Fréttablaðið - 29.11.2013, Blaðsíða 14

29. nóvember 2013 FÖSTUDAGUR| FRÉTTIR | 12
Deiliskipulagsgerð fyrir Reykjavík-
urflugvöll lýkur á næstu dögum.
Það þýðir að mjög styttist í að
minnstu flugbraut vallarins verð-
ur lokað, en samkvæmt samkomu-
lagi ríkis og borgar mun innanrík-
isráðuneytið auglýsa lokun hennar
samhliða auglýsingu nýs deiliskipu-
lags vallarins.
Norð-austur/suð-vestur
Ríki og borg gerðu með sér sam-
komulag í apríl um endurbætur
á aðstöðu fyrir farþega og þjón-
ustuaðila á Reykjavíkurflugvelli.
Hluti þess var að norð-austur/suð-
vestur flugbrautin verði lögð af og
það land sem við það losnar sunn-
an vallarins verði skipulagt undir
blandaða byggð.
Deiliskipulagstillagan er svo
gott sem tilbúin og verður auglýst
upp úr miðjum desember, en ferl-
ið tekur rúmlega þrjá mánuði, má
vænta ef allt gengur að óskum. Þar
er tekið tillit til nýrrar flugstöðv-
arbyggingar og lendingarljósa í
Skerjafirði, meðal annars.
Innan borgarkerfisins skilja
menn stöðuna með þeim hætti að
þegar auglýsingaferli lýkur og til-
lagan verður samþykkt hjá borg-
inni þá verði flugbrautinni lokað á
sama tíma. Þetta helgast af því að
lokun flugbrautarinnar tekur svip-
aðan tíma, er skilningur Frétta-
blaðsins. Þá verða bæði svæðin í
Skerjafirði og við Hlíðarenda frjáls
sem byggingarsvæði; þá verður
hægt að byggja upp við Hlíðarenda
og huga að deiliskipulagi byggðar
í Skerjafirði. Ekki er ólíklegt að
menn séu orðnir nokkuð langeygir
eftir að málinu ljúki, alla vega Hlíð-
arendamegin, þar sem menn eru
með klárt skipulag og vilja hefj-
ast handa. Þar gæti verið um fjár-
festingu upp á 25 til 30 milljarða að
ræða, enda 500 íbúðir í kortunum.
Nýjar vendingar
Eins og kunnugt er undirrituðu full-
trúar ríkis, borgar og Icelandair
samkomulag um innanlandsflug
í lok október. Þau Hanna Birna
Kristjánsdóttir innanríkisráðherra
og Sigmundur Davíð Gunnlaugsson
forsætisráðherra undirrituðu sam-
komulagið. Strax í kjölfarið lýsti
forsætisráðherra því yfir að hann
legðist alfarið gegn lokun þriðju
flugbrautarinnar, enda væri ekkert
um hana fjallað í texta samkomu-
lagsins. Hann sagðist reyndar vilja
vinda ofan af samkomulaginu um
brotthvarf brautarinnar.
Þegar eftir því var gengið á þeim
tíma tók Hanna Birna af allan vafa
um að staðið yrði við samkomulag-
ið við borgina frá því í apríl, að því
gefnu að samsvarandi öryggisbraut
í Keflavík yrði opnuð. Því er það
skilningur allra innan borgarkerf-
isins að samkomulagið standi, þrátt
fyrir að forsætisráðherra sé ekki
par sáttur við lendinguna.
Stóra fréttin í samkomulaginu um
innanlandsflug í október var annars
að norður-suðurflugbrautin verður
á sínum stað til ársins 2022, í stað
2016 eins og gert var ráð fyrir í aðal-
skipulagstillögu borgarinnar sem
var samþykkt í gær.
Tré
Í samkomulaginu frá í apríl var
staðfest að trjágróður í Öskjuhlíð-
inni þarf að víkja fyrir öryggissjón-
armiðum á þriðju brautinni; austur-
vesturflugbrautinni. Umhverfis- og
samgönguráð borgarinnar hafði
áður hafnað kröfu Isavia um að trén
yrðu fjarlægð eða lækkuð.
Fréttablaðið hefur fengið staðfest
að Flugfélag Íslands þarf æ oftar
að takmarka farþegafjölda vegna
trjánna í Öskjuhlíð. Eins þarf með
reglulegu millibili að skilja eftir far-
angur eða frakt þegar vélar taka á
loft í austurátt. Þetta dregur ekki úr
rökum þeirra sem vilja trén burt, en
fjöldi fólks hefur gagnrýnt að þau
verði felld enda elstu og tignarleg-
ustu trén á þessu vinsæla svæði.
Í umfjöllun um málið í vor kom
fram að til stóð að grisjunin færi
fram strax um sumarið, en ekki
varð af því.
Þórólfur Jónsson, garðyrkjustjóri
Reykjavíkur, sem hefur dregið upp
áætlun um að fella 100 grenitré í
Öskjuhlíð, segir að grisjun hangi
saman með öðrum atriðum í sam-
komulaginu. Því má vænta þess að
starfsmenn garðyrkjustjóra verði
á ferli við grisjun um svipað leyti
og flugbrautin verður aflögð – eða
á vordögum. svavar@frettabladid.is
Styttist í mikla uppbyggingu
Deiliskipulag fyrir Reykjavíkurflugvöll mun liggja fyrir um miðjan desember. Miklar breytingar í Vatnsmýr-
inni þokast því nær; lokun flugbrautar, grisjun skógar í Öskjuhlíðinni auk uppbyggingar íbúabyggðar.
VATNS-
MÝRIN Byggð,
flugvöllur
og gróður á
svæðinu mun
taka miklum
breytingum á
næstu miss-
erum og árum.
FRÉTTABLAÐIÐ/
VILHELM
LÖGREGLUMÁL „Þeir eru aðallega
særðir á sál, það er það versta,“
segir Kristinn Skúlason, faðir ann-
ars drengsins sem ráðist var á í
austurborginni í fyrrakvöld.
Tveir ungir menn réðust að
tveimur fimmtán ára piltum þar
sem þeir voru að labba heim og
styttu sér leið í gegnum skólalóð-
við Hvassaleitisskóla. Mennirnir
ógnuðu þeim með hníf og rændu þá
farsímum og fleiri verðmætum.
„Þeir trúðu þessu ekki fyrst og
þráuðust aðeins við en þá var félagi
sonar míns kýldur í andlitið og minn
tekinn hálstaki og hníf beint að
honum,“ segir Kristinn. Mennirnir
voru með andlit sín hulin til hálfs
og þekkja drengirnir þá líklega ekki
aftur. Það eina sem þeir tóku eftir
var klæðnaður þeirra.
„Þetta er svo mikið áfall að verða
fyrir svona. Þeir eru í sjokki og ég
líka. Ég trúði því að það væri öruggt
að vera hér úti á kvöldin.“
Benedikt Lund, yfirmaður rann-
sóknardeildar lögreglu, segir rann-
sókn málsins í fullum gangi.
„Við leggjum ofuráherslu á að
ná í þessa menn. Sem betur fer
eru svona atvik afar sjaldgæf. Við
hljótum að gera þá kröfu að börnin
okkar séu óhult,“ segir Benedikt.
Annað rán var framið á Foss-
hóteli Barón sömu nótt. Þá kom
starfsmaður hótelsins að manni,
sem hafði laumast inn í veitinga-
salinn, en þar er líka bar.
Óboðni gesturinn ógnaði honum
með hníf og hafði á brott með sér
skiptimynt og áfengi. Ræninginn
er ófundinn. -ebg
Tveir drengir sem rændir voru við Hvassaleitiskóla eru enn að jafna sig eftir erfiða lífsreynslu:
Annar kýldur og hinum ógnað með hníf
Í SJOKKI Kristinn Skúlason segist hafa
haldið að öruggt væri að vera úti á kvöldin
í íbúðarhverfi. FRÉTTABLAÐIÐ/VALLI
E
E
E
E
1
2
3 4
Uppbygging í Vatnsmýri að hefjast
1. Uppbyggingar-
svæði nýrrar
flugstöðvar.
2. Uppbygg-
ingarsvæði við
Hliðarenda.
3. Samkvæmt
aðalskipulagi
2010-2030 er
gert ráð fyrir 800
íbúða byggð með
60 íbúa á hektara.
Byggingar mega
vera 3-5 hæðir.
Uppbygging á ár-
unum 2012-2020.
Reiturinn er á
aðalskipulagsstigi
þ.e. óhannaður.
4. Aðflugsflötur
þar sem hæstu
tré verða grisjuð.
Gleikkar um 15°
frá flugbraut.
5. Þessi
flugbraut
verður tekin
úr notkun á
næsta ári.
5
Ótrúlegt
úrval íbúða til sölu
eða leigu!
STÆRSTI
HÚSNÆÐISVEFUR
LANDSINS
FRÉTTASKÝRING
Hvað gerðist eftir aprílsamkomulag
ríkis og borgar um Reykjavíkurflugvöll?
STJÓRNMÁL Stjórnvöld hafa
áhyggjur af þensluáhrifum
skuldaniðurfellinga og vinna sér-
fræðingar þeirra hörðum höndum
að því að fá sem gleggsta sýn á
hvað geti gerst í
kjölfar leiðrétt-
inganna, segir
Sigurður Már
Jónsson, upp-
lýsingafulltrúi
ríkisstjórnar-
innar. Hann
segir aðgerð af
þessari stærð-
argráðu munu
alltaf hafa ein-
hver verðbólguáhrif.
Mikil eftirvænting ríkir um
kynningu ríkisstjórnarinnar á
aðgerðum hennar fyrir skuldug
heimili, en stjórnvöld hafa hingað
til varist allra frétta.
Sigurður Már vildi ekki stað-
festa neinar tölur í þessu sam-
hengi, en sagði að taka bæri
þeim upplýsingum sem komið
hafa fram með fyrirvara. Hann
sagði stjórnvöld finna fyrir áhuga
erlendis og reynt væri að svara
honum, en annað lægi ekki fyrir
að svo stöddu.
Samkvæmt heimildum Frétta-
blaðsins hefur aðgerðin ekki
verið kynnt þingflokkum stjórn-
ar flokkanna, en þingmenn búast
við kynningu í dag eða í síðasta
lagi á morgun, laugardag. Vænt-
ingar þeirra séu hófstilltar, þar
sem ljóst sé að ekki fái allir sitt
fram. Í kjölfar kynningar í þing-
flokkum verður aðgerðin gerð
opinber almenningi.
- eb
Sérfræðingar stjórnvalda reyna að fá yfirsýn yfir áhrif skuldaniðurfellinga:
Áhyggjur af þensluáhrifum
SIGURÐUR
MÁR JÓNSSON
FÓLK Fregna er að vænta af aðgerðum stjórnvalda fyrir skuldug heimili. Fólkið á
myndinni er ótengt efni fréttarinnar. FRÉTTABLAÐIÐ/STEFÁN
HEILBRIGÐISÞJÓNUSTA „Með nýrri
fæðingardeild og meðgöngu- og
sængurlegudeild sem verða opn-
aðar 1. mars verður þjónusta
deildanna við skjólstæðinga betri
og öflugri,“ segir í fréttatilkynn-
ingu frá Landspítalanum.
Fæðingardeild og fæðingarhluti
Hreiðurs munu sameinast en
tekið er fram að standa eigi vörð
um eðlilegar fæðingar á nýrri
fæðingardeild. Með nýrri deild á
fyrst og fremst að bæta aðstöðu
og starfsumhverfi með betri nýt-
ingu húsnæðis og jafna álag á
starfsfólk. - ebg
Betri nýting húsnæðis:
Ný fæðingar-
deild opnar
HJÁLPARSTARF IKEA gefur óskipt
andvirði barnamáltíða veitinga-
staðar IKEA næstu fjóra daga til
hjálparstarfs á Filippseyjum.
„Á þakkargjörðarhátíðinni leiða
margir hugann að því sem þeir
eru þakklátir fyrir en einnig að
þeim sem minna mega sín. Okkur
langar að rétta börnum hjálpar-
hönd sem búa við neyð og þurfa
svo sárlega á stuðningi að halda,“
segir Þórarinn Ævarsson, fram-
kvæmdastjóri IKEA á Íslandi, um
samstarfið við UNICEF. - ebg
Rétta börnum hjálparhönd:
Styður hjálpar-
starf UNICEF
DÓMSMÁL Erlendur maður sem
dæmdur var fyrir þjófnað og
fleira til níu mánaða fangelsis-
vistar í Héraðsdómi Reykjavíkur
í maí og átta mánaða fangelsis
í Héraðsdómi Suðurlands í júní
fær seinna dómsmálið tekið upp
aftur.
Samkvæmt beiðni ríkissak-
sóknara til endurupptökunefnd-
ar var manninum gerð of hörð
refsing í seinna málinu því þar
var dómsmál frá því 2012 gert að
refsiauka jafnvel þótt þetta eldra
mál hafi þegar verið notað sem
refsiauki í málinu frá í maí. - gar
Mistök í dómsmáli:
Þjófur fékk of
harða refsingu
HÉRAÐSDÓMUR SUÐURLANDS Yfir-
sást dómur frá Reykjavík. FRÉTTABLAÐIÐ/ÓKÁ