Ægir - 01.11.2004, Side 13

13
B RY G G J U S P J A L L I Ð
Á þriðja áratug hefur
Böðvar Eggertsson
starfað sem vélstjóri á
millilandaskipum og
síðar sem yfirvélstjóri
á ísfisktogaranum
Harðbaki EA á Akur-
eyri, þar sem hann
starfar enn þann dag
í dag. Áhugamál
Böðvars lýtur að tölv-
um og ljósmyndun.
Bryggjuspjall Ægis er
að þessu sinni við
Böðvar Eggertsson.
„Það er ekki hægt að segja að
ég sé alinn upp við sjóinn. Hins
vegar fetaði ég í fótspor föður
míns, Eggerts Böðvarssonar, sem
var vélstjóri, en hann lést þegar
ég var aðeins fjögurra ára gamall.
Þegar ég fór að huga að því hvað
ég ætlaði að taka mér fyrir hend-
ur varð Vélskólinn fyrir valinu.
Það má segja að vélstjórn hafi
verið praktískasta námið á þeim
tíma. Náminu lauk ég árið 1981,
þá 21 árs gamall, og að því loknu
fékk ég pláss á Hvassafellinu,
fraktskipi Sambandsins. Þar var
ég í þrjú ár og fór síðan í smiðju í
landi, en það var og er áskilið í
vélstjórnarnáminu að starfa
ákveðinn tíma í smiðju. Ég fór
síðan aftur á fragtskip og var á
því í önnur þrjú ár. Ég var um
tíma á fleiri fraktskipum, en síð-
an bauðst mér þetta starf hér á
Harðbaki og hér hef ég verið í ell-
efu ár,“ sagði Böðvar er blaðamað-
ur ræddi við hann í vistarverum
hans um borð í Harðbaki.
Tími sem ég hefði
ekki viljað sleppa
„Það var óneitanlega mikil breyt-
ing að fara af fragtara yfir á fiski-
skip. Þetta er gjörólíkt. Eins og
gefur að skilja eru fraktskipin
fyrst og fremst í siglingum milli
landa og það er allt önnur sjó-
mennska en fiskveiðarnar. Á fiski-
skipunum er siglt á miðin og þar
er hægt að segja að maður sé
kominn á vinnustaðinn.
Ég var eiginlega búinn að fá
nóg af fragtsiglingunum . Þeim
fylgdu miklar fjarverur, sem voru
lengri en á fiskiskipunum. Ég var
fyrst og fremst á millilandaskip-
um sem fluttu frystan fisk á
Bandaríkin og þeir túrar voru allt
upp í þrjár vikur. En þrátt fyrir
langar fjarverur var þetta tími
sem ég hefði ekki viljað sleppa.
Maður kom víða og sá margt. Við
sigldum á margar hafnir í Banda-
ríkjunum og höfðum einnig við-
komu á mörgum höfnum á meg-
inlandi Evrópu, í Eystrasalti og á
Ljósmyndun er áhugamál yfirvélstjórans á Harðbaki EA:
Maður er alltaf með
augun opin
Með góðri myndavél er unnt að ná skemmtilegri mynd af vírunum - eins ómerkilegir og þeir virðast vera!
Böðvar hefur tekið mikið af
fallegum blómamyndum.
Myndir: Böðvar Eggertsson.
aegirdes2004-11tbl 16.12.2004 12:39 Page 13