Fréttablaðið - 14.12.2013, Side 142

14. desember 2013 LAUGARDAGUR| MENNING | 114
„Hann tekur hluti
mjög alvarlega en er
samt mjög kynþokka-
fullur með ístruna
og allt. Yfirgreiðsla,
ístra– hverjum er
ekki sama? Hann er
heitur!“
LEIKKONAN AMY ADAMS
UM MEÐLEIKARA SINN Í
KVIKMYNDINNI AMERICAN
HUSTLE, CHRISTIAN BALE.
Leikritið Nóttin var sú ágæt ein var
frumsýnt í Tjarnarbíói á miðvikudag
en leikarar í sýningunni eru Benedikt
Karl Gröndal, Davíð Freyr Þórunnar-
son, Kári Viðarsson og Svandís Dóra
Einarsdóttir. Mikið var
hlegið á frumsýningunni og
hafði einn leikhúsgestur á
orði að leikhópurinn hafi
örugglega sett Íslands-
met í blótsyrðum á
einum klukku-
tíma en stykkið
er jólaleikrit
fyrir fullorðna.
- lkg
Íslandsmet í
blótsyrðum
Fyrsta upplag Jólakveðju, jólaplötu
Sigríðar Thorlacius, er uppseld. Er
um að ræða tvö þúsund plötur og
kemur annað upplag í verslanir á
morgun og enn annað upplag kemur
í verslanir á mánudag. Í næstu viku
kemur platan líka út á vínyl og stefnir
Sigríður hraðbyri í gullplötu
fyrir jól. Má því búast
við stuði á útgáfutón-
leikum hennar í Frí-
kirkjunni á miðvikudag
og á Græna hattinum
á föstudag.
- lkg
Jólaplatan
uppseld
Björt Ólafsdóttir, þingmaður
Bjartrar framtíðar, gleymdi að kaupa
lottómiða, og sagði Facebook-vinum
sínum að það væri nákvæmlega
engin stemming hjá
sér þrátt fyrir að hafa
staðfest hressleika á
prenti. Í Fréttablaðinu
í vikunni sagði Björt
einmitt að hún væri
stemmingsmann-
eskja sem keypti
lottó þegar
potturinn
væri stór.
- lkg
Gleymdi að
kaupa lottó
„Ég sagði upp íbúðinni minni
og seldi allt sem ég átti. Ég vildi
sýna fólki að það getur haft áhrif
á heiminn ef það stígur út úr þæg-
indarammanum,“ segir Kristín
Grímsdóttir, stofnandi sprota-
fyrirtækisins Possunt. Hún stofn-
aði fyrirtækið með það að mark-
miði að fanga ástæðurnar á bak
við velgengni einstaklinga, hvað
drífur þá sem vel gengur áfram.
Hún vildi líka komast að því hvað
hindraði aðra í því að taka af skar-
ið í átt að bættum árangri.
„Ég fékk þessa hugmynd þegar
ég hlustaði á umræðuna heima
á Íslandi. Margir kvörtuðu en
höfðu það mjög gott á sama tíma.
Ég spurði mig af hverju fólk
væri að kvarta en gerði ekkert í
ástandinu?“ Í kjölfarið á því að
Kristín áttaði sig á göllunum við
umræðuna á Íslandi ákvað hún að
selja allt sem hún átti og stökkva
út fyrir þægindarammann, gera
þannig tilraun á sjálfri sér. „Ég
sagði upp vinnunni minni og
keypti mér hjól. Ég ákvað að hjóla
til Grikklands og stoppa í mörg-
um löndum og ákvað að kynnast
allavega hundrað ólíkum einstak-
lingum á leiðinni og fá að vita í
hverju þeirra drifkraftur í lífinu
væri fólginn.“
Kristín hjólaði í gegnum níu
lönd og gisti í tjaldi eða heima hjá
ókunnugum. „Mér tókst að taka
viðtöl við fjölda manns og sá að
þeir sem náðu miklum árangri
í lífinu og voru hamingjusamir
höfðu mjög lík gildi. Þeir lögðu
mest upp úr tengslum við fjöl-
skylduna; fundu greinilega að
þeir voru elskaðir skilyrðislaust
af einhverjum. Frelsi skipti einn-
ig miklu máli fyrir þessa einstak-
linga, en birtingarmynd frelsisins
gat verið ólík. Að síðustu skipti það
þessa einstaklinga miklu máli að
vera hluti af einhverju stærra,“
útskýrir Kristín. Hún segir það
hafa vakið athygli hennar að þeir
sem ekki náðu þeim árangri sem
þeir vildu ná höfðu öðruvísi gildi.
Hún sagði hræðsluna vera helstu
ástæðu þess að fólk hikaði við að
taka skrefið í átt að árangri. „Fólk
er hrætt við að gera mistök og
hrætt við að tapa öllu sínu. Þetta
var helsta ástæðan fyrir því að
fólk tók ekki af skarið. Skortur
á upplýsingum skiptir líka máli
í þessu samhengi. Fólk veit oft
hreinlega ekki hvernig það á að
taka skrefið í átt að hamingjunni.
Það er fast í vítahring og veit ekki
að það getur sjálft stjórnað sínum
örlögum.“
Kristín segir sögur vera bestu
leiðina til þess að kenna fólki
hvernig það getur sjálft haft áhrif
á líf sitt og heiminn í heild sinni.
Hún ætlar sér að sýna fólki það
með stuttum viðtalsmyndböndum.
„Við reynum að fanga sögu margra
ólíkra einstaklinga með stuttmynd
í viðtalsformi. Við viljum sýna
fólki að það sem sameinar þá sem
ná langt er hugrekki. Við viljum að
fólk þori að stýra lífi sínu sjálft.“
Fyrirtækið Possunt mun standa á
bak við samfélagsmiðil sem veitir
fólki aðgang að viðtölunum og hvet-
ur það til samfélagslegrar ábyrgð-
ar. Á mánudaginn hefst söfnun þar
sem markmiðið er að fjármagna
gerð tuttugu fyrstu viðtalanna sem
fyrirtækið birtir. Þeim sem hafa
áhuga á að styrkja átakið er bent
á heimasíðu fyrirtækisins, www.
possunt.is. Þeir sem styrkja átakið
fá gjafir sendar í staðinn, en gjöfin
ákvarðast af upphæð styrksins.
kjartanatli@frettabladid.is
SAB / KILJAN
H J / PR E S SA N . I S
JYJ / FRÉTTABLAÐIÐ
EH / Kiljan
S V / K I LJA N
Seldi allt sitt og
hjólaði til Grikklands
Kristín Grímsdóttir stofnaði fyrirtækið Possunt til þess að hjálpa fólki að taka af
skarið og ná stjórn á eigin lífi . Fyrirtækið leitar til almennings með fj ármögnun
á sínu fyrsta verkefni. Kristín hjólaði um Evrópu í leit að viðmælendum.
HJÓLAÐI UM ALLT Kristín keypti sér hjól og hélt til Grikklands í leit að viðmælendum fyrir verkefnið sitt.
einstaklingar
hafa verið teknir í viðtal.
200
ólík lönd heimsótt,
hjólaði frá Svíþjóð til
Grikklands.
9
fyrstu viðtölin
verða fj ármögnuð í átakinu
sem hefst á mánudag.
20
Fyrsta átakið
Fyrsta átak fyrirtækisins er tileinkað Ingu Vagnsdóttur frá Bolungarvík. Að
mati Kristínar sýndi Inga að nákvæmlega allir geta haft áhrif á heiminn
á sinn hátt. Inga sá sjónvarpsviðtal við serbneska fjölskyldu í neyð. Inga
ákvað að hafa uppi á fólkinu og hjálpa því að komast til Íslands. Hún sýndi
hugrekki og frumkvæði í verki. Nái Possunt að safna meiru en þarf fyrir
útgáfu fyrstu tuttugu viðtalanna rennur afgangurinn til Grunnskólans í
Bolungarvík, þar sem skólastjóri er Soffía Vagnsdóttir, systir Ingu heitinnar.
Tilgangurinn er að koma á fót verkefni meðal barnanna til að leyfa þeim
að sjá hvernig þau með eigin frumkvæði geta haft áhrif á heiminn frá litlu
sjávarþorpi á Vestfjörðum.