Fréttatíminn - 23.01.2015, Page 18

Guðrún
InGImarsdóttIr
G uðrún Ingimarsdóttir hefur sungið fjölmörg helstu kven-hlutverk óperusögunnar
en ætlaði ekki að verða söngkona.
Skólakórinn á Akranesi kom henni
á sporið og þegar hún sá Carmen á
sviði voru örlög hennar ráðin. Hún
byrjaði þó í lögfræði í Háskólanum
eftir stúdentspróf og dó næstum úr
leiðindum en ákvað þá að þreyta inn-
tökupróf í Söngskólann í Reykjavík.
Flutningur óperettutónlistar hefur
verið veigamikill í starfi Guðrúnar
í Þýskalandi og hefur hún sungið á
yfir á annað hundrað nýárstónleikum
vítt og breitt um Þýskaland, Austur-
ríki, Sviss og Ísland. Hún hefur
einnig í nokkur ár komið fram á tón-
leikum með afkomendum Strauss,
Eduard Strauss.
Dó næstum úr leiðindum
í lögfræði
„Ég var 18 ára þegar ég sá fyrstu
óperuna, Carmen. Það var mikil
upplifun. Ég tók ekki meðvitaða
ákvörðun að verða óperusöngkona,
það gerðist bara en ég var byrjuð að
syngja áður en ég gat talað. Ég var
í skólakórnum á Akranesi og söng
þar undir stjórn Jensínu Waage. Eftir
stúdentinn tók ég hliðarspor, byrjaði
í lögfræði í Háskólanum og dó næst-
um því úr leiðindum. Ég lét mig hafa
það að þreyta inntökupróf í Söngskól-
ann í Reykjavík og þegar ég stóð upp
á sviði og sá Garðar Cortes og Þuríði
Pálsdóttur leið næstum yfir mig,“
segir hún og skellihlær en inn komst
hún og nam við Söngskólann í 5 ár.
Haldið út í heim
„Þegar skólanum lauk ákvað ég að
fara til London og fékk söngkennara
sem fór illa með röddina, hann vildi
gera mig að hádramatískum sópran.
Ég þoldi ekki álagið, skipti um kenn-
ara en fann mig samt ekki í London.
Vinkona mín, Auður Gunnarsdóttir,
útvegaði mér áheyrn hjá yfirstjórn-
anda óperudeildar Tónlistarháskól-
ans í Stuttgart og ég komst inn. Ég
átti frábæran tíma í óperudeild tón-
listarháskólans í Stuttgart. Skólinn
var með aðgengi að fallegu litlu
leikhúsi þar sem við gátum spreytt
okkur í að leika í óperum og vinna
með hljómsveit. Við vorum í strangri
líkamsþjálfun, lærðum skylmingar
og gömul prímaballerína lamdi okkur
í rassinn ef við lögðum okkur ekki
fram,“ segir Guðrún.
Nekt í þýskri óperu
„Síðasta uppfærsla í óperu sem ég
tók þátt í snerist meira um nekt
heldur en söng og að ég færi úr sem
flestu. Leikstjórinn vildi á endanum
að ég færi úr brjóstahaldaranum. Ég
er íslensk víkingakona og læt ekki
segja mér hvað sem er. Trendið með
nekt í óperunni er sem betur fer
ekki byrjað á Íslandi en hefur verið
við lýði í Þýskalandi í einhvern tíma.
Ég hef varist þessu með kjafti og
klóm ef það þjónar ekki sögunni,
heldur leikstjóra sem skortir hug-
myndir, eða heldur að hann geti
frekar vakið athygli með því að
láta söngvarana spranga nakta
um sviðið.
Í óperunni „Le Toreador“ þótti
leikstjóranum ég ekki nógu fá-
klædd eftir fyrstu sýningarnar.
Ég var tiltölulega fáklædd í upp-
hafi óperunnar en átti síðan að
fara í föt í pásunni. Ég stóð í bún-
ingsherberginu á sokkabuxunum
og heyrði að atriðið mitt var að
byrja. Ég þurfti því að stökkva inn
á sviðið fáklædd en í sokkabux-
unum og var í algjöru hláturskasti
þar sem mótsöngvarar mínir voru
að reyna að fylla í mitt skarð þar
sem ég kom svo seint inn á sviðið.
Ég veit ekki hvernig ég fór að því
að syngja því ég hló svo mikið.
Þetta var eitt af þessum fárán-
legum augnablikum í óperunni,“
segir Guðrún.
Við erum þjónar
Vinkona mín söng hlutverk Gildu
í Rigoletto nakin. Ef við neitum
þá sækja leikstjórarnir bara aðrar
söngkonur sem vilja syngja nakt-
ar. Ég þurfti að taka ákvörðun um
það hvar ég stend og ákvað að
gera bara það sem ég hef gaman
af. Við tónlistarfólk erum þjónar
og miðlarar tónlistarinnar fyrst
og fremst og það verður maður að
muna.
Síðasta uppfærslan snerist
meira um nekt en söng
Guðrún Ingimarsdóttir, söngdíva frá Hvanneyri, hefur búið í Stuttgart í Þýskalandi í 20 ár. Hún hefur
hlotið fjölda viðurkenninga og heiðursorðu Johann Strauss félagsins í Þýskalandi fyrir söng sinn. Heyrn
hennar skertist þegar hún fékk atvinnusjúkdóm söngvara, tinnitus. Hún lætur það ekki aftra sér og notar
jóga og hlaup til að halda góðri heilsu auk þess að ganga með ferðamenn inn á hálendi Íslands. Sam-
keppnin í söngheiminum er hörð. Síðasta uppfærsla í óperu sem Guðrún tók þátt í snerist meira um nekt
en söng. Leikstjórinn vildi á endanum að hún færi úr brjóstahaldaranum. Neiti söngkonurnar sækja leik-
stjórarnir aðrar sem syngja naktar.
Framhald á næstu opnu
Guðrún er uppalin á
Hvanneyri í Borgar-
firði. Hún stundaði
söngnám við Söng-
skólann í Reykjavík
undir handleiðslu
Elínar Óskar Óskars-
dóttur og lauk þaðan
námi með hæstu
einkunn. Guðrún hélt
síðan til Lundúna þar
sem hún stundaði
söngnám hjá pró-
fessor Vera Rozsa um
tveggja ára skeið. Hún
lauk framhaldsnámi
frá einsöngvaradeild
tónlistarháskólans í
Stuttgart, hjá hinni
heimsfrægu söngkonu
Sylviu Geszty og í
óperudeild skólans.
Meðal kennara hennar
voru Robin Bowman,
Janet Perry og Elly
Ameling.
Guðrún Ingimarsdóttir. „Ég tók ekki
meðvitaða ákvörðun að verða óperu-
söngkona, það gerðist bara en ég var
byrjuð að syngja áður en ég gat talað.“
Ljósmynd/Hari
18 viðtal Helgin 23.-25. janúar 2015