Morgunblaðið - Sunnudagur - 11.05.2014, Síða 8

8 MORGUNBLAÐIÐ SUNNUDAGUR 11.5. 2014
Stefán Máni Sigþórsson rithöfundur.
Morgunblaðið/Golli
Gera má ráð fyrir að einhverjir fari í keppni í
kvöld og reyni að slá nágrannanum við með því
að halda sem flottast Eurovision-parti. Stefán
Máni Sigþórsson rithöfundur er búinn með sitt
partí en á Twitter sagði hann frá því að hann
væri búinn að halda sína eigin Eurovision-
veislu en í hádeginu á föstudag snæddi hann
hádegisverð með 6 evrópskum blaðakonum á
K-Bar.
Gott hádegi
Almennt greiða launþegar og vinnuveit-endur fyrir þeirra hönd stéttarfélögumgjöld í alls kyns sjóði. Launþegar reiða
þessi gjöld af hendi til stéttarfélaganna með
peningum sem þeir ella hefðu til frjálsrar ráð-
stöfunar. Í staðinn eiga launþegar kost á
styrkjum frá stéttarfélögum til ákveðinna
hluta, líkt og gleraugnakaupa og líkamsræktar.
Peningum sem gilda alls staðar er þannig
breytt í peninga sem aðeins má nota þar sem
forystu stéttarfélaganna hugnast.
En hver nýtur svo styrksins til gleraugna-
kaupanna? Sjálfsagt hugsa margir launþegar
hlýlega til stéttarfélagsins síns þegar þeir end-
urnýja gleraugun sín fyrir 60 þúsund krónur
og fá 30 þúsund króna styrk frá stéttarfélaginu
til þess. Styrkurinn er að vísu peningar sem
launþegarnir hafa sjálfir greitt til stéttarfélags-
ins, en sú hringavitleysa er ekki forvitnilegasta
hlið málsins. Mun áhugaverðara væri að vita
hvaða áhrif það hefur á gleraugnaverð í land-
inu að stór hluti gleraugnakaupa sé nið-
urgreiddur með þessum hætti. Hvað myndu 60
þúsund króna gleraugun kosta ef engra nið-
urgreiðslna nyti við? Eða myndu menn kannski
kaupa ódýrari gleraugu? Er hugsanlegt að
hluti niðurgreiðslunnar lendi í raun annars
staðar en hjá þeim sem ætlað er að njóti henn-
ar?
Verðlag fer fyrst og síðast eftir því hvað fólk
er tilbúið að greiða. Ef það fær styrk til ákveð-
inna kaupa má gera ráð fyrir að það sé tilbúið
að eyða meiru.
Nú er til umræðu að sameina vaxta- og húsa-
leigubætur sem íbúðakaupendur og leigjendur
eru sagðir njóta og skattgreiðendur, bótaþeg-
arnir sem aðrir, standa undir. En hvaða áhrif
hefur það á vexti og húsaleigu þegar ríkið
styrkir menn til lántöku og leigu? Blasir ekki
við að fjármagnseigendur, bankar og aðrir lán-
veitendur, geta sett upp hærri vexti á íbúðalán
þegar vitað er að stór hluti íbúðarkaupenda
nýtur ríkisstyrks til lántökunnar? Og hvað um
húsaleigu? Húsaleigubætur virðast kannski
renna í vasa leigjenda en í raun má gera ráð
fyrir að stór hluti þeirra renni í vasa leigusal-
ans. Hann getur nefnilega sett upp hærra
leiguverð en ef engar slíkar bætur eru í boði.
Mér sýnist það alveg réttmæt spurning
hverjir njóti helst góðs af gleraugnastyrkjum,
vaxtabótum og húsaleigubótum? Við henni er
hins vegar ekkert nákvæmt svar og jafnvel
ekki ónákvæmt heldur.
Ekki er allt sem sýnist
* „Viltu ekki kvittun fyrirstéttarfélagið þitt?“ er ég jafnan spurð þegar ég
endurnýja gleraugun.
ÚR ÓLÍKUM ÁTTUM
Sigríður Ásthildur
Andersen
sigga@sigridurandersen.is
Twitter-partí Íslendinga fór fram á
þriðjudag þar sem fólk tísti af
miklum móð með
merkingunni
#12stig. Bergur
Ebbi Bene-
diktsson lög-
fræðingur og grín-
isti með Mið-Ísland hópnum tísti.
„Miðað við fordómastuðulinn í
#12stig eru Íslendingar ekki alveg
að meðtaka boðskap eigin lags,“
og vakti mikla lukku enda voru
margar neikvæðar raddir á lofti
framan af forkeppninni.
Atriði Úkraínu vakti töluverða
kátínu hér á landi
þar sem dans-
arinn hljóp á
hamsturshjóli
nánast allt lagið.
Sjónvarpsmað-
urinn Gísli Marteinn Bald-
ursson tísti. „Mér sýnist hamstra-
hjólið knýja áfram vindvélina.“
Gísli Marteinn var virkur þetta
kvöld og hélt áfram þegar kom að
atkvæðagreiðslunni. „Þessi ræða
um að ekki megi kjósa eigið land,
er svipað og ítrekanir um að
bannað sé að reykja í flugi. Við er-
um búin að ná þessu.“
Ásmundur Helgason, Þrótt-
ari, veiðimaður og tvíburabróðir
Gunnars, var með beina útsend-
ingu á Facebook-síðu sinni frá
báðum forkeppnunum og trúlega
setti hann Íslandsmet í fjölda
stöðuuppfærslna. Kvörtuðu marg-
ir vina hans við hann að hann
hefði einokað Facebook þessi
kvöld. Þegar Ísland kom sem síð-
asta land upp úr hattinum sagði
Ásmundur einfaldlega. „Þeir sem
efuðust mega skammast sín.“
Frá 2009 hefur Ísland fjórum
sinnum komið
síðast upp úr um-
slaginu og voru
margir orðnir
spenntir þegar
kom að því að
sýna hvaða land væri síðast inn í
úrslitakvöldið. Tómas Þór
Þórðarson íþróttafréttaritari
tísti. „Þessi skrattans Norðmaður
setur okkur alltaf í 10. umslagið“
AF EUROVISION-NETINU
Íþróttafréttamönnum sem störfuðu við leik
Víkinga og Framara á fimmtudag brá í brún
þegar þeim var vísað til sætis fyrir leikinn.
Blaðamannastúkan var í barnahorninu í Ár-
mannsheimilinu þar sem börn horfðu á Einar
Áskel í sjónvarpinu sem var beint fyrir ofan
fréttamennina. Hækkuðu börnin í óþökk
fréttamannanna sem vilja helst vinna í þögn.
Einar Áskell
á vellinum Ebay-dót
Myndirnar frá keppninni í Írlandi kosta 17 doll-
ara allar fjórar saman á Ebay.
Undarlegasta dót dúkkar upp á sölusíðunni
Ebay í kringum Eurovision. Nú er hægt að
kaupa þar fjórar ljósmyndir sem gestur
keppninnar tók á vettvangi þegar keppnin
var haldin á Írlandi 1993. Það væri kannski
ekki í frásögur færandi nema að Ingibjörg
Stefánsdóttir sem söng lagið Þá veistu svarið
fyrir Íslands hönd er á einni myndinni.
Vettvangur
Leikhópurinn Talking Timber sýnir verkið
„Answering Answering – Machine“ laugardag-
inn 10. maí kl. 17:00. Hópurinn samanstendur af
listamönnunum Josephine Kylén Collins, Mikk-
el Rasmussen Hofplass, Piet Gitz-Johansen og
Hanna Reidmar. Sýningin er flutt á ensku Tón-
listarmennirnir Jonny Collins Wartel og
Georgia Wartel Collins sýna einnig í þessu
verki. Sýningin er flutt á ensku í Rýminu á Ak-
ureyri. Miða er hægt að nálgast á leikfelag.is.
Talking Timber í Rýminu