Fréttablaðið - 14.12.2013, Blaðsíða 80

FÓLK|JÓLIN
Best er að þíða kalkúninn í kæli en það getur tek-ið tvo til fjóra sólarhringa. Ekki sakar að geyma fuglinn ófrosinn í kæli í tvo til þrjá daga til að
leyfa kjötinu að brjóta sig. Þá þarf hins vegar að gæta
þess að opna umbúðirnar og fjarlægja innmatinn sem
er í poka inni í fuglinum. Innmaturinn er síðar steiktur
og soðið notað í sósu.
RÍFLEG FYLLING
Algengast er að fylla kalkún en það er ekki nauðsyn-
legt. Hér er aðferð við að elda fylltan kalkún en ekki
verður farið í fyllinguna sjálfa enda úrval uppskrifta
mikið og hver og einn velur fyllingu eftir eigin smekk.
Fyllinguna má útbúa daginn áður og geyma í kæli og
einnig er hægt að útbúa sumar tegundir fyllinga enn
þá fyrr og geyma í frysti. Gott er að útbúa ríflegan
skammt af fyllingu og baka það sem ekki fer í fuglinn í
ofnföstu formi í 40-50 mínútur og bera síðan fram með
öðru meðlæti.
EKKI TROÐFYLLA FUGLINN
Áður en fuglinn er fylltur þarf að hreinsa hann, þerra
og nudda með hálfri sítrónu að utan og innan. Fyll-
ingin skal sett bæði inn í kalkúninn og undir skinnið
á hálsinum. Byrjað er að losa hálsskinnið að framan
með fingrunum og setja vænar smjörklípur undir
skinnið áður en fyllingin er sett þar. Síðan er saumað
fyrir gatið eða því lokað með tannstönglum eða
steikarprjónum. Einnig skal sauma fyrir hitt gatið eða
hnoða saman álpappír og setja í opið. Ekki skal troð-
fylla fuglinn og einnig gera ráð fyrir því að fyllingin
lengir steikingartímann. Að lokum er fuglinn nudd-
aður með salti og pipar og smjörklípur settar á hann
hér og þar.
40 MÍNÚTUR Á KÍLÓ
Þegar kalkúnn er steiktur er gott að
byrja á því að snúa upp á vængina
þannig að þeir vísi fram því þá verður
fuglinn stöðugri. Oft eru leggirnir bundnir
saman fyrir steikingu svo þeir standi ekki
út í loftið þegar kalkúnninn er borinn fram. Bringan á
fuglinum skal snúa upp þegar hann er steiktur.
Steikingartími kalkúns er miðaður við ákveðinn
mínútufjölda á hvert kíló og er miðað við 40-45 mín. á
hvert kíló við 150°C fyrir meðalstóran fylltan kalkún.
Eftir því sem kalkúnninn er þyngri getur þó þurft
styttri steikingartíma á hvert kíló. Sé kalkúnninn yfir
sjö kíló að þyngd er hægt að miða við 30 mín. á hvert
kíló. Best er að elda kalkúninn í lokuðum ofnpotti eða
á grind í ofnskúffu og breiða þá yfir hann álpappír.
Mælt er með notkun kjöthitamælis þegar kalkúnn
er steiktur. Kalkúnninn er tilbúinn þegar kjöthitastig
nær 72°C. Góð regla er að stinga mælinum í bringuna
og ef vökvinn sem rennur úr er glær er fuglinn til-
búinn. Gæta skal þess að mælirinn snerti ekki bein. Ef
þurfa þykir er tekið ofan af fuglinum og hann brún-
aður við 200-250°C þegar 15-20 mínútur eru eftir af
áætluðum steikingartíma. Nauðsynlegt er að ausa yfir
fuglinn nokkrum sinnum þegar líða fer á steikingar-
tímann. Ef fuglinn er fullsteiktur fyrir áætlaðan tíma
skal taka hann úr ofninum og vefja stykki utan um
steikarílátið en ekki geyma fuglinn inni í ofninum.
Heimild: Kalkúnn.is
ELDUN
Steikingartími kalkúna er miðaður við ákveðinn
mínútufjölda á hvert kíló og er miðað við 40-45
mín. á hvert kíló við 150°C fyrir meðalstóran fyllt-
an kalkún. Eftir því sem kalkúnninn er þyngri getur
þó þurft styttri steikingartíma á hvert kíló. Sé kalk-
únninn yfir sjö kíló að þyngd er hægt að miða við
30 mín. á hvert kíló.
KALKÚNNINN
STEIKTUR
JÓL Kalkúnn er einfaldari í eldun en marga grunar. Hér eru nokkrar grunn-
leiðbeiningar sem gott er að styðjast við í eldamennskunni.
Geitaostur er afar góður, hvort
sem hann er bakaður eða borð-
aður eins og hann kemur fyrir. Hér
er hann bakaður og borinn fram á
seljurót.
ÞAÐ SEM ÞARF:
1 seljurót
4 tsk. ólífuolía
gott salt og nýmalaður pipar
200 g geitaostur
1 msk. fljótandi hunang
4 kvistar rósmarín
2 msk. furuhnetur eða önnur fræ
Skerið seljurótina í 4 cm þykkar sneið-
ar. Leggið þær á bökunarplötu og pensl-
ið með ólífuolíu. Stráið salti og pipar yfir.
Bakið í ofni við 200°C í 25 mínútur. Þá er
ein sneið af geitaosti lögð ofan á hverja
sneið af seljurót. Dreifið hunangi yfir og
leggið rósmarín ofan á ásamt fræjum.
Bakið í 5 mínútur.
Berið fram með ristuðu brauði eða
salati. Hver sneið er 266 kaloríur.
GRATÍNERAÐUR GEITAOSTUR
Bakaður geitaostur er veislumatur.
Að elda kalkún er
tímafrekt en ekki erfitt.
NORDICPHOTOS/GETTY
JÓHANNES HAUKUR RÚNAR FREYR
STERKUR OG BRAGÐMIKILL
EN LÍKA MILDUR OG FROÐUKENNDUR
LAUGARDAGSMORGNA
FRÁ 9 TIL 12
Save the Children á Íslandi