Frjáls verslun - 01.07.2005, Side 59

F R J Á L S V E R S L U N • 7 . T B L . 2 0 0 5 59
ustunnar og hefur víðtæka þekkingu á því sviði, auk þess að hafa
verið forstjóri stórs íslensks fyrirtækis. Þekking og reynsla Róberts
Trausta hérlendis og erlendis ásamt minni úr íslensku viðskiptalífi
teljum við vera góðan bakgrunn sem þarf til að veita vandaða og
góða þjónustu þeim stjórnendum og fjárfestum sem við stefnum að
því að þjóna bæði hérlendis og erlendis.“
Fóru vandlega yfir kaup og sölu fyrirtækja „Áður en við ákváðum
að hefja samstarf í Firma Consulting ehf. fórum við yfir fyrirtækja-
markaðinn, þ.e. hvernig staðið er að kaupum og sölum á fyrirtækjum
á Íslandi. Niðurstaða okkar var sú að hlutlausa aðila vantaði, sem
skilað gætu vandaðri þjónustu við meðalstór og stór fyrirtæki og
hefðu nægilega breiðan bakgrunn í menntun, reynslu og þekkingu
á rekstri fyrirtækja og erlendum samskiptum. Því ákváðum við að
hefja samstarf og leggja áherslu á þann markhóp. Jafnframt gerðum
við samstarfssamning við stórt fyrirtæki í milligöngu fyrirtækja
í Danmörku með samskiptanet á hinum Norðurlöndunum. Enn-
fremur munum við hefja samstarf við fyrirtæki í þessum geira á
austurströnd Bandaríkjanna,“ segir Magnús.
Róbert Trausti segir engin landamæri í viðskiptum þegar þeir
eru spurðir um áherslu á þjónustu við kaup og sölu fyrirtækja
erlendis: „Við getum aðstoðað fyrirtæki hér heima í fjárfestingum
innanlands og erlendis í gegnum okkar traustu samstarfsaðila, sem
eru stórir og virtir í sínum heimalöndum. Það er engin spurning að
mikil gróska er hér í viðskiptalífinu. Og sóknarhugur til útlanda, sem
við kjósum að nefna landnám fremur en útrás. Möguleikarnir eru
miklir erlendis. Við horfum einkum til Danmerkur og þá sérstaklega
til Kaupmannahafnar, sem ég þekki vel til eftir störf þar um árabil
sem sendiherra. Þá vil ég einnig nefna Eystrasaltslöndin þar sem
ég þekki til og tækifæri eru einnig mörg. Við leyfum okkur að telja
þessi svæði heimamarkað íslenskra fyrirtækja. Mörg spennandi
tækifæri eru einnig á austurströnd Bandaríkjanna.
Fyrirtæki okkar er sjálfstætt og óháð. Við ábyrgjumst trúnað og
fljóta og örugga þjónustu og erum þegar farnir að veita þá þjónustu
sem við sérhæfum okkur í. Get ég nefnt sem dæmi að við fengum fyr-
irspurn frá forstjóra fyrirtækis, sem veltir um einum milljarði króna
á ári, hvort við gætum fundið fyrirtæki í Danmörku, sem starfaði í
sama geira og það íslenska og væri áhugaverð fjárfesting. Það tók
okkur ekki nema einn sólarhring með aðstoð samstarfsaðila okkar
í Danmörku að finna fyrirtæki í Kaupmannahöfn, sem við töldum
henta fyrir þennan aðila. Er þegar hafin skoðun á þessum kosti.“
Trúnaður er mikilvægur Magnús og Róbert Trausti segja að trú-
naður þeirra við viðskiptavini sé mikilvægur og nauðsynlegur til að
ná árangri. Þeirra markmið verði að hafa fremur færri skjólstæðinga
en fleiri og sinna þeim síðan með markvissum og yfirveguðum vinn-
ubrögðum og í kyrrþey. „Við hófum í júlí að láta vita af okkar og
sendum út til fáeinna eigenda og stjórnenda fyrirtækja upplýsingar
um hvaða þjónustu við bjóðum upp á og létu viðbrögðin ekki á sér
standa. Var greinilegt á þeim hversu vel þegin sú þjónusta er, sem
við bjóðum upp á,“ segir Magnús
Róbert Trausti Árnason og Magnús Hreggviðsson, stofnendur Firma Consulting ehf.