Fréttatíminn - 23.01.2015, Side 30

hefur verið kölluð ýmsum nöfnum
hérlendis og má þar helst nefna, auk
selfí-stangar, löngustöng og mont-
prik. Stangirnar runnu út fyrir jól
hérlendis líkt og annarsstaðar en
samkvæmt upplýsingum innkaupa-
stjóra símadeildar Elko seldust þar
um 500 stangir fyrir jólin, þar sem
sú ódýrasta kostar 2.900 kr.
Hraðfótur verður selfí-stöng
Reyndar kom stöngin fyrst á mark-
að á níunda áratugnum í Japan en
naut engra vinsælda heldur hlaut
þann heiður að vera kosin ein ónauð-
synlegasta uppfinning ársins 1985.
Hún féll í gleymskunnar dá allt þar
til kanadíski uppfinningamaðurinn
Wayne Fromm var á ferðalagi um
Ítalíu með dóttur sína og langaði til
að eiga myndir af þeim feðginum
saman, án þess að þurfa að biðja
um aðstoð ókunnugra. Hann útbjó
slíka stöng eftir heimkomuna og
fékk einkaleyfi á henni árið 2005.
Stöngina nefndi hann „Quik Pod“,
eða „hraðfót“, sem átti að aðgreina
hana frá hinum klassíska þrífæti
sem enginn nennti að burðast með
á ferðalögum. Fromm græddi ekki
mikið á uppfinningunni því árið
2005 voru auðvitað hvorki komnir
snjallsímar né samfélagsmiðlar
til að svala sjálfsmyndaþörf neyt-
endanna. Selfí-stöngin fór svo að
seljast með aukinni notkun snjall-
síma og nú eru framleidd hundruð
útgáfa af hraðfæti Fromms.
Ekki bara eintóm lukka
Selfí-stöngin vekur þó ekki lukku
hvert sem hún fer. Bretar eru til að
mynda orðnir svo pirraðir á stöng-
inni að þeir hafa bannað notkun
hennar á helstu fótboltavöllum
og tónleikastöðum landsins. New
York-búar segjast ekki komast
leiðar sinnar lengur um helstu al-
menningsrými borgarinnar fyrir
stöngum á lofti. Það getur vel verið
að símar og stangir auðveldi lífið á
ferðalögum, en á sama tíma minnka
þessar græjur líkur á ævintýrum,
sem ferðalög eiga jú að snúast um.
Með tilkomu snjallsímans týnumst
við ekki lengur á nýjum stöðum og
síðan hvenær var ekki hægt að biðja
bara næsta mann um að smella af
mynd?
Þegar Fromm fékk hugmyndina
að sinni stöng stóð hann víst á Ponte
Vecchio brúnni í Flórens. Brúin er
eitt elsta almenningsrými borgar-
innar og þar hafa heimamenn og að-
komumenn mæst á miðri leið, versl-
að og spjallað um daginn og veginn
í mörg hundruð ár. Það er því pínu
sorglegt til þess að hugsa að í dag
skuli aðkomumenn, í sínum eigin
snjallsímasápukúlum, fylla brúna,
vopnaðir selfí-stöngum svo þeir
þurfi nú örugglega ekki að tala við
neinn.
Halla Harðardóttir
halla@frettatiminn.is
Karoliina
taska
19.900,-
9.950,-
Suomi PRKL! Design, Laugavegi 27 (bakhús)
www.suomi.is, 519 6688
Finnska búðin
á Laugavegi!
Marimekko
náttkjóll
21.900,-
10.950
ÚTSALA
-30-70%
Nýtt!
Marimekko
kjóll
17.900,-
Marimekko
Taska
17.900,-Nýtt!
Ferðalög á
snjallsímatíma
Hvernig má það vera að ein ónauðsynlegasta uppfinning ársins
1985 í Japan hafi orðið ein sú vinsælasta í Bandaríkjunum,
Bretlandi og Íslandi árið 2014? Snjallsímar virðast hafa leyst úr
læðingi, að því er virðist, eðlislæga þörf mannsins til að mynda
sjálfan sig. Til að gera það í hóp þarf hann að eiga heitustu
græju ársins 2014, selfí-stöngina, sem líka hefur verið kölluð
hraðfótur, löngustöng og montprik. En stöngin vekur ekki lukku
hvert sem hún fer.
Þ að er óhætt að segja að selfí-ið hafi verið eitt af menn-ingarlegum undrum síðasta
árs. Allt í einu voru allir, undir öll-
um kringumstæðum, að taka selfí.
Eftir að snjallsímar urðu normið
fóru selfí-in eins og eldur í sinu um
samfélög alnetsins og árið 2013 náði
orðið sjálft að festa sig það vel í sessi
að það var valið orð ársins af Oxford
orðabókinni. Svo þegar þáttastjórn-
andinn Ellen tók stjörnum prýtt
selfí á Óskarnum í byrjun síðasta
árs, ætlaði allt um koll að keyra. Nú
var ekki nóg að taka bara selfí, held-
ur var hóp-selfí aðalmálið.
Elko seldi um 500 stangir í
desember
Það er þó einn galli við að taka sjálf-
ur hópmynd með sjálfum sér, hönd-
in er ekki nógu löng. Þar kemur
selfí-stöngin til sögunnar. Það má
eiginlega segja að stöngin sé svar
neytenda við selfí-geðveikinni því
hún sló öll sölumet á síðastliðnu ári
og einungis í Bandaríkjunum seld-
ust yfir 100.000 eintök í desember,
þar sem prikið var jólagjöf ársins,
líkt og í Bretlandi. Time tímaritið á
sennilega sinn þátt í vinsældunum
en það valdi stöngina eina bestu
uppfinningu ársins 2014. Stöngin
Ýmsar útfærslur af stönginni eru í boði
en svo er líka hægt að fá sér einskonar
hárbursta sem heldur á snjallsímanum;
sími, sími, herm þú mér...
Kanadíski uppfinningamaðurinn Wayne Fromm fékk hugmyndina að selfí-stönginni þegar hann stóð sem ferðamaður á Ponte
Vecchio brúnni í Flórens.
30 úttekt Helgin 23.-25. janúar 2015