Morgunblaðið - Sunnudagur - 11.05.2014, Qupperneq 30

Matur
og drykkir
Lárperan allra meina bót
*Nýjar rannsóknir á vegum Loma Linda Háskólans íKaliforníu í Bandaríkjunum hafa sýnt fram á að hálflárpera samhliða hádegisverði kemur í veg fyrirað líkaminn sækist í óhollt snarl seinni partdags. Trefjarík lárperan er full af einómett-uðum fitusýrum sem hjálpar líkamanum aðverða saddur. Um að gera að prófa að
borða t.d. hálfa lárperu með hádegisverð-
inum og láta nammið í lok vinnudags í friði.
Í
ris Hera Norðfjörð er eigandi veitingastaðarins
Kryddlegin hjörtu sem sérhæfir sig í súpum.
Hún titlar sig matarskáld og fékk innblástur að
titlinum frá afa sínum. „Ég tók skáldanafnið frá
afa mínum, Vilhjálmi skáldi frá Skáholti sem orti til
dæmis Ó borg mín borg,“ segir Íris Huld. „Mat-
arskáld á vel við mig þar sem maturinn er skáld-
aður af mér.“ Íris Huld hefur lengi verið mikil súpu-
kona og segir hugmyndina að opna súpustað lengi
hafa blundað í henni. „Ég er forfallinn súpuunnandi
og líður alltaf svo vel í kroppnum eftir að hafa borð-
að súpu. Mín uppáhaldssúpa er indversk súpa með
kóríander. Ég er mjög hrifin af indversku kryddi og
sterku kryddi og nota það óspart í matargerð.“
Íris segist leggja mikið upp úr ferskleika á veit-
ingastað sínum og huga að hráefnum sem valda
minna ofnæmi en önnur. „Við notum alltaf ferskt
grænmeti. Súpurnar okkar eru gerðar frá grunni og
notum við ekki mjólkurvörur, vegna hugsanlegs of-
næmis, heldur notum við kókosmjólk eða jurta-
rjóma,“ segir Íris. Kryddlegin hjörtu eru til húsa á
Skúlagötu og Hverfisgötu en hún segir ætlunina
ekki hafa verið að reka tvo staði svo nálægt hvor
öðrum, leigusamningur við Skúlagötu sé út þetta ár-
ið. „En við höfum ekki lokað staðnum eins og ef-
laust margir halda. Hann er enn opinn en frá 11.30-
15.00 og höfum við verið að leigja salinn fyrir ýmsar
veislur.“
Í sumar verður Íris Huld á fullu að útbúa góm-
sætar súpur fyrir viðskiptavini sína en einnig ætlar
hún að finna tíma til þess að njóta náttúrunnar. „Ég
vil vera berfætt úti í náttúrunni eins oft og ég get í
sumar og finna betri tengingu við móður jörð,“ segir
hún að lokum.
HOLLAR OG MATARMIKLAR SÚPUR
Berfætt úti í náttúrunni í sumar
ÞAÐ ÞARF EKKI AÐ HAFA MIKIÐ FYRIR ÞVÍ AÐ BÚA TIL SÚPUR OG SEGIR ÍRIS
HULD, EIGANDI VEITINGARSTAÐARINS KRYDDLEGIN HJÖRTU, OFT SÉ SNIÐ-
UGT AÐ NOTA ÞAÐ GRÆNMETI SEM TIL ER Í ÍSSKÁPNUM TIL ÞESS AÐ BÚA
TIL SÚPUR. SJÁLF NOTAR HÚN EKKI MJÓLKURVÖRUR HELDUR FREKAR KÓK-
OSMJÓLK EÐA JURTARJÓMA ENDA MARGIR GJARNAN MEÐ OFNÆMI.
Gunnþórunn Jónsdóttir gunnthorunn@mbl.is
„Ég er forfallinn súpuunnandi og líður alltaf svo vel í kroppnum eftir að hafa
borðað súpu,“ segir Íris Hera, eigandi veitingastaðarins Kryddlegin hjörtu.
2 laukar
4 hvítlauksrif
1 msk. garam masala
1 msk. kúmen
1 msk. paprikuduft
2 dósir niðursoðnir tóm-
atar, skornir
Örlítið af kanil eða setja
kanilstöng út í
1 teningur grænmet-
iskraftur (eða eftir smekk)
1 dós kókosmjólk (má
sleppa ef vill)
Grænmeti eftir smekk, gott
að taka það sem er til í ís-
skápnum en venjulega hef
ég paprikur í öllum litum,
sætar kartöflur eða grasker
og 4 lúkur af spínati
Engifer (eftir smekk)
Aðferð: Skerið hvítlauksrifin
smátt og laukinn og gljáið í smá
stund í olíu á pönnunni. Þegar
laukurinn fer að mýkjast þá er
tómötunum bætt út í og dass af
kanil eða kanilstöng ásamt græn-
metiskrafti. Setjið kryddið út í
og allt í lagi að bæta smá við.
Hellið síðan kókosmjólkinni út í.
Stundum set ég 1 bolla af linsu-
baunum út í súpuna en þá er
gott að hafa lagt þær í bleyti
kvöldinu áður. Grænmetið set
ég ekki út í súpuna fyrr en hún
er tilbúin og læt það liggja í súp-
unni í 5 mínútur. Ekki ofsjóða
það.
Þá er gott að bæta við engifer
ef vill og gaman að prófa sig
áfram með það.
Til að toppa sumarsúpuna
raspa ég appelsínubörk út á súp-
una og ber hana síðan fram.
Ekta
sumarsúpa
Morgunblaðið/Ómar