Frjáls verslun - 01.11.2011, Qupperneq 123

FRJÁLS VERSLUN 11. TBL. 2011 123
Bækur
takast á við áskoranir og/eða
ný tækifæri og því er til mikils
að vinna fyrir leiðtoga að rækja
þetta mikilvæga hlutverk. Bókin
fjallar um hvað við getum gert
til að efla sjálfstraust okkar en
nýtist ekki síður þeim leiðtogum
sem rækja það hlutverk sitt að
efla starfsfólk sitt.
fiskurinn sem eykur starfs­
ánægju
Sýnt hefur verið fram á tengsl
starfsánægju og ánægju við -
skipta vina með fjölda rann-
sókna. Ánægðir viðskiptavinir
koma aftur og aftur og það er
því til mikils að vinna að stuðla
að ánægju starfsmanna. Í erfiðu
árferði verður erfiðara að halda
uppi starfsánægju vegna fjölda
utanað komandi þátta og því
verður enn meiri áskorun að
viðhalda starfsánægju. Í bókinni
Fiskur! eftir Stephen C. Lundin,
Harry Paul og John Christensen
er þetta skoðað. Þessi einfalda
hugmyndafræði byggist á sam­
nefndri bók sem er dæmisaga
um stjórnanda sem tekur við
erfiðri deild í fjármálastofnun og
hvernig honum tekst með hjálp
fisksala að breyta eitruðu and-
rúmslofti og neikvæðu viðhorfi
starfsmanna sinna til hins betra.
Einföld nálgunin gerir bókina
einstaklega aðgengilega og
prakt íska. Þeir stjórnendur sem
vilja bæta starfsánægjuna á
nýju ári ættu tvímælalaust að
skoða þessa bók.
Hvað heldur aftur af þér?
Oft er það svo að stjórnendur
vita hvað þeir eiga að gera en
af einhverjum ástæðum er eitt-
hvað sem heldur aftur af þeim.
Í bókinni What’s holding you
back skrifar Robert J. Herbold,
fyrrv. forstjóri Microsoft, um þá
þætti sem skilja sterka leiðtoga
frá þeim veikari. Auðvelt er
að segja að bókin sé fyrir alla
leið toga. Hún er sérstaklega
fyrir þá sem vilja efla hugrekki
sitt við ákvarðanatöku við
erfiðar aðstæður en höfund-
ur heldur því fram að helsti
styrkur stjórnenda sé að taka
skjótar og öruggar ákvarðanir
á ögurstundu. Í því felist kjarkur
og sterk leiðtogahæfni þar sem
rétta ákvörðunin er oftar en
ekki aðeins minna „slæm“ en
valkost urinn, fellur ekki alltaf í
kramið hjá öllum, skapar óvild
og gæti jafnvel orðið til þess að
stefna frama viðkomandi stjórn-
anda í hættu. Stjórnend um
hættir einnig til að skorta nauð -
synlegar upplýsingar til að geta
tekið ígrundaðar ákvarðanir.
sterk teymi – aukinn árangur
Five Dysfunctions of a Team eftir
Patrick Lencioni fjallar um þá
þætti sem stuðla að vanvirkni
hópa og hvernig stjórnandinn
getur brugðist við þeim og
þann ig aukið árangur teymisins.
Þótt bókin hafi komið út fyrir
meira en áratug er hún enn ein
sú allra besta í flokki bóka um
teymi og hvernig auka má árang­
ur þeirra. Bókin er fyrir löngu
komin í hóp klassískra stjórnunar-
og leiðtogabókmennta og ætti
að vera í bókahillu allra stjórn­
enda. Liðsmenn sterkra hópa
treysta hver öðrum, þeir taka
óhikað þátt í ágreiningi um hug­
myndir sem stuðlar að skuld­
bindingu gagnvart ákvörðunum
og aðgerðaáælunum. Þeir gera
hver annan ábyrgan gagnvart
því að standa við áætlanir og
einblína á að ná fram sameigin­
legri niðurstöðu frekar en að
einblína á eigin árangur.
í takt við auknar kröfur –
Handbók stjórnarmanna
Undanfarin misseri hafa hlut­
verk og skyldur stjórnarmanna
verið meira í umræðunni en oft
áður. Það vinnulag sem virðist
hafa viðgengist meðal sumra
stjórna á árunum fyrir hrun
hefur harðlega verið gagnrýnt
í samfélaginu og kallað á að
stjórn armenn axli ábyrgð á
gerðum sínum. Margir hafa
haldið því fram að ef skipaðar
stjórnir fyrirtækja hefðu rækt
lög bundið hlutverk sitt hefði
margt farið öðruvísi í aðdrag-
anda hrunsins 2008. Það er því
afar mikilvægt að þeir sem taka
sæti í stjórnum fyrirtækja séu
meðvitaðir um þá ábyrgð og
þær skyldur sem því sæti fylgja.
Handbók stjórnarmanna sem
gefin er út af KPMG er ítarlegur
og yfirgripsmikill leiðarvísir sem
tekur af öll tvímæli um hvað felst
í því mikilvæga hlutverki að sitja
í stjórn. Handbókin ætti að vera
til í hverju einasta stjórnarher­
bergi. Hún er hafsjór upplýs­
inga fyrir nýja sem reynda stjór­
narmenn og auðveldar þeim að
standa undir auknum kröfum
sem gerðar eru til þeirra.
spegill, spegill herm þú mér
…
Þær kröfur sem gerðar eru til
stjórnenda fyrirtækja í dag eru
meiri en áður. Oft á tíðum er
gerð sú krafa að stjórnendur
nái meiri árangri í dag en í
gær jafnvel þótt þeir hafi úr
færri auðlindum að moða. Óhjá-
kvæmilega kallar slíkt á aukið
álag, stjórnandinn vinnur fleiri
vinnustundir og hamast við að
halda hlutunum gangandi. Það
gerir það að verkum að hann
hefur ekki, eða gefur sér ekki,
tíma til að staldra við, líta yfir
sviðið og spyrja sig og starfs­
menn sína krefjandi spurninga
um reksturinn. Slík þróun kann
ekki góðri lukku að stýra og
getur orðið til þess að fyrirtæki
fljóti sofandi að feigðarósi. Í
bókinni What To Ask the Person
In the Mirror sér höfundurinn
Robert S. Kaplan stjórnendum
fyrir hagnýtum verkfærum í formi
krefjandi spurninga sem hjálpa
þeim að spyrna við fót um og
taka á ný stjórn í sínum rekstri.
egóið! dýrmætasta eignin
eða dragbítur?
Bókaárinu í Frjálsri verslun lauk
á athyglisverðri umfjöllum um
sjálfið og hvernig egóið getur
hamlað árangri stjórnenda og
starfsmanna. Efni bókarinn ar
Egonomics byggist á fimm ára
rannsóknum höfundanna, og
Stevens Smiths, á sjálfstrausti
stjórn enda og áhrifum þess á
m.a. ákvarðanatöku, samskipti,
úrlausn ágreinings og fleiri mikil-
væga þætti. Það er óumdeilt að
gott sjálfstraust er nauðsynlegt
til að ná þeim árangri sem fólk
hefur möguleika á að ná. Með
góðu sjálfstrausti opnast dyr
sem annars væru luktar eða
erfiðara væri að opna ef sjálfs-
traustið er lítið. Hins vegar get ur
hið títt um rædda sjálf tekið yfir
og farið út í öfgar í báðar áttir
og þar með haft nei kvæð áhrif
á hegðun og við brögð. Sjálfið
getur því bæði verið dýrmæt
eign og dragbítur og undir okkur
sjálfum komið að hafa stjórn á því
hvorum megin við lendum.
Bókin leggur áherslu á hina innri
áhuga hvöt sem er sú langsterk asta og
tekur fram peningum og viðurkenningu
annarra. Höfundur dregur á áhrifaríkan
hátt saman strauma og stefnur í rann ­
sóknum sem tengjast hvatningu svo
úr verður trúverðugt og hagnýtt rit og
engin tilviljun að bókin er fastagestur á
metsölulist um vestanhafs.
Sjö ástæður þess að hefðbund-
nar hvatn ingarleiðir (gulrótin og
vöndurinn) virka ekki:
1. Þær geta slökkt innri áhuga­
hvötina.
2. Þær geta leitt til lakari frammi­
stöðu.
3. Þær geta hamlað skapandi
hugsun.
4. Þær geta komið í veg fyrir
góða hegðun.
5. Þær geta gert það að verkum
að fólk freistast til að svindla,
stytta sér leið eða haga sér á
ósiðlegan hátt.
6. Þær geta orðið vanabindandi.
7. Þær geta ýtt undir skammtíma­
hugsun.
Úr bókinni Drive – The Sur­
prising Truth About What
Motivates Us.