Þjóðlíf - 01.03.1986, Blaðsíða 34

Allt þetta eru heldur gáleysislegar vangaveltur;
Davíö verður efstur á lista Sjálfstæðisflokksins í
komandi borgarstjórnarkosningum og verður
/ áfram borgarstjóri, ef flokkurinn heldur meirihluta
sínum. Litlar líkur eru á að andstæðingar flokks-
ins gangi samhentir til kosninga; þeir verða helst
að vonast eftir að svipuð atburðarás komi upp og
1978: að kjósendur grípi tækifærið til að kjósa
gegn óvinsælli ríkisstjórn.
I framtíðinni getur einkum tvennt
ógnað meirihluta Sjálfstæðisflokksins
í Reykjavík: að Davíð Oddsson verði
kallaður til þing- og formennsku og
að andstæðingar flokksins nái saman
um valkost.
Fyrir andstæðinga Sjálfstæðisflokksins er var-
hugavert að treysta á slíkar tilviljanir. Valdaferill
Sjálfstæðisflokksins í Reykjavík í rúmlega hálfa
öld sýnir, að flokkurinn býr yfir mikilli aðlögunar-
hæfni og hefur átt fremur auðvelt með að koma til
móts við nýjar kröfur, nýjar kringumstæður. Enn
sem fyrr er meirihluti í borgarstjórn einn helsti
hornsteinn Sjálfstæðisflokksins og lykilstöðu
flokksins í íslenskum stjórnmálum. Þetta vita
Sjálfstæðismenn mæta vel. Þeir munu því tefla
fram til embættis borgarstjóra eins hæfum fram-
bjóðanda og frekast er kostur - Davíð Oddssyni
áfram eða einhverjum öðrum, t.d. Ólafi B. Thors,
fyrrum borgarfulltrúa er naut mikilla vinsælda og
virðingar meðal Sjálfstæðismanna. Það er því
ráðlegra fyrir andstæðinga Sjálfstæðisflokksins
að treysta fremur á sjálfa sig en mistök Sjálfstæð-
isflokksins í Reykjavík.
Heimildir sem vitnað er til í texta;
Birgir Kjaran: .Ólafur Thors.* Landsmálafélagið Vörður40
ára. Afmælisrit. Rvk. 1966.
Blað Sjálfstæðismanna í Bakka- og Stekkjahverfi, 1 ,tbl.2.árg.
(janúar 1986).
Landsmálafélagið Vörður25ára. Afmælisrit. Rvk. 1951.
Matthías Johannessen: ÓlafurThors ll.bindi. Rvk. 1981.
Ólafur Egilsson (annaðist útgáfuna): Bjarni Benediktsson í
augum samtíðarmanna. Rvk. 1983.
Ólafur R. Einarsson og Einar Karl Haraldsson: Gúttóslagur-
inn. 9. nóvember 1932. Rvk. 1977.
Ólafur Ragnarsson: GunnarThoroddsen. Rvk. 1981.
Dr. Svanur Kristjánsson er dósent í stjórnmálafræði við
Háskóla íslands.
ALLAR GERÐIR SKRIFSTOFUHÚSGAGNA
LEITIÐ
NÁNARI
UPPLÝSINGA.
SENDUM UM ALLT
LAND
SÉRVERSLUN MEÐ
SKRIFSTOFUHÚSGÖGN.
Á. GUÐMUNDSSON
Húsgagnaverksmiðja, Skemmuvegi 4, Kópavogi, Sími 73100
34 ÞJÓÐLÍF