Læknablaðið - 15.10.2012, Page 40
UMFJÖLLUN O G GREINAR
Líffærafræðitími veturinn 1944
Þorkell Jóhannesson, Tryggvi Asmundsson
Myndin er tekin í stofu XI í aðalbyggingu Háskóla íslands
þar sem 9 læknanemar sitja í kennslustund hjá prófessor
Jóni Steffensen (1905-1991). Hér er horfst í augu við liðna
tíð og hugað að prófi. Venja var að læknanemi settist í
fremstu röð ef hann ætlaði að ganga undir fyrsta hluta
próf í læknisfræði innan skamms, þetta var einskonar
yfirlýsing af hálfu nemandans og tækifæri til að æfa
sig í að segja frá og ræða við prófessor Steffensen. Tók
prófessor Jón þá gjarnan upp til þess að kanna kunnáttu
þeirra. Steffensen kenndi líffærafræði og svæðalýsingar
líffæra ásamt lífeðlisfræði og lífefnafræði og hafði árum
saman með höndum nær alla kennslu í fyrsta hluta í
deildinni. Kennsla hans var því ómanneskjulega mikil í
nútímaskilningi.
Ljósmyndari tímaritsins „Life" tók myndina árið 1944 í kennslu í Háskóla íslands. Hjalti Þórarinsson (1920-2008) situr á
fremsta bekk og Snorri Páll Snorrason (1919-2009) á öðrum bekk. Á aftasta bekk teljum við vera, taliðfrá vinstri: Ragnhildur
Ingibergsdóttir (1923), Jónas Bjarnason (1922-1998), Stefán Haraldsson (1922-1996), fjórða manninn þekkjum við ekki, Jakob
Jónasson (1920-2003) og Stefán P. Björnsson (1919-1999). Sjötta manninn þekkjum við ekki en giskum á aðgæti verið Þorsteinn
Árnason (1923-1965). Gott væri efglöggir kollegar gætu bætt hér um. Myndin er úr safni Friðþórs Eydal og hefur ekki birst áður
opinberlega.
544 LÆKNAblaðið 2012/98