Læknablaðið - 15.12.2003, Qupperneq 63

UMRÆÐA & FRÉTTIR / I N N F L U T N I N G U R SJÚKLINGA
/
Ll skipar starfshóp um innflutning sjúklinga
Eins og greint var frá í síðasta Læknablaði varpaði
Berglind Ásgeirsdóttir aðstoðarframkvæmdastjóri
OECD fram þeirri hugmynd á Lýðheilsuþingi í haust
að hægt væri að bjóða útlendingum upp á ákveðna
þjónustu hér á landi og skapa með því ný störf fyrir
lækna. Jón Kristjánsson heilbrigðisráðherra tók þess-
ari hugmynd vel en sagði að frumkvæði að útfærslu
hennar yrði að koma frá læknum.
Nú hefur Læknafélag Islands tekið þau Berglind
og Jón á orðinu og skipað starfshóp „um útflutning
heilbrigðisþjónustu með innflutningi sjúklinga“. í
samþykkt stjórnar LÍ frá 28. október er hlutverk
hópsins skilgreint þannig að hópnum sé ætlað að
„velta upp öllum hugsanlegum verkefnum, þar sem
útlendingum er á markaði boðin læknishjálp á íslandi
gegn greiðslu og
- greina lauslega mannaflaþörf og annan kostn-
að,
- gera grein fyrir fyrirliggjandi vinnuafli og að-
stöðu,
- athuga hverjir aðrir en læknar gætu verið þátt-
takendur í verkefninu,
- mæla fyrir um hvaða breytingar þyrfti að gera á
starfsumhverfi lækna með tilliti til laga og reglu-
gerða,
- meta hugsanleg áhrif á þá lögbundnu heil-
brigðisþjónustu sem veitt er hér á landi,
- meta hvort þörf er á „fríhöfn" og
- draga fram hugsanlega fjármögnunaraðila."
Hópurinn á einnig að raða verkefnum niður eftir
fysiieika og útfæra nánar dæmi, til dæmis með gerð
viðskiptaáætlana, í því skyni að auðvelda frekari
ákvarðanir um þróun verkefnisins. Loks á hópurinn
að gera tillögur um frekari aðgerðir LÍ þessu málefni
til framdráttar.
Margþætt verkefni
Formaður starfshópsins er Þórður Sverrisson en auk
hans eru í hópnum Birna Jónsdóttir, Guðmundur
Þorgeirsson, Sigurður Ásgeir Kristinsson og Þórður
Óskarsson. Ritari hópsins er Gunnar Ármannsson
framkvæmdastjóri LI. Auk þess skipar stjórnin þá
Sigurð E. Sigurðsson, Guðna H. Arinbjarnar og
Ingvar Þóroddsson á Akureyri til þess að gera sér-
staka úttekt á möguleikum Akureyrarsvæðisins í
þessu verkefni.
Stjórnin ákvað að LÍ skuli standa straum af öllum
kostnaði við þetta verkefni. Hún bendir á að auk
læknisfræðilegra þátta þurfi að kanna lagalegar, þjóð-
hagfræðilegar, heilsuhagfræðilegar, rekstrarfræðileg-
ar og markaðsfræðilegar hliðar verkefnisins. „Til
greina kemur að færa háskólakennurum og stúdent-
um hluta verkefnisins sem raunhæft kennsluverk-
efni,“ segir í samþykkt stjórnarinnar.
Starfshópurinn á að skila áfangaskýrslu til stjórnar
LÍ fyrir 1. júm'2004.
Hvað telst „óbærileg"
töf vera löng?
Árið 1998 felldi Evrópudómstóllinn
fyrsta úrskurðinn af mörgum sem
heimila fólki að leita læknisþjónustu í
öðrum löndum ef bið eftir henni í
heimalandinu verður „óbærilega“
löng („undue delay“ á ensku). Heil-
brigðisþjónusta er hins vegar undan-
þegin regluverki Evrópusambandsins
og á ábyrgð hverrar ríkisstjórnar.
Forysta ESB og ríkisstjórnir aðildar-
iandanna hafa því staðið í ströngu við
að koma einhverju skipulagi á það
hvernig fólk getur sótt þennan lög-
varða rétt sinn.
Eftir að fyrstu dómarnir féllu hef-
ur Evrópudómstóllinn fellt fleiri úr-
skurði þar sem réttur almennings er
skilgreindur nánar. Því hefur verið
slegið föstu að aðildarlöndin (þar
með talið Island vegna EES-aðildar-
innar) geti krafist þess að sjúklingar
leiti fyrst eftir heimild til þess að leita
þjónustu í öðru landi. Hins vegar er
stjórnvöldum ekki stætt á að hafna
slíkri beiðni nema þjónustan sé fyrir
hendi í heimalandinu án „óbærilegr-
ar“ tafar. Það sem hefur vafist fyrir
stjórnvöldum og embættismönnum
ESB er að skilgreina hvað teljisl vera
„óbærilegt" í þessu samhengi.
Nú hefur verið skipaður starfs-
hópur á vegum framkvæmdastjórnar
ESB sem í eiga sæti nokkrir heil-
brigðisráðherrar í álfunni. Hópurinn
á að ræða ýmsar hliðar þessa máls,
svo sem samstarf Evrópuríkja þvert á
landamæri, upplýsingagjöf til sjúk-
linga, heilbrigðisstarfsmanna og for-
ystumanna í heilbrigðismálum, að-
gang að þjónustu og gæði hennar og
loks samræmingu á skuldbindingum
Evrópuríkja. Reyndar bættu nefnd-
armenn sjálfir við tveimur umræðu-
efnum: hreyfanleika heilbrigðis-
starfsmanna og sjúklinga og áhrifum
stækkunar ESB til austurs.
Hópurinn á að skila áliti 8. desem-
ber og er búist við tillögum í allt að 20
liðum. Skýrslan verður rædd í fram-
kvæmdastjórninni og aðildarríkjun-
um fram á vor og hún verður áreiðan-
lega ofarlega á baugi fundar heil-
brigðisráðherra ESB sem haldinn
verður í maí.
Meðan skriffinnarnir athuga sinn
gang er hins vegar margt að gerast og
sjúklingar leita í vaxandi mæli út fyrir
landamæri eftir heilbrigðisþjónustu.
Þetta á ekki hvað síst við um lönd
sem deila landamærum á meginlendi
álfunnar, lönd eins og Frakkland,
Þýskaland, Belgía og Holland en á
Norðurlöndum hafa sjúkrahús brugð-
ist við með því að sérhæfa sig á til-
teknum sviðum í því skyni að geta
náð til sín sjúklingum utan upptöku-
svæðis síns. Með því móti geta þau
fjölgað aðgerðum og réttlætt fjárfest-
ingar í dýrum og sérhæfðum tækja-
búnaði.
Þá hafa bresk heilbrigðisyfirvöld
gert samning við belgísk stjómvöld um
að þau síðamefndu taki sjúklinga til
meðferðar gegn gjaldi sem tekur mið
af aðstæðum í Belgíu. Mörg önnur ríki
íhuga nú að gera slíka samninga.
(Byggt á frétt úr tlie Parliament magazine,
17. nóvember 2003)
Læknablaðið 2003/89 979