Læknablaðið - 01.02.2015, Blaðsíða 40

108 LÆKNAblaðið 2015/101
U M F J Ö l l U n O G G R E i n a R
■ ■ ■ Hávar Sigurjónsson
Það er óhætt að segja að gleði hafi ríkt við
setningu Læknadaga í ár. Nýgerðir kjara-
samningar vekja von í brjóstum lækna um
viðsnúning í heilbrigðiskerfinu, sögðu þeir
báðir í ávörpum sínum, Gunnar Bjarni
Ragnarsson formaður Fræðslustofnunar LÍ
og Þorbjörn Jónsson formaður LÍ.
Við setningu Læknadaganna steig
Sverrir Jakobsson sagnfræðingur á stokk
og rakti í stórum dráttum áhrif hinna
ýmsu lækna á mannkynssöguna, en yfir-
skrift tölu hans var „Læknar í leiðtoga-
hlutverki“.
Sverrir gat þess reyndar í upphafi að
hann hefði ekki gert sér grein fyrir að
honum væri ætlað að vera aðalatriðið við
setninguna en kvaðst þó myndu gera sitt
besta til að skemmta viðstöddum. Hann
rifjaði síðan upp að nafnþekktir faraóar
Egypta voru sagðir læknismenntaðir að
þeirra tíma sið samkvæmt fornum heim-
ildum en löngu síðar hefðu hugmyndir
manna um lækningamátt konungborinna
breyst í þá veru að konungdómi fylgdi
sjálfkrafa lækningamáttur. Hefði verið
nokkur samkeppni milli konunga í Evrópu
á miðöldum um hver gæti læknað flesta
og skipti þá mestu máli að velja sjúka sem
líklegir voru til að ná heilsu hvort eð er.
Sverrir rakti feril fleiri lækna sem sátu við
stjórnvölinn um lengri eða skemmri tíma:
Che Guevara á Kúbu, Banda í Malaví,
Papa Doc (Francois Duvalier) á Haiti.
Sverrir sló botninn í erindi sitt með því
að bregða upp mynd af borgarstjóranum í
Reykjavík og norska forsætisráðherranum
fyrrverandi, Degi B. Eggertssyni og Gro
Harlem Brundtland, en þau eru bæði
læknismenntuð og mun það hafa reynst
þeim vel við stjórnmálaþátttökuna. Niður-
staðan er kannski sú að læknum lætur
betur að stjórna en láta að stjórn.
Dagskrá Læknadaganna var þéttskipuð
og að sögn Margrétar Aðalsteinsdóttur
framkvæmdastjóra Læknadaga sem um-
sjón hefur með skráningum gekk net-
skráning vel og greinilegt að margir nýta
sér veglegan afslátt sem fæst með skrán-
ingu á alla dagana fremur en borga fyrir
einstaka daga. Læknadagarnir íslensku
njóta alþjóðlegrar viðurkenningar sem
símenntunarþing og hvetur það lækna
eflaust enn frekar til þátttöku.
Læknadagar í ljósi
vonar um betri tíð
Sigrún Arnardóttir kvensjúkdómalæknir, Elísabet Arna Helgadóttir kven-
sjúkdómalæknir, Tómas Guðbjartsson hjartaskurðlæknir og Dagur B.
Eggertsson borgarstjóri.
Ásgeir Haraldsson barnalæknir og Gunnar Bjarni Ragnarsson krabbameinslæknir og formaður Fræðslustofnunar LÍ.
Jóhann Heiðar Jóhannsson meinafræðingur, Guðrún Hauksdóttir meinafræðingur, Þorbjörn Jóns-
son formaður LÍ og Birna Jónsdóttir röntgenlæknir og fyrrverandi formaður LÍ.