Frjáls verslun - 01.11.2006, Qupperneq 20

FORSÍÐUGREIN • MAÐUR ÁRSINS
S
kotið við gluggann með gömlum sjónauka á þrífæti,
hægindastól eftir þekktan bandarískan arkitekt og andlit
af konu eftir Alfreð Flóka tekur sig vel út á stórri skrif-
stofunni. Útsýnið í allar áttir nýtur sín til hlítar. Úr þess-
ari byggingu er horft lengra en sjónauki dregur.
Þegar gluggað er í erlendar umfjallanir um Actavis
hefur ör stækkun félagsins – úr 100 manns 1999 í ell-
efu þúsund 2006 – vakið athygli. „En það er ekki endalaust hægt
að horfa á þessa fortíð,“ segir Róbert ákveðinn. „Nú er athyglin á
framtíðarsýn okkar.“
Þegar Róbert kom að Delta 1999, þá þrítugur að aldri, höfðu
verið átök milli lykilstjórnenda, en þáverandi stjórn Delta áleit
Róbert Wessman rétta manninn til að hnika rekstrinum í betra horf.
Delta hafði byggt myndarlega verksmiðju sem reyndist dýrari en
áætlað var. Það voru engir peningar til að greiða laun og Íslandsbanki
hafði tekið fyrir lánaviðskipti við fyrirtækið.
Deilurnar bárust jafnvel inn á fundinn þar sem átti að kynna Róbert
fyrir starfsmönnum svo á endanum steig hann fram og kynnti sig
sjálfur. Og það var ekki aðeins sýn nýja forstjórans sem fundarmenn
fýsti að heyra af – hann var líka spurður hversu gamall hann væri og
hvort hann væri giftur! En hvaða möguleika sá þá Róbert í upphafi?
„Delta átti góða verksmiðju og fyrirtækið var gott í að þróa ný
samheitalyf – þetta var vel gert en ég áleit að hægt væri að gera enn
betur með því að þróa fleiri lyf og fjárfesta í verksmiðjum þar sem
framleiðslukostnaðurinn væri lágur. Mitt fyrsta verk var að hóa
saman lykilstarfsmönnum, við eyddum nokkrum dögum á Hótel
Örk til að koma saman og kynna sýn fyrirtækisins: Ætlunin var að
stækka erlendis, efla þróunarhlutann og fjárfesta í sölukerfi – síðan
hefur þetta verið kapphlaup.
Sjálfur trúði ég á að Delta gæti orðið öflugt alþjóðlegt félag en af
því að horfurnar voru sannarlega ekki bjartar hafði ég ekki hátt um
þetta í byrjun: þetta var einfaldlega of brjálæðislegt!
Samkeppnin í samheitalyfjageiranum er gríðarleg, til þess að halda
sjó er nauðsynlegt að vera með mörg lyf í þróun. Þegar ég tók við
störfuðu tuttugu manns í lyfjaþróun, nú eru þeir 800, 330 verkefni
Actavis stefnir að því að verða þriðja stærsta samheitalyfjafyrirtæki í heimi
• Ávöxtun í Actavis hefur verið 59% á ári síðan árið 1999 • Yfirtökurnar eru
orðnar 25 og ellefu þúsund starfsmenn Actavis eru að störfum í 32 löndum.
Mikill hraði einkennir starfsemina. „Okkur liggur á,“ segir Róbert Wessman.
„OKKUR LIGGUR Á“
Róbert Wessman, forstjóri Actavis Group, er maður ársins í íslensku atvinnulífi árið 2006, að mati dómnefndar Frjálsrar verslunar. Hann
hlýtur þennan heiður fyrir einstakan árangur við að
stækka fyrirtækið, athafnasemi, djarflega framgöngu
við yfirtökur á erlendum fyrirtækjum og framúrskarandi
ávöxtun til hluthafa á undanförnum árum.
Þegar Róbert var ráðinn forstjóri lyfjafyrirtækisins
Delta í Hafnarfirði árið 1999, þá þrítugur að aldri, störf-
uðu 100 manns hjá fyrirtækinu. Núna eru ellefu þúsund
starfsmenn Actavis að störfum í 32 löndum. Arðsemi
Actavis hefur verið 59% á ári að jafnaði frá árinu 1999
sem auðvitað er einstök ávöxtun. Yfirtökurnar eru
orðnar 25 talsins í tíð Róberts, þar af þrjár á síðustu
fjörutíu dögum.
Actavis Group er núna fjórða stærsta samheitalyfja-
fyrirtækið í heimi. Stefnan er skýr; að verða það þriðja
stærsta og ná 15 til 20% vexti á hverjum markaði.
Áætlaðar heildartekjur á árinu 2006 eru 127 milljarðar
króna, en í fyrra voru þær ríflega 50 milljarðar.
Stjórn Actavis Group undir forystu Björgólfs Thors
Björgólfssonar stjórnarformanns hefur staðið þétt við
hlið Róberts og annarra stjórnenda.
Actavis er það samheitalyfjafyrirtæki, sem hefur
vaxið hvað hraðast í heiminum hin síðari ári, og
greiningardeildir erlendra banka hafa sent frá sér yfir-
lýsingar um að Actavis sé eitt allra áhugaverðasta
félagið á sviði samheitalyfja.
TEXTI: JÓN G. HAUKSSON
Undraverður árangur!
20 F R J Á L S V E R S L U N • 1 1 . T B L . 2 0 0 6