Morgunblaðið - Sunnudagur - 11.05.2014, Blaðsíða 36

Þó að Panasonic hafi ekki smíðað myndavélar nema rétt írúman áratug á fyrirtækið sér langa sögu í framleiðslu árafeindabúnaði og er meðal stærstu og helstu japönsku
fyrirtækja á því sviði. Fyrsta Lumix-myndavélin frá Panasonic
kom á markað 2001 í samvinnu við þýska myndavélaframleið-
andann Leica og samstarf fyrirtækjanna hefur haldist síðan.
Á síðustu árum hafa myndavélar frá Panasonic skipað sér í
fremstu röð fyrir myndgæði og
tæknilega útfærslu. Lumix GX7 er
gott dæmi um það; myndavél sem
lætur ekki mikið yfir sér við fyrstu
sýn, en birtir sífellt fleiri mögu-
leika eftir því sem maður skoðar
hana betur – ótrúlega tæknivædd
þó ekki sé hún mikil um sig.
Boddíðið á henni er traustvekjandi
og mjög gott stamt grip á henni,
en annars er hún úr magnesíum
og tiltölulega létt fyrir vikið. Ofan á vélinni eru stillihjól og
hnappur til að smella af. Vélin sjálf er rétt rúm 400 grömm en
512 grömm með Lumix G Vario 14-42 mm linsu.
Eitt af því fyrsta sem maður tekur eftir er að húsið fyrir
rafrænan sjónglugga, sem er efst til vinstri á vélinni (séð aft-
an frá, nema hvað), er í einskonar stokki sem hægt er að velta
upp úr láréttri stöðu og í lóðrétta og reyndar allt
þar á milli. Þrælsniðugt til að taka myndir frá
ýmsum sjónarhornum. Á baki vél-
arinnar er líka 3" skjár sem virk-
ar eins og sjóngluggi, þ.e. sýnir
það sem linsan sér, og honum
er líka hægt að velta til, 80
gráður upp og 45 gráður
niður. Þegar við bætist að
hægt er að taka myndir
hljóðlaust er hægt að taka
myndir án þess að vera
uppáþrengjandi eða trufla
það sem fram fer, nefni sem
dæmi á tónleikum með lág-
stemmdri tónlist eða leiksýn-
ingu.
Þess má geta að sjónglugg-
inn er þeirra gerðar að það
kviknar ekki á honum nema maður
setji augað, eða eitthvað annað, upp að honum (það
er skynjari við ljóshita vinstra megin við gluggann).
Upplausnin í sjóngluggaskjánum er 2,7 milljón dílar, sem er
býsna gott og litir í honum eru líka mjög eðlilegir og eins á
skjánum á baki vélarinnar.
Eins og getið er þá er á baki vélarinnar skjár sem nota má
sem sjónglugga, en hann er líka notaður til að stilla vélina og
snertiskjár sem auðveldar til stillingar til muna. Dæmi um
það er ef stilla á ljóshita (White Balance) og þá sér maður á
skjánum jafnharðan hvernig myndirnar verða með hverri still-
ingu.
Annað sem kom skemmtilega á óvart að ef taka á svart/
hvíta mynd þá verður skjárinn, og sjónglugginn líka svart/
hvítur, vitanlega ekkert stórmál, en gerir alla slíka myndatöku
mun skemmtilegri.
Vélin er með innbyggt þráðlaust net og hægt að nota
það til að senda myndir og vídeó úr henni jafnharðan
eða eftir þörfum, en það er líka hægt að tengja farsíma
við vélina og nota hann til að taka myndir með henni.
Ofan á vélinni er
tenging fyrir leifturljós
og til hliðar við hana
er líka innbyggt leift-
urljós sem smellur upp
þegar þess gerist þörf
eða ef vill. Gaman hefði
verið að geta stillt það,
látið vísa upp til að
mynda, en það er hægt
að halda við það ef vill og
smella síðan af.
Það er náttúrlega
hægt að taka vélina beint
úr kassanum og byrja að
smella af, en það er líka
hægt að stilla hana í smáu
sem stóru og einnig að velja
myndasnið eins og portrett, landslag, litríkt, svart/hvítt og þar
fram eftir götunum, 22 myndasnið alls. Hún er líka með HDR
snið, en skilar þá myndum bara sem JPG, en annars er hægt
að láta hana skila myndum sem RAW. Vélin er með 16 MP
myndflögu.
Alla jafna er hristivörn innbyggð í linsur myndavéla, en ný-
stárlegt að hristivörnin er innbyggð í vélina sjálfa. Fyrir vikið
er hægt að nota eldri og ódýrari gerðir af linsum við vélina,
en ef hristivörn er í linsunni þá velur vélin sjálfkrafa að nota
hana.
Sjálfvirka skerpan á vélinni, sjálfvirki fókusinn, er mjög
hraðvirkur, frábær reyndar, en vélin er þó ekkert sérstaklega
fljót að komast í gang þegar kveikt er á henni.
Myndir eru mjög fínar, sérstaklega þegar dýrari linsa er
sett við vélina eins og til að mynda Leica-linsa, en einn ljós-
myndara Morgunblaðsins hefur einmitt verið með Lumix GX7
í notkun undanfarnar vikur og þá notað við hana Leica linsu.
Hann tók myndina sem fylgir einmitt á þá vél.
Panasonic Lumix GX7 kostar 209.900 kr. hjá Fotoval, sjá
fotoval.is.
DVERGVAXIÐ TÆKNIUNDUR
PANASONIC HEFUR SMÁM SAMAN SÓTT Í
SIG VEÐRIÐ Í STAFRÆNUM MYNDAVÉLUM
OG ÞÁ HELST Í VÉLUM SEM KALLAST
„PROSUMER“ YTRA, OG SEGJA MÁ AÐ SÉU
FYRIR LENGRA KOMNA ÁHUGAMENN
EÐA ÁHUGASAMA ATVINNUMENN.
Skóarinn Hafþór Edmond Byrd á skó-
vinnustofu sinni í Garðastræti. Myndin er
tekin á myndavélina Panasonic Lumix GX7.
Morgunblaðið/Árni Sæberg
* Vélin getur tekið 4,3 ramma á sekúndu með sjálfvirkriskerpu en fimm ramma annars. Mest er hægt að taka 80
ramma í striklotu, sem er þá um 42 rammar á sekúndu, en
myndirnar eru þá ekki nema 4 MP (2272 x 1704 dílar).
* Legria GX7 styður NFC sem auðveldar til muna aðtengja við síma eða spjaldtölvur - nóg er að bera símann eða
spjaldtölvuna að vélinni, nema náttúrlega síminn sé iPhone og
spjaldtölvan iPad því Apple styður ekki NFC.
* Ljósnæmið er ISO 200 til 25.600. Vídeó er hægt að takaí AVCHD eða MP4 með sjálfvirkum fókus og handvirkum
stillingum. en óneitanlega nokkur ókostur fyrir vídeótökur að
ekki sé á henni tengi fyrir sérstakan hljóðnema.
Græjan
ÁRNI
MATTHÍASSON
Græjur
og tækni
Gæsalappa leitað
*Eitt mest lesna svarið á Vísindavefnum í apríl fjallaði umíslenskar gæsalappir en notandi spurði um hvar þærværi að finna á lyklaborði. Í svarinu kemur fram að áMacintosh OS X fást gæsalappir niðri („) með því aðhalda inni ALT-hnappi lyklaborðsins og ýta um leið á Ð.Hinar seinni (“) má fá með því að gera slíkt hið sama,en halda einnig inni SHIFT. Í Word má þó yfirleitt fá
gæsalappir sjálfkrafa með því að halda niðri SHIFT og
slá inn 2. Þetta á við ef lyklaborðið er stillt á íslenskt.
„“
Óhætt er að segja að Canon
hafi komið mörgum á óvart
með Legria mini X-
myndavélinni, enda er hún
talsvert frábrugðin þeim vél-
um sem Canon er þekktast
fyrir, bæði í útliti og notkun.
Óvenjulegt útlitið sjá menn á
meðfylgjandi mynd, en notkunin
er ekki síður merkileg því ég man
ekki eftir eins einföldu og augljósu
notendaviðmóti frá Canon – um
leið og maður fer að nota vélina
kann maður á hana. Kveikt er á vél-
inni á hliðinni og þá smellur lok frá
linsunni og kviknar á skjánum. Á
honum birtast upplýsingar um stillingar á
vélinni svo að maður þarf ekki að rýna í
valmyndir. Síðan er það ekkert nema að
kveikja á upptöku með hnappi á vinstri
hlið vélarinnar, nú eða taka myndir eftir
því hvaða stilling er á henni.
Vélin er ekki nema 160 g að þyngd og
fer vel í vasa því hún er ekki nema 96 mm
að þykkt. Skjárinn á bakinu er 2,7“ og þó
að á honum sé ekki nema 230.000 dílar er
hann samt býsna góður.
Umfjöllun um Legria mini X hefur mikið
gengið út á það að nú sé komin á markað
vél sem sé sérhönnuð fyrir þá sem eru að
taka myndir af sjálfum sér, vídeó „selfie“,
enda er það sáraeinfalt, því hægt er að
snúa skjánum á vélinni 180 gráður svo að
maður sjái myndina þó að maður sé fram-
an við lisnuna. Þetta er náttúrlega snilld-
arlausn fyrir þá sem eru til að mynda að
taka upp vídeóblogg, senda einhverjum
kveðju eða bara mynda uppáhaldið.
Að því sögðu þá þetta fyrst og fremst
þrælskemmtileg vídeóvél sem státar að
auki af afbragðs hljóðupptöku, sem er
oftar en ekki Akkilesarhæll smærri víd-
eóvéla. Almennilegt hljóð hefur vænt-
anlega vakað fyrir tveimur tökumönnum
sem birtust með Legria-vélar á tónleikum
sem ég hélt á heimili mínu fyrir stuttu,
enda er það alla jafna frekar þolanleg en
gott í svo litlum vélum. Hljóðskráin er líka
geymd óþjöppuð og hægt að fínstilla vel
fyrir upptöku. Þar sem ég hafði vélina
bara stuttan tíma náði ég ekki að prófa
hana út í hörgul, en tók eftir því hvað
hljóð í henni var gott og mun betra en í
sambærilegum vélum sem ég hef prófað.
Vídeóupptaka er 1080/25p eða 1080/
50i á MP4-sniði, en hún getur líka streymt
myndskeiðum með upplausninni 640 x
360 25p. Það er líka hægt að nota hana
sem myndavél og skilar hún 12 MP JPG-
myndum.
Merkilega óvenjuleg