Þjóðlíf - 01.07.1988, Síða 76

UPPELDI
— Með þessu starfi okkar viljum við gera
uppeldisstarfið áþreifanlegra. Með réttri
hönnun starfs og aðstæðna á dagvistarheim-
ilum er hægt að leyfa öllum þáttum að njóta
sín, og það teljum við mjög nauðsynlegt, en
hefur alls ekki verið tekið nægilega mikið
tillit til. Með réttri hönnun allra aðstæðna er
t.d. hægt að koma í veg fyrir ýmis hegðunar-
vandamál.
— Samfélag okkar hefur breyst mikið og
er komið langan veg frá gamla náttúrusamfé-
laginu og orðið í raun manngert samfélag.
Að sjálfsögðu byggist uppeldisstarfið á
gömlum grunni og hið eðlilega móðurhlut-
verk er mjög nauðsynlegt, en það dugar ekki
eitt og sér lengur. Með breyttu samfélagi
þarf að kunna til verka í þessu starfi sem og
öðrum. Meðvituð sköpun bvggist á ákveð-
inni þekkingu og kunnáttu. Islendingar vilja
ekki horfast í augu við þessa breyttu tíma, en
þörfin hefur skapast og það þarf að sinna
henni.
— Það er ófært að fagleg ráðgjöf sé tengd
rekstri dagheimilis. Það þarf að vera hlut-
laus, óháður aðili sem sér um ráðgjöfina ef
góður árangur á að nást. Þetta er nákvæm-
lega sama og gert er í ýmsum iðnaðar og
verslunarfyrirtækjum. Þar þykir það sjálf-
sagt mál að utanaðkomandi aðili sé fenginn
til að gera úttekt á rekstri og starfsemi fyrir-
tækisins og koma með tillögur til úrbóta. Því
þó dagvistarfyrirtæki geti ekki sýnt fram á
arðsemistölur í beinhörðum fjárupphæðum
árlega þá geta þau orðið arðbærustu fyrir-
tækin okkar þegar fram í sækir. Og okkur
ber að hlúa að þeim sem slíkum. Þörfin fyrir
faglega ráðgjöf hefur sýnt sig mjög greinilega
og viðurkenning á nauðsyn hennar mun ör-
ugglega koma í náinni framtíð.
María Sigurðardóttir
TABAC ORIGINAL
Sígildur ilmur
fyrir alla herra alstaðar..