Læknablaðið - 01.02.2015, Blaðsíða 31

LÆKNAblaðið 2015/101 99
Kjarasamningar í höfn
■ ■ ■ Hávar Sigurjónsson
Kynningarfundur LÍ á nýgerðum kjarasamningi sem haldinn var á Hótel Natura föstudaginn 9. janúar er langfjölmennasti fundur í sögu læknafélaganna á Íslandi.
Varla hefur farið framhjá neinum að nýir
kjarasamningar Læknafélags Íslands
og Skurðlæknafélags Íslands við ríkið
voru undirritaðir 7. og 8. janúar. Ánægja
með nýju samningana virtist almenn í
báðum félögunum og var það enn frekar
staðfest í atkvæðagreiðslu en ríflega 91%
greiddra atkvæða féllu samningnum í
vil í kosningu LÍ og rúm 85% sögðu já í
atkvæðagreiðslu Skurðlæknafélagsins.
Skýrara getur það varla verið.
Samninganefnd LÍ átti sinn fyrsta fund
með samninganefnd ríkisins í maí 2014 og
lagði þar fram ítarlega kröfugerð sem mik-
il undirbúningsvinna hafði verið lögð í.
Er skemmst frá því að segja að samninga-
nefnd ríkisins leit varla á kröfugerðina en
bauð strax 2,8% hækkun launa og við það
sat allar götur þar til 27. október að verk-
fall lækna á sjúkrahúsum og heilsugæslu-
stöðvum var orðin staðreynd. Þegar rennt
er til baka yfir atburðarás síðustu mánuða
má glöggt sjá að ýmis met voru slegin og
skref stigin er ekki höfðu verið tekin fyrr.
Verkfallið var hið fyrsta í sögu LÍ og
SKÍ og hið fyrsta í sögu íslenskra lækna.
Yfir 95% þeirra lækna er greiddu atkvæði
um verkfallsboðunina sögðu já. Fjölmenn-
asti fundur í sögu Læknafélagsins var
haldinn.
Í minnisblaði Landlæknisembættisins
frá 20. janúar 2015 eru tölulegar upplýs-
ingar um áhrif verkfallsins. Páll Matthías-
son forstjóri Landspítala hefur sagt að
það muni taka spítalann góðan part úr
árinu að vinda ofan af þeim biðlistum sem
verkfallið skapaði. Eflaust, en varla datt
nokkrum manni í hug að verkfallið hefði
ekki áhrif. Þá hefði verið til lítils unnið.
Verkfallið og kjarabaráttan snérist um
launakjör lækna en í stærra samhengi
snérist það um að bjarga heilbrigðiskerf-
inu íslenska frá hruni. Landflótti og ekki
síður landótti íslenskra lækna vegna bágra
launa- og starfskjara er löngu þekkt stað-
reynd og þjóðin gerði sér grein fyrir að
heilbrigðiskerfið var undir í kjarasamning-
unum. Um þetta eru forystumenn lækna
sammála og segja ennfremur að samstaða
læknastéttarinnar í baráttunni allri hafi
verið algjört skilyrði þess að svo vel tókst
til og að forysta félaganna hvikaði hvergi
frá settu marki.
Þegar hillti undir að nýr samningur
væri að fæðast, færðist líf í ríkisstjórnina
sem fram að því hafði að því er virtist
haldið sig til hlés en óskaði nú eftir því að
læknafélögin skrifuðu undir sameiginlega
yfirlýsingu um endurreisn heilbrigðis-
kerfisins í kjölfar nýs kjarasamnnings.
Þessi yfirlýsing var svo undirrituð sam-
hliða kjarasamningi læknafélaganna við
ríkið og verður ekki annað sagt en að hún
lofi góðu; ef staðið verður við allt sem þar
er sett niður á blað ætti ekki að þurfa að
örvænta um íslenska heilbrigðiskerfið í
framtíðinni. Yfirlýsingin er undirrituð af
forsætisráðherra, heilbrigðisráðherra og
starfandi fjármálaráðherra, auk formanna
Læknafélags Íslands og Skurðlæknafélags-
ins. Hún tekur af öll tvímæli um góðan
vilja stjórnvalda til að efla heilbrigðiskerf-
ið, bæta launa- og starfskjör lækna svo þau
verði samkeppnisfær við nágrannalöndin,
byggja nýjan Landspítala, koma rafrænni
sjúkraskrá í gagnið og koma heilbrigðis-
kerfinu í það horf sem þjóðin vill að það
eigi að vera. Nú er bara að standa við stóru
orðin.