Fréttablaðið - 29.11.2013, Blaðsíða 76

29. nóvember 2013 FÖSTUDAGUR| MENNING | 46
Frjósemisfaraldur í stjörnuheimi
Fræga fólkið var aldeilis duglegt að fj ölga sér á árinu sem er að líða. Margar krúttsprengjurnar litu dagsins ljós en það þykir deginum
ljósara að tvö börn hafi stolið senunni. Annars vegar Georg prins þeirra Kate Middleton og Vilhjálms prins og hins vegar litla hnátan
North West sem raunveruleikastjarnan Kim Kardashian eignaðist með unnusta sínum, Kanye West.
22. júlí Konunglegur snáði
Georg prins kom í heiminn hinn 22. júlí á St. Mary‘s-sjúkrahúsinu í
London en foreldrar hans eru Vilhjálmur prins og Kate Middleton,
hertogaynjan af Cambridge.
11. júlí Eitt frægasta barn ársins
Margir biðu óþreyjufullir eftir fæðingu frumburðar Kim Kardashi-
an og Kanye West. North litla West fæddist 11. júlí.
11. janúar Barn númer tvö
Tónlistarmaðurinn Elton John og eiginmaður hans, David Furnish,
voru í skýjunum hinn 11. janúar þegar annar sonur þeirra, Elijah
Wood, kom í heiminn með aðstoð staðgöngumóður.
30. júní Sumarbarn
Þúsundþjalasmiðurinn Jessica Simpson eignaðist soninn Ace
Knute með unnusta sínum, Eric Johnson, hinn 30. júní. Fyrir
áttu þau dótturina Maxwell.
30. maí Frumburður fæddur
Leikarahjónin Channing Tatum og Jenna Dewan-Tatum eignuðust sitt
fyrsta barn í London hinn 30. maí. Litla stúlkan hlaut nafnið Everly.
22. janúar Tónlist og takkaskór
Söngkonan Shakira og knattspyrnumaðurinn Gerard Piqué
eignuðust soninn Milan Piqué Mebarak í Barselóna 22. janúar.
23. ágúst Carmen komin
Stórleikarinn Alec Baldwin og eiginkona hans, Hilaria Thomas
Baldwin, eignuðust dótturina Carmen Gabrielu 23. ágúst.
29. ágúst Rokkarabarn
Stjörnuparið Fergie og Josh Duhamel gáfu syni
sínum sannkallað rokkaranafn en hann kom í
heiminn 29. ágúst. Sá litli heitir Axl Jack.
5. október Barn og brúðkaup
Halle Berry og Olivier Martines eignuðust dreng-
inn Maceo Robert í október, þremur mánuðum
eftir að þau giftu sig í Frakklandi.
22. júlí Góður dagur
Leikaraparið Penelope Cruz og Javier Bardem eignuðust dóttur
sama dag og Kate Middleton fæddi Georg prins.
27. ágúst Loksins kom hann
Noah Buble lét bíða eftir sér en hann kom loks í
heiminn hinn 27. ágúst. Foreldrar hans eru söngvarinn
Michael Buble og Luisana Lopilato.
14. október Trump á hendi
Auðjöfurinn Donald Trump bætti
barnabarni í safnið þegar dóttir hans,
Ivanka Trump, eignaðist soninn Joseph
Frederick með eiginmanni sínum, Jared
Kushner, hinn 14. október.
5. mars Regnbogabarn
Fyrrverandi Playboy-kanínan Holly Madison og kærastinn
hennar, Pasquale Rotella, eignuðust sitt fyrsta barn hinn 5. mars.
Stúlkan fæddist rétt fyrir hádegi og hlaut nafnið Rainbow.