Fréttablaðið - 14.12.2013, Blaðsíða 10

14. desember 2013 LAUGARDAGUR| FRÉTTIR | 10
HIN FULLKOMNA
JÓLAGJÖF
Óskaskrín henta fullkomlega í harða pakka fyrir þá sem vilja upplifa
og njóta, þá sem velja sjálfir, þá sem eiga allt. Það er einfalt að velja
rétta gjöf – gefðu upplifun í öskju, gefðu Óskaskrín.
Opna – Velja – Njóta
sími 577 5600 info@oskaskrin.is www.oskaskrin.is
PI
PA
R\
TB
W
A
•
S
ÍA

Suðurlandsbraut 20, 108 Reykjavík | Sími 588 0200 | www.eirvik.is
ENA MICRO 9 ONE TOUCH
Líttu við hjá Eirvík og kynntu þér ENA 1 eða ENA 9 OneTouch
með Aroma+ og við bjóðum þér í kaffi.
Fékk hæstu einkun hjá þýsku neytendasamtökunum en 14 vélar
voru prófaðar. Hægt að velja um kaffi, espresso, latte macchiato,
cappuccino eða heitt vatn í te með því að þrýsta á einn hnapp.
LEIKLIST Fljótlega eftir áramót hefj-
ast æfingar hjá Leikfélagi Sólheima
á nýju leikriti sem verður frum-
sýnt á sumardaginn fyrsta, rétt
eins og síðustu 82 árin. En þetta
árið er óvenjulegt að því leyti að
leikfélagið verður í samstarfi við
annað leikfélag frá Madrid, höfuð-
borg Spánar.
Í byrjun maí mun spænski hópur-
inn koma til Íslands og sýna hóp-
arnir saman í Þjóðleikhúsinu á
upphafsdegi hátíðarinnar List án
landamæra í Reykjavík. Í lok júní
fer leikhópur Sólheima í sólina í
Madrid og stígur á svið í þekktu
leikhúsi þar í borg.
„Ég er alltaf svo þakklát og í
gleðikasti í hvert skipti sem ég
fæ tækifæri til að leikstýra þeim.
Það kemst oft ekki fyrir á planinu
mínu en núna hef ég tök á að leik-
stýra þessu spennandi verkefni,“
segir Edda Björgvinsdóttir, stór-
vinur samfélagsins í Sólheimum,
sem ætlar að leikstýra Sólheima-
flokknum.
Spænski hópurinn er í samstarfi
við rithöfundana Auði Jónsdóttur
og Þórarin Leifsson við að skrifa
verk sem hefur sterka tengingu
við Ísland. Sólheimaleikhúsið setur
saman verk sem er byggt á verkum
Federico García Lorca. Verkefnið
er styrkt af þróunarsjóði EFTA.
Edda hefur þrívegis áður leik-
stýrt Sólheimaflokknum og
aðspurð segir hún það alltaf jafn-
gaman. „Þetta eru svo stórkost-
lega einlægir leikarar. Ef þú ætlar
að njóta góðrar leiklistar þurfa að
vera ekta tilfinningar á ferðinni og
þær skorta þau ekki.“
Henni líst vel á að fara í sólina
til Spánar með leikfélaginu. „Ég
veit að það er mikil tilhlökkun í
hópnum. Það verður ofboðslega
gaman að fara í útrás með listina.
Þetta verður algjört ævintýri og
við hlökkum svakalega mikið til að
sýna þeim okkar útgáfu af Lorca.“
freyr@frettabladid.is
Leikfélag Sól-
heima stígur
á svið á Spáni
Leikfélag Sólheima frumsýnir nýtt verk á sumar-
daginn fyrsta eins og síðustu 82 ár. Í þetta sinn verður
leikfélagið í samstarfi með spænskum leikhópi og
saman stíga þau á svið í Þjóðleikhúsinu. Sólheima-
hópurinn er líka á leið til Spánar í sumar.
Leiklistin á Sólheimum er hluti
af Rudolf Steiner-mannspekinni.
„Hún snýst um að það sé svo
mikilvægt að vera með listrænt
uppeldi og upplifun til að hjálpa
fólki til þroska. Þetta gerir Sól-
heimana að svo einkennilegu og
sérstöku samfélagi því þau vinna
við listsköpun,“ segir Edda Björg-
vinsdóttir.
➜ Listrænt uppeldi
og upplifun
TIL SPÁNAR Leikfélag Sólheima er á leiðinni til Spánar í fyrsta sinn í sumar. Edda
Björgvinsdóttir verður leikstjóri.
HAFNARFJÖRÐUR Lúðvík Geirs-
son, fyrrverandi bæjarstjóri
Hafnarfjarðar,
ætlar ekki að
gefa kost á sér
fyrir kosning-
arnar næsta
vor. Þetta
kemur fram í
bæjarblaðinu
Hafnarfjörður.
Lúðvík hefur
verið í bæjar-
stjórn Í Hafnarfirði í um tvo
áratugi og bæjarstjóri frá árinu
2002 til ársins 2010. Hann er nú
bæjarfulltrúi Samfylkingarinn-
ar í bænum.
Í samtali við bæjarblaðið
segir Lúðvík að hann hafi upp-
lifað margt á ferli sínum en nú
sé komið að nýju fólki að taka
við. - hrs
Lúðvík Geirsson að hætta:
Mun ekki gefa
kost á sér í vor
LÚÐVÍK
GEIRSSON
NEYTENDUR Hagsmunasamtök
heimilanna hafa útbúið staðlað bréf
fyrir neytendur sem þeir geta notað
til að krefja lánastofnanir endur-
greiðslu ofgreidds lánskostnaðar.
Um er að ræða samninga um neyt-
endalán með ólögmætum skilmál-
um á borð við gengistryggingu eða
til að mynda þar sem upplýsingar
um lánskostnað eru ekki tilgreindar
með skýrum hætti.
„Hugmyndin að þessu bréfi kom
upp vegna tilkynningar Lýsingar
um að fólk þyrfti að sækja um leið-
réttingu fyrir
ákveðinn tíma
annars yrði það
fyrnt. Við vild-
um gera neyt-
endum auðveld-
ara fyrir með
stöðluðu bréfi,“
segir Vilhjálmur
Bjarnason, ekki
fjárfestir og for-
maður Hagsmunasamtaka heimil-
anna.
Hann segir neytendur á Íslandi
ekki nógu vakandi fyrir að virkja
sinn rétt. „En í raun eiga neytend-
ur ekki að þurfa að standa í þessu.
Lánastofnunin á að eigin frum-
kvæði að bera ábyrgð á að leiðrétta
lánin. Neytandinn á ekki að hafa
áhyggjur af því að það sé verið að
svíkja hann í samningum. En þetta
bréf getur þó hjálpað til.“
Kröfubréfið, þar sem farið er
fram á endurgreiðslu auk drátta-
vaxta, er hægt að nálgast á heima-
síðu samtakanna, fylla út og senda
í ábyrgðarpósti. - ebg
Hagsmunasamtök heimilanna hvetja neytendur til að sækja sinn rétt:
Krefja endurgreiðslu með bréfi
VILHJÁLMUR
BJARNASON