Morgunblaðið - 27.11.2014, Qupperneq 6

BAKSVIÐ
Baldur Arnarson
baldura@mbl.is
Hömlur, dótturfélag Landsbankans,
hefur selt lóðir undir fyrirhugaða
Smárabyggð til félagsins Grunns 1
ehf. og má ætla að söluverðið hlaupi á
milljörðum króna. Bætist sú sala við
mikla sölu á lóðum í eigu Hamla í
Helgafellslandi í Mosfellsbæ.
Fyrirhuguð uppbygging í Smára-
byggð hefur verið kynnt íbúum í
hverfinu og vonast fjárfestar sem að
verkefninu koma til að geta hafið
framkvæmdir haustið 2015.
Birgir Hlynur Sigurðsson, skipu-
lagsstjóri Kópavogs, segir rætt hafa
verið um að uppbygging Smára-
byggðar vestan Reykjanesbrautar
taki allt að átta ár.
Frestur til 18. desember
„Við höfum unnið að skipulagslýs-
ingu að gerð deiliskipulagsins. Við
höfum gefið frest til 18. desember til
að skila inn athugasemdum við lýs-
inguna og þessi áform. Þetta er for-
kynning. Ég reikna með að í byrjun
næsta árs muni hin eiginlega deili-
skipulagsvinna hefjast og að henni
ljúki um mitt næsta ár,“ segir hann.
Hömlur, dótturfélag Landsbank-
ans, átti lóðir á þeim hluta svæðisins
sem ekki tilheyrir Smáralind og
komu þær í hlut bankans eftir fjár-
hagslegt uppgjör fyrri eigenda.
Reynt að lágmarka tjónið
Hannes Frímann Sigurðsson,
verkefnastjóri hjá Hömlum, hefur
verið verkefnisstjóri hjá félaginu
Smárabyggð, dótturfélagi Hamla.
„Lóðirnar seldust ekki þannig að
við fórum í samstarf við Kópavogsbæ
og Smáralind til að reyna að skapa
hugmynd sem gæti gert svæðið
áhugavert. Markmiðið er að skapa
nýja miðborg fyrir höfuðborgar-
svæðið. Í kjölfarið fórum við að
grennslast fyrir um mögulega kaup-
endur og var sú vinna unnin í sam-
starfi við Landsbréf, sem stofnuðu
fjárfestingasjóðinn Grunn 1. Eini
fjárfestirinn í Grunni 1 er Klasi ehf.
Okkar hlutverk var að skapa eftir-
sóknarvert svæði, nýja miðborg.
Við áttum von á að þurfa að fylgja
þessu alla leið, líkt og í Vogabyggð. Í
tilviki Smárabyggðar kemur Grunn-
ur 1 inn í verkefnið og aðstoðar okk-
ur. Hjá Hömlum hefur skapast sér-
þekking í því að skapa verðmæti úr
lífvana svæðum. Mitt hlutverk er að
reyna að lágmarka tjón. Bankinn lán-
aði verulegar upphæðir til þessara
verkefna á sínum tíma. Menn keyptu
lóðirnar á háu verði samkvæmt verð-
lagi í fasteignabólunni sem var,“ segir
Hannes Frímann.
Eiga lóðir í Laugarnesi
Auk Vogabyggðar og Smára-
byggðar eru Helgafellsland í Mos-
fellsbæ, Setbergsland í Garðabæ og
Kassagerðarreiturinn í Laugarnesi í
Reykjavík meðal uppbyggingar-
svæða í eigu Hamla. „Arkitektastofan
arkitektúr.is hefur verið leiðandi í
hönnun Smárabyggðarverkefnisins.
Þá hafa ýmsar aðrar stofur komið að
hönnun, þ.m.t. á torgum. Við höfum
fengið marga aðila til að leggja verk-
efninu lið, hver á sinn hátt,“ segir
Hannes Frímann.
Ingvi Jónasson, framkvæmdastjóri
Klasa, segir áformað að byggja 500
íbúðir í Smárabyggð, alls um 84.000
fermetra og þar af 13.500 fermetra af
atvinnuhúsnæði, sem skiptist í skrif-
stofuhúsnæði, þjónustu og verslun.
Hlutur Klasa í fermetrafjöldanum
er um 62% en félag í eigu Smáralind-
ar á 38%. Ræðir þar um lóðir en ekki
endilega byggða fermetra.
Í skipulagslýsingu segir að byggð-
in geti teygt sig í tíu hæðir á hluta lóð-
ar. Miðað er við fjögurra til sjö hæða
byggð en næst Smáralind er til skoð-
unar að leyfa byggingar sem verða
allt að 14 hæðir.
Verður byggt upp í áföngum
„Samkvæmt skipulagslýsingu gæti
deiliskipulag verið tilbúið næsta sum-
ar. Ef það gengur eftir er hægt að
hefja framkvæmdir eftir ár,“ segir
Ingvi. „Hluti af verkefninu er á lóð
Smáralindar. Ég geri ráð fyrir að
uppbyggingin geti tekið þrjú til fimm
ár. Framkvæmd sem þessi tekur
tíma og þarf að byggjast upp í áföng-
um. Okkur finnst áhugavert að hefja
uppbyggingu á þéttingarreit þar sem
fyrir er mikil þjónusta, góðar sam-
göngur og skóli sem má nýta betur.
Megináherslan er sú að byggja
fjölskylduvænar, góðar og hag-
kvæmar íbúðir og horfa frekar til
minni en stærri íbúða. Það er mik-
ilvægt að geta boðið góðar íbúðir mið-
svæðis á höfuðborgarsvæðinu en ekki
aðeins í útjaðri byggðar. Við þurfum
að vanda okkur vel og meðal annars
tryggja við hönnun að bílastæða-
lausnir séu hagkvæmar enda er sá
kostnaður of stór hluti af bygging-
arkostnaði íbúða. Miðað er við eitt
bílastæði í kjallara fyrir hverja íbúð,“
segir Ingvi og tekur að lokum fram að
vel verði hugað að nýtingu fermetra,
gæðum og endingu.
Ný miðborg fyrir tugi milljarða
 Dótturfélag Landsbankans hefur selt lóðir fyrir sunnan Smáralind til nýs fjárfestingasjóðs
 Áætla má að söluverðið nemi nokkrum milljörðum  Framkvæmdir gætu hafist haustið 2015
Teikning/arkitektur.is
Sunnan við Smáralind Svona gæti hin nýja Smárabyggð litið út. Almennt er gert ráð fyrir fjögurra til sjö hæða byggð á svæðinu. Hugmynd að risaturni austan svæðisins má sjá á vinstri mynd.
Drög að útliti Svona gæti ein gatan í nýrri Smárabyggð í Kópavogi litið út.
6 FRÉTTIRInnlent
MORGUNBLAÐIÐ FIMMTUDAGUR 27. NÓVEMBER 2014
blaðinu 20. nóvember sl. Vonir
standa til að sú uppbygging geti
hafist innan nokkurra missera. Um
tuga milljarða verkefni er að ræða.
Eiga um 60.000 fermetra lands
Félag í eigu Klasa, Elliðaárvogur
ehf., á tæplega 60.000 fermetra
lands á Höfðasvæðinu. Félagið
Sigla ehf. á 85% hlut í Klasa og fé-
lagið Stotalækur 15% hlut. Snæból
og Gani eiga 50% hlut í Siglu. Tóm-
as Kristjánsson á Gana og Finnur
Reyr á Snæból. Þá á Ingvi Jónasson
félagið Stotalæk. Til einföldunar á
Finnur Reyr því 42,5% hlut í Klasa.
Í þriðja lagi kemur Klasi að upp-
byggingu nýrrar Smárabyggðar
eins og fjallað er um hér að ofan.
Baldur Arnarson
baldura@mbl.is
Hjónin Steinunn Jónsdóttir og
Finnur Reyr Stefánsson eiga hluti í
félögum sem munu taka þátt í upp-
byggingu þúsunda íbúða á höfuð-
borgarsvæðinu á næstu árum.
Í fyrsta lagi á Steinunn félagið
Ark sem kemur að byggingu 175
íbúða í Mánatúni á svonefndum
Bílanaustsreit. Arkur er ásamt
Tryggingamiðstöðinni stærsti hlut-
hafinn í Mánatúni hf.; bæði félög
með 13,9% hlut. Þá á Klasi ehf. 3,6%
og Klasi fjárfesting 10,4% í Mána-
túni hf., en Finnur Reyr á hlut í
Klasa. Steinunn er meðstjórnandi í
BYKO, en faðir hennar er Jón Helgi
Guðmundsson, forstjóri Norvik.
Steinunn á 2,56% hlut í MP banka
sem á 11,5% hlut í Mánatúni hf.
Hundruð íbúa í Mánatúni
Frekari uppbygging er huguð á
þessum reit og má ætla að íbúa-
fjöldinn verði á milli 300 og 400.
Í öðru lagi er félagið Klasi ehf. að
undirbúa íbúðarbyggð fyrir 7.000
manns í Höfðahverfinu í Reykjavík,
eins og greint var frá í Morgun-
Miðað við að byggðir verði ríf-
lega 70.000 fermetrar af íbúðar-
húsnæði í Smárabyggð á vegum
Klasa, í gegnum félagið Grunn 1,
ætti kostnaður við það að samsvara
um 21 milljarði króna, miðað við að
hver fermetri kosti 300.000 krónur
í byggingu. Söluverðið má varlega
áætla að sé 25,2 milljarðar, miðað
við að fermetrinn kosti 360 þúsund.
Áætla má að um 1.500 manns
muni búa í íbúðunum 500 sem ætl-
unin er að reisa í Smárabyggð.
Á við nær allan Mosfellsbæ
Sjóðurinn Grunnur 1, sem Klasi
ehf. hefur fjárfest í, á um 62% af
lóðum á svæðinu og má því lauslega
áætla að Klasi komi að uppbygg-
ingu ríflega 300 íbúða fyrir um þús-
und íbúa. Samanlagt má því segja
að hjónin Finnur Reyr og Steinunn
komi að uppbyggingu íbúða fyrir
um 8.400 manns. Þá gætu BYKO og
timburarmur Norvik tekið þátt í
uppbyggingunni en Steinunn er
sem fyrr segir meðstjórnandi í
BYKO.
Til að setja íbúðir fyrir 8.400
manns í samhengi voru 9.075 íbúar
skráðir í Mosfellsbæ í ársbyrjun.
Hjón byggja íbúðir fyrir
samtals um 8.400 íbúa
 Eru umsvifamikil í gegnum eignarhlut í ýmsum félögum
Steinunn
Jónsdóttir
Finnur Reyr
Stefánsson
Kringlan 4-12 | s. 577-7040 • loccitane.com
Andvirði: 8.030 kr.
Ilmsápa 100 g - 660 kr. | Ilmpoki 35 g - 1.160 kr.
Sturtusápa 250 ml - 2.380 kr. | Húðmjólk 250 ml - 3.830 kr.
VERBENA GJAFAKASSI
Jólatilboð: 6.350 kr.
SVÍFÐU INN Í
JÓLAHÁTÍÐINA