess að fólk sá í gegnum þann leik. Engu að síður
fjallaði lagið um ást og frið.
10. Austurríki 1990
Flytjandi: Simone Lag: Keine mauern mehr - lenti í 10. sæti. 58. stig.
Boðskapur: Bæði verið að syngja um hina andlegu múra, múra milli fólks en einnig múrinn í Berlín
og hið áþreyfanlega.
5 sigurlög með sterkum boðskap
1. Ísrael 1979
Flytjandi: Gali Atari og Milk and Honey
Lag: Hallelujah
Páll Óskar: Landið sigraði af tvennum
ástæðum. Í fyrsta lagi er þetta snilldarlega
vel samið lag og kannski besta uppbygging
á sigurlagi í Eurovision sögunni. Ég fæ ennþá
gæsahúð. Í öðru lagi var þarna nýbúið að skrifa
undir friðarsamning eftir mikil átök í Ísrael og þannig
var ríkjandi ástand notað til góðs til að ýta undir frið.
Reynir: Hvað getur maður sagt, þetta lag var svolítill brautryðjandi í
þessum friðarboðskap og snerist mikið um samstöðu. Það var líka svo
sterkt þegar þau stigu eitt af öðru inn á svið og má í raun túlka það
þannig að maður er aldrei einn.
2. Þýskaland 1982
Flytjandi: Nicole Lag: Ein bißchen Frieden
Páll Óskar: Það eru alltaf einhver átök alls staðar og þetta
var eitt af þeim lögum sem höfðu skýran friðarboðskap
hvað það varðar. Ein bißchen Frieden stendur alveg
fyrir sínu.
Reynir: Þetta var í miðju vígbúnaðarkapphlaupinu
og kannski gert til þess að senda þau skilaboð um að
hægja á og stilla til friðar.
3. Ítalía 1990
Flytjandi: Toto Cutugno Lag: Insieme: 1992
Páll Óskar: Múrinn er fallinn í Berlín og lagið var um
það. Ég skil hins vegar ekki enn þann dag í dag hvers
vegna lagið vann. Mér fannst lagið ekkert sérstaklega
grípandi né söngvarinn.
Reynir: Þarna er verið að syngja um að sameina Evrópu eftir
fall múrsins í Berlín. Árið 1990 var í sérflokki hvað Eurovision varðar,
vegna þess að þá var múrinn fallinn og það varð í raun algjör sprenging í
því að syngja um frið og frelsi.
4. Ísrael 1998
Flytjandi: Dana International Lag: Diva
Páll Óskar: Það vissu allir sem vita vildu að Dana
International hafði farið í kynleiðréttingu og var hún
fyrsti opni keppandinn sem slík. Lagið snerist ekki um
það en hún sjálf var bara svo flott í öllum viðtölum
og sjónvarpsþáttum. Hún var mikil upplýsingaveita um
hvað það er að fara í kynleiðréttingu og hvað felst í því.
Reynir: Dana var með framkomu sinni að sýna
að það væri pláss fyrir alla. Þetta hefur eflaust aukið á
vitundarvakningu hvað varðar kynleiðréttingu.
5. Finnland 2006
Flytjandi: Lordi Lag: Hard Rock Hallelujah
Páll Óskar: Hard Rock Hallelujah er innrás
rokkaranna í Eurovision, eitthvað sem enginn átti
von á og frábært hjá þeim að brjóta sér leið inn í
þessa keppni, sem hingað til hafði verið kennd við
ballöður og tyggjókúlupopp. Það er yndislegt pláss fyrir alla
í Eurovison og allir mega vera með.Allir geta tekið þátt og allir hafa sömu
möguleika, burt séð frá því hvaða landi þeir koma frá og burt séð frá því
hvaða tónlistarstefnu þeir aðhyllast. Þar er ég þeim hjartanlega sammála.
Reynir: Lordi tók Ísrael á annað stig. Þarna er augljóslega verið að lýsa
því að hægt er að segja hallelujah á margan hátt, ekki bara í blíðu heldur
einnig líka af hörku!
Vinur við veginn!Taktu grænu skrefin með Olís – og Reykjavíkurborg.
Tiltektarhelgi er liður í vorverkum Reykjavíkurborgar og styður Olís það verkefni
með svörtum poka til þeirra sem vilja taka þátt. Ruslapokana má skilja eftir
á gangstéttum að átakinu loknu og sér Reykjavíkurborg um að hirða þá upp.
10.–11.maí
hreint til verks
vík