Frjáls verslun - 01.11.2011, Síða 106

106 FRJÁLS VERSLUN 11. TBL. 2011
Þórður Guðmundsson, framkvæmdastjóri landsnets, segir að rekstur flutningskerf­
isins hafi gengið mjög vel á
ár inu og öll markmið varðandi
raforkugæði hafi gengið eftir.
„Fjárfestingar ársins voru
lág markaðar og áhersla lögð á
undir búning nýrra verkefna.
Samkvæmt útgönguspá verður
hagnaður af rekstri félagsins á
árinu, tekjur eru á áætlun og
rekstrarkostnaður nokkru lægri
en áætlað var. Fjármagnsliðir
eru viðamikil stærð í rekstri
landsnets og eru óhagstæðir
vegna þróunar verðbólgu á
árinu. Handbært fé frá rekstri
er hlutfallslega hátt og verður
nýtt til fjárfestinga næsta árs.
Fjárfestingar voru í lágmarki
og hafa aldei verið minni. Á
ár inu var hafinn undirbúningur
nýrra fjárfestinga og verða þær
um sex milljarðar á komandi
ári. Vonandi munu þær leggja
sitt af mörkum við að fá hjól
atvinnulífsins til að snúast.
Töluvert hefur verið horft til
aukningar rekstraröryggis í
svæð isbundnum kerfum og má
nefna þar öflugri tengingu milli
Bolungarvíkur og Ísafjarðar
með lagningu jarðstrengs en
fyrirhugað er að styrkja rekstr ­
aröryggi svæðisins enn frekar
með nýjum varavélum.
Alvarleg bilun varð á eldri
jarðstrengnum milli Nesjavalla­
virkjunar og Reykjavíkursvæð­
isins í lok ársins og kom sér
vel að nýr strengur hafði verið
tekinn í rekstur árið 2010 þar
sem vænta má að þrjár til
fjór ar vikur taki að gera við
bilunina.“
kostir og gallar háspennulína
Þórður segir að verulegar
breyt ingar hafi orðið á ár­
inu á áherslum varðandi
ný sköp un arverkefni sem
tengjast starf seminni. Þróun
nýrra há spennulína sem falla
betur að umhverfinu hefur
verið í vinnslu með norska
raforkuflutn ings fyrirtækinu
Statnett og hafa komið fram
nýjar lausnir sem minnka
sýni leika mastranna og eru
miklar vonir bundnar við þessa
vinnu. Sama gildir um tengi virki
framtíðarinnar en í sam vinnu
við íslenska arkitekta hafa verið
unnar áhugaverðar tillögur sem
eru verulega frábrugðn ar eldri
mannvirkjum og falla betur að
umhverfinu.
„Umræðan um háspennu­
línur og jarðstrengi fer stig­
vaxandi hér á landi sem annars
staðar. landsnet hefur lagt
ríka áherslu á að upplýsa um
áhrif þess að strengjavæða
flutnings kerfið þar sem tækni­
leg vandkvæði fyrir hæstu
rekstrar spennu yrðu umtalsverð
samhliða því að flutningsgjald­
skrá myndi margfaldast fljót­
lega. Þessi kostnaður myndi
fljót lega leggjast á heimilin
í landinu og allan atvinnu­
rekstur sem myndi sitja uppi
með verri samkeppnisstöðu. Til
að upplýsa um kosti og galla
háspennulína og jarðstrengja
var unninn sérstakur vefur um
þetta mál en reynt hefur verið
að gera þetta á eins hlutlausan
hátt og kostur er. Alþingi mun
ræða stefnu í þessum málum
á næsta ári en í ljósi þess hve
samfélagsleg áhrif þessa verða
mikil þykir okkur eðlilegt að
stjórnmálamenn taki af skarið
með ákvörðun sem þessa.“
Tilboðsmarkaður
Hvað varðar helstu verkefni
næsta árs segir Þórður að nokk­
ur stefnu­ og áherslubreyting
verði á starfsemi landsnets.
„Við munum kynna nýja lang­
tímastefnumótun varðandi
upp byggingu flutningskerfisins
sem tekur meðal annars mið af
rammaáætlun sem nýlega var
kynnt til sögunnar en fram að
þessu hefur landsnet ráðist í
stærri fjárfestingar í tengslum
við einstök verkefni tengd
stórnotendum. Við teljum mik­
il vægt að breyta þessu með því
að leggja almennari langtíma­
áherslur til grundvallar upp­
byggingu flutningskerfisins og
að koma skýrari skilaboðum á
framfæri við ýmsa hagsmuna­
aðila. Jafnframt munum við
„Fjárfestingar ársins voru lágmarkaðar og áhersla lögð á undirbúning nýrra verkefna. Samkvæmt útgönguspá
verður hagnaður af rekstri félagsins á árinu, tekjur eru á áætlun og rekstrarkostnaður nokkru lægri en áætlað var,“
segir Þórður Guðmundsson, forstjóri Landsnets.
Markmið varðandi raforkugæði gengu eftir
TexTi: HrUnd HaUKsdÓTTir / mynd: landsneT