Þjóðlíf - 01.07.1988, Blaðsíða 15

INNLENT
Náttúran
Ferðamenn tollaðir
Ferdamenn á leið um Norðausturland hafa
kvartað undan gjaldtöku fyrir sturtubað í
Ásbyrgi. í Mývatnssveit er fyrirhugað að
taka gjald af ferðamönnum sem skoða vilja
fagra staði í sveitinni. í sumar hefur borið
mun meira á íslenskum ferðamönnum en er-
lendum á hefðbundnum ferðamannastöðum
norðanlands.
Eitt af því sem óneitanlega hefur vakið at-
hygli ferðamanna íslenskra sem eru á ferða-
lagi um „eigið land“ erhin margvíslega gjald-
taka sem tekin hefur verið upp víða á vinsæl-
um ferðamannastöðum. Þjóðlífi bárust þær
fréttir úr Ásbyrgi að túristum einhverjum
hefði þótt heldur súrt í broti að þurfa að
greiða fyrir að þvo af sér ferðarykið í sturtu á
tjaldsvæðinu þar. Samkvæmt upplýsingum
Sigrúnar Barkardóttur, landvarðar í Ás-
byrgi eru þar nokkurskonar sjálfsala-sturtur,
sem fólk þarf að kaupa sér sérstaka mynt til
að komast í. Myntin kostar 75 krónur og það
er ekki fyrr en myntin er sett í slíðrið, sem
þægilega heitt vatn fer að renna úr sturtunni.
En sælan stendur þó ekki lengi, því eftir 5
mínútur skrúfar sturtan fyrir sig sjálf, og ef
viðkomandi er enn með næringuna í hárinu,
verður hann að gjöra svo vel og kaupa aðra
mynt fyrir 75 krónur. Það getur sem sagt
kostað fólk 150 krónur að fara í almennilegt
bað.
Það er ekki undarlegt þó einhverjum Is-
lendingnum, sem er vanur því að bruðla með
heita vatnið, bregði ónotalega við slíkar
hömlur. Aðspurð, sagði landvörðurinn í Ás-
byrgi að þetta væri gert vegna þess að mikill
kostnaður lægi í rekstri tjaldsvæðanna og
þeirri þjónustu sem boðið er uppá í Ásbyrgi,
og allt vatn þarf að hita þar með rafmagni
sem er mjög dýrt. Ekki hefði borið mjög
mikið á því að íslenskir ferðamenn kvörtuðu
yfir þessu dýra baði, en brögð hafa verið að
því að útlendingar taki frekar þann kost að
þvo sér hálfgerðum kattarþvotti við vask-
ana, nú eða jafnvel að baða sig undir kalda-
vatnskrana, sem er staðsettur við sturturnar í
þjónustumiðstöðinni. Það er semsagt ekki
nóg með að fólk þurfi að greiða fyrir tjald-
stæðin, sem kosta 150 krónur yfir nóttina
fyrir manninn auk 150 króna fyrir tjaldið.
Á öðrum vinsælum ferðamannastað á
Norðausturlandi, í Mývatnssveit, þarf einnig
að greiða fyrir aðgang að sturtunum, en þar
getur fólk þó komist að skaplegri kjörum.
Þar þarf að borga um 50 krónur fyrir sturtu-
baðið, en því gjaldi fylgir sá lúxus, að engin
tímatakmörk eru sett á veruna í sturtuklef-
anum. Fólki er frjálst að vera í baðinu allan
daginn, ef þeir kjósa.
í samtali við sveitarstjórann í Mývatns-
sveit, Jón Pétur Líndal kom fram, að Mý-
vatnshreppur er að fara í gang með tilraun til
þess að selja ferðamönnum aðgang að fögr-
um, vinsælum, stöðum við Mývatn. Tilraun-
in hefst á einum af fegurstu reitum við Mý-
vatn, sem er í eigu Mývatnshrepps. Þetta er
svonefndur Höfði, en þar er meðal annars
mikil blóma og trjárækt. Þar hefur hreppur-
inn starfsmann, sem hefur eftirlit með staðn-
um og hreinsar til, plantar út blómum og
lítur eftir öllu. Þarna hafa líka verið lagðir
göngustígar, komið upp kömrum og þess
háttar. Nú til þess að fá inn peninga til að
standa straum af þessum kostnaði hefur
hreppurinn ákveðið að selja aðgang að
Höfða. Frá því um miðjan júlí kostar það
fólk 50 krónur að fá að ganga um Höfða og
njóta náttúrufegurðar hans og friðar. Fólk
getur dvalið á svæðinu, borðað nestið sitt og
haft það náðugt þarna allan daginn, en
klukkan 8 á kvöldin er hliðinu læst og miða-
sölumanneskjan heldur heim á leið. Jón Pét-
ur sagði að mikill áhugi væri á því í hreppn-
um að koma slíku gjaldi upp á fleiri stöðum
við Mývatn, þetta væri bara byrjunin.
Annars er allt gott að frétta úr ferðabrans-
anum á Norðausturlandi. Veður hefur verið
með ágætum það sem af er sumri, og í Ás-
byrgi og þar í kring hafði orðið mikil fjölgun
ferðafólks frá því í fyrra. Það lítur einnig út
fyrir að íslendingar séu farnir að ferðast
meira um landið sitt en áður, því að á báðum
þeim stöðum sem Þjóðlíf hafði samband við,
hefur átt sér stað áberandi fjölgun íslenskra
ferðamanna, en þeim útlendu hefur hins
vegar heldur fækkað.
MS
15