Þjóðlíf - 01.06.1989, Qupperneq 13

INNLENT
almcnnt með flokkana eða eru það aðrar
þjóðfélagsbreytingar sem valda hér um?
— Það eru fyrst og fremst þjóðfélagsbreyt-
ingar sem valda þessu. Félagsstarfsemin í
þjóðfélaginu er orðin miklu meiri. Flokkarn-
ir héldu úti miklu félagsstarfi þar sem fólk
fékk almenna félagslega útrás. í lokuðu fjöl-
miðlaþjóðfélagi þess tíma kom fólk á fundi
til að komast í persónulega snertingu við
stjórnmálamenn og fá upplýsingar. Núna fá
menn upplýsingar mörgum sinnum á dag í
fréttum, — menn sækja ekki lengur upp-
lýsingar til stjórnmálaflokkanna. Fólk hefur
stjórnmálamenn meira og minna inni í stofu
hjá sér. Þetta gerir það að verkum að flokks-
starfið breytist smám saman og það væri for-
tíðarhyggja að horfast ekki í augu við þá
þróun.
Sjálfstæðisflokkurinn hefur verið að fást
við þennan vanda m.a. með endurmatsnefnd
og málefnanefndum þar sem óflokksbundnir
mega taka þátt í störfum. Er það ekki tím-
anna tákn?
— Jú við höfum verið að reyna að opna
flokkinn meira. Við finnum fyrir því að fólk
hefur vaxandi áhuga á að tengjast flokks-
starfi vegna áhuga á tilteknum málefnum og
því höfum við opnað nefndirnar með þessum
hætti. Á þeim vettvangi starfa um fimm
hundruð manns um þessar mundir. Við telj-
um að þetta hafi gefið góða raun.
Formaður og varaformaður hafa gefið út
tilkynningu um að þeir gefi kost á sér til
áframhaldandi forystu á næsta landsfundi.
Er það ekki óvenjulegur framgangsmáti —
eða eigið þið von á mótframboði?
— Það hafa enga tilkynningar verið gefnar
út heldur hefur spurningum fréttamanns
verið svarað í hreinskilni. Hins er svo að
gæta að kosningin á landsfundi er opin eins
og þú veist þannig að allir eru í framboði. Ég
hef í þau skipti sem ég hef gefið kost á mér til
endurkjörs verið spurður um hvort ég gæfi
kost á mér. Það er því ekkert óvenjulegt við
þessa yfirlýsingu.
Þú skrifar fastar greinar, sem birtast á
laugardögum í Morgunblaðinu. Er það ekki
nýjung um formann Sjálfstæðisflokksins og
er það til marks um friðsamlega sambúð
flokks og blaðs — Morgunblaðið orðið aftur
hreint flokksmálgagn?
— Það er ekki einsdæmi, t.d. skrifaði
Bjarni Benediktsson greinar um hverja
helgi, Reykjavíkurbéfin. Okkur í flokknum
finnst Morgunblaðið ekki vera mikið flokks-
málgagn. Ég skrifa einfaldlega þessar grein-
ar og er mjög ánægður með viðbrögð við
þessum skrifum, ekki síst innan flokksins.
Þetta á sinn þátt í að styrkja tengsl forystunn-
ar og flokksfólksins og auk þess hef ég gam-
an af að skrifa.
Eimreiðarhópurinn hefur verið talinn
sterkur bakgrunnshópur formannsins og
menn úr honum orðið valdamiklir í íslenska
þjóðfélaginu. Hittist þessi hópur ennþá?
— Já, já hann gerir það. Hann tekur hins
vegar engar ákvarðanir heldur er nú orðið
hinn ágætasti saumaklúbbur eftir að Eim-
reiðin hætti að koma út. í umtalinu hefur
hann hins vegar fengið mun meiri áhrifamátt
en raunveruleikinn segir til um. Okkur líkar
það vel.
Oft hefur verið haft á orði að hagsmunir
neytenda í þéttbýli og hagsmunir framleið-
„Ég hefði þess vegna alveg
getað tekið þátt í að reyna að
mynda stjórn eftir
nýsköpunarmynstri... meðan
Svavar Gestsson var enn
formaður, vegna þess að
hann er fulltrúi þeirra afla í
Alþýðubandalaginu sem
byggja á trausti og heilindum “
enda á landsbyggðinni togist þannig á að geti
splundrað flokki eins og Sjálfstæðisflokkn-
um. Varaþingmaður flokksins í Reykjavík,
Jón Magnússon, hefur skrifað harðorðar
greinar þar sem hann teflir fram neytenda-
sjónarmiðum og gagnrýnir flokkinn fyrir
þjónustulund við „status quo“ í landbúnað-
armálum, að Sjálfstæðisflokkurinn sé kerfis-
flokkur. Telur þú að hér sé um ósættanleg
sjónarmið að ræða?
— Ég tel það alveg fráleitt sjónarmið. Það
er meginhlutverk á hverjum tíma að sætta
sjónarmið framleiðenda og neytenda. Það
verður alltaf togstreita þarna á milli. Ekki
endilega pólitísk togstreita. Ég held að eng-
inn flokkur fremur en Sjálfstæðisflokkurinn
geti tekist á við það verkefni að standa að
almennri efnahagsstjórn þannig að eðlileg
sátt takist þarna á milli. Við höfum oftar en
einu sinni tekist á við alvarleg vandamál í
landbúnaðinum og það stendur ekki á Sjálf-
stæðisflokknum að gera það. Flokkurinn er
auðvitað breiðfylking eins og við töluðum
um áðan og er enginn einstefnuhópur fyrir
einhvern einn hagsmunahóp í þjóðfélaginu.
Auðvitað koma svo talsmenn sérhagsmuna
fram í blöðum eins og vera ber.
Fylgi flokksins í þéttbýlinu samkvæmt
áðurnefndum skoðanakönnunum er mun
meira en á landsbyggðinni. Breytir það í ein-
hverju áherslum flokksins — eða mun það
leiða t.d. til þess að þú hvetjir Davíð Oddsson
borgarstjóra til að bjóða sig fram til þings?
— Mér finnst það mjög eðlilegt og er þess
hvetjandi burtséð frá niðurstöðum skoðana-
kannana. Ég vil að Davíð komi til liðs við
okkur á þingi. Mér finnst það sjálfsagt mál.
Það hafa fyrri borgarstjórar Sjálfstæðis-
flokksins gert og kominn tími til að Davíð
geri það líka. Fylgi flokksins hefur hefð-
bundið verið meira í þéttbýli en á lands-
byggðinni og engin nýmæli að koma fram þar
að lútandi.
Stefnir Sjálfstæðisflokkurinn að því að
mynda einn ríkisstjórn að afloknum næstu
kosningum?
— Við höfum verið víðs fjarri því að ná
slíku fylgi. Hins vegar getur verið að þessar
aðstæður séu að breytast talsvert, ekki síst
eftir yfirlýsingu Ólafs Ragnars um að stjórn-
in stefni á að sitja áfram. Og Páll Pétursson
hefur talað um áframhaldandi samstarf þess-
ara flokka, — manni sýnist að þessi gömlu
Möðruvallatengsl úr Framsókn séu þar
greinilega ofan á og um leið í forystu í Al-
13