Fréttatíminn - 23.01.2015, Page 8

É g vildi skoða hvernig fegurð umhverfisins í borginni hefur áhrif á gæði
hjólaferða til og frá vinnu,“ segir
Harpa Stefánsdóttir arkitekt sem
nýlega varði doktorsverkefni
sitt í skipulagsfræðum við Um-
hverfisháskóla Noregs (NMBU).
Í rannsókn sinni skoðaði hún
hvernig einkenni í borgarrýmum
hafa áhrif á upplifun fólks sem
hjólar í samgönguskyni og hvern-
ig fegurð spilar inn í þá upplifun.
„Allar skipulagshugmyndir eru í
raun afsprengi hugmynda okkar
um lífsstíl,“ segir Harpa. „Hjól-
reiðar sem samgöngumáti styðja
við hugmyndir um sjálfbærni
borga á margan hátt og hafa
mikla kosti í skipulagslegu sam-
hengi. Þar sem hjól taka minna
pláss en bílar má smám saman
nýta land betur, gera borgarrým-
in fallegri og hentugri til útiveru
og stytta vegalengdir eftir því
sem byggð og þjónusta þéttist.“
Gróður, nálægð við náttúru og
kyrrð mest metin
Harpa segir það vandasamt verk
að fjalla um fegurðarupplifun þar
sem hún sé tilfinningalegs eðlis
og persónubundin. „Fegurðar-
upplifun hefur lítið verið skoðuð
áður í sambandi við samgöngu-
hjólreiðar. Tengt borgarhönnun
hefur í meira mæli verið fjallað
um hvernig gangandi upplifa um-
hverfið en oft er talað um mann-
legan mælikvarða. Ferðahraði
hefur hins vegar mikil áhrif á upp-
lifun og því er mælikvarði hinna
hjólandi annar,“ segir Harpa sem
byggir niðurstöður sínar á rann-
sóknum sem hún framkvæmdi í
Reykjavík, Þrándheimi og Óðins-
véum. „Niðurstöðurnar benda
til þess að fegurð umhverfis á
hjólaleiðum sé mjög mikilvæg en
einnig er mikilvægt að geta hjólað
með samfelldum hraða og þurfa
ekki að veita öðrum mikla athygli
svo sem á gatnamótum. Gróður,
nálægð við náttúru og kyrrð voru
mikils metin einkenni, á meðan
mjög bílmiðað og stórgert um-
hverfi dró verulega úr ánægju.
Því lengri hluti leiðarinnar sem
talin var fallegur og virkaði sam-
tímis vel, því hærri einkunn fékk
hún.“
Reykjavík frábær fyrir frí-
stundahjólreiðar
„Ég tel það áskorun fyrir skipu-
lagsfólk að reyna að tengja saman
leiðir sem hafa möguleika á að
vera góðar út frá fagurfræðilegu
sjónarmiði,“ segir Harpa, sem
sjálf hjólar frekar mikið. „Ég
hef verið allskonar tegund af
hjólreiðamanneskju og búið og
hjólað í þrem borgum. Þar sem ég
vinn oftast heima við á milli þess
sem ég fer til Noregs til að sinna
vinnunni hjóla ég aðallega í frí-
stundaskyni í dag og Reykjavík er
frábær borg til þess.“
Harpa kynnir niðurstöður sínar
í Ráðhúsinu klukkan 16 í dag,
föstudag.
Halla Harðardóttir
halla@frettatiminn.is
 Ferðalög Mikil Fjölgun FerðaManna hingað
Erlendir ferðamenn rúmlega 1,1 milljón
Erlendum ferðamönnum sem sótt
hafa Ísland heim á undanförnum
árum hefur fjölgað ævintýralega. Í
fyrra veltu menn því fyrir sér hvort
þeir næðu milljón en samkvæmt upp-
lýsingum frá ráðgjafarfyrirtækinu
NETINU og Visitor‘s Guide var það
gott betur, eða rúmlega 1,1 milljón
á nýliðnu. Þar segir að þegar birtar
séu tölur um komu erlendra ferða-
manna vanti nær alltaf tölur yfir
skemmtiferðaskip sem komi á aðrar
hafnir en Reykjavík, skútufarþega
og fleiri.
Í samantekt ráðgjafarfyrirtækis-
ins er heildarfjöldi ferðamanna árið
2014 sundurgreindur. Þar segir að
rúmlega 969 þúsund farþegar hafi
komið í Leifsstöð, sem er 24,1%
aukning miðað við síðasta ár. Þessu
til viðbótar hafi um 30 þúsund komið
með ferjunni Norrænu og í gegnum
aðra flugvelli.
Þá komu, segir enn fremur, tæp-
lega 105 þúsund farþegar með 90
skemmtiferðaskipum til Reykjavík-
ur. Aukningin milli ára var um 13,4%.
Um 95% skemmtiferðaskipa til lands-
ins hafa viðkomu í Reykjavík og því
er heildarfjöldinn um 110 þúsund.
Ekki eru taldar með áhafnir skip-
anna sem voru um 40 þúsund. Fjöldi
skútufarþega er síðan áætlaður um
eitt þúsund. -jh
Vinsældir Íslands sem ferðamannalands
hafa aukist ár frá ári. Ef allt er talið
komu hingað til lands rúmlega ellefu
hundruð þúsund ferðamenn í fyrra.
 SkiplagSMál ný doktorSrannSókn hörpu SteFánSdóttur arkitektS
Fegurð í borgum skiptir máli
Fegurð umhverfis á hjólaleiðum í borgum er mjög mikilvæg, samkvæmt nýrri doktorsrannsókn
Hörpu Stefánsdóttur arkitekts, en einnig nálægð við náttúru og kyrrð. Harpa, sem kynnir niður-
stöður sínar í Ráðhúsi Reykjavíkur í dag, föstudag, segir það vera það áskorun fyrir skipulagsfólk
að hanna hjólaleiðir í borginni út frá fagurfræðilegum sjónarmiðum.
Harpa Stefánsdóttir arkitekt og
doktor í skipulagsfræðum segir það
vera áskorun fyrir skipulagsfólk að
bæta ánægju hjólreiðafólks í borg-
inni. Nýleg rannsókn hennar sýnir að
upplifun hjólreiðafólks af umhverfinu
skiptir miklu máli. Ljósmynd/Hari
Láu hjartað ráða
Tómatvörurnar okkar eru unnar
úr lífrænum, dísætum tómötum
sem fá að þroskast til fulls á plönt-
unni. Enginn viðbættur sykur.
20%
afsláttur
Lyfjaauglýsing
Allar stærðir og styrkleikar
Gildir til 31. Janúar
FRÉTTIR ÚR DÁNARHEIMUM
Steinþór Þórðarson, prestur, ytur erindi í
Boðunarkirkjunni, Álfaskeiði 115, Hafnarrði,
sunnudaginn 25. Janúar kl. 16.
Flestir vilja vita hvað bíður þeirra þegar þeir
kveðja þetta líf. Biblían hefur að geyma mikinn
fróðleik um það sem bíður okkar handan við
móðuna miklu.
ALLIR VELKOMNIR.
8 fréttir Helgin 23.-25. janúar 2015