Ægir - 01.11.2004, Page 14

14
B RY G G J U S P J A L L I Ð
Norðurlöndum. Það má segja að
maður hafi náð í endann á Kalda
stríðinu. Þegar við fórum í land í
t.d. Múrmansk og St. Pétursborg
í Rússlandi þurftum við að af-
henda passana okkar og hermenn
voru víða áberandi, gráir fyrir
járnum. Þetta var eins og að fara
fimmtíu ár aftur í tímann, þetta
var allt önnur veröld og andstæð-
an við að koma til Bandaríkanna
þar sem allt var til alls, það er
ekki hægt að lýsa því í orðum.“
Gekk gjörsamlega fram af mér
Tilviljun ein réð því að Böðvar
réðist til starfa hjá Útgerðarfélagi
Akureyringa. Hann sótti einfald-
lega um vélstjórastarf sem losnaði
hjá ÚA og fékk.
„Þetta hefur verið góður tími.
Ég tileinkaði mér strax að nota
viðhaldskerfi og tel að það hafi
verið mikilvægur þáttur í að hafa
góða sýn yfir allan vélbúnað hér
um borð. Þetta kerfi höfum við
notað hér um borð í um áratug og
það hefur reynst mjög vel. Kerfið
felur m.a. í sér fyrirbyggjandi
viðhald, það minnir mann á að
huga að ákveðnum þáttum með
ákveðnu millibili. Inni í þessu
kerfi er líka allur pöntunarlager
og því má segja að þarna inni sé
allur rekstur á skipinu sem að
mér snýr.“
Fjórir vélstjórar eru á Harðbaki,
þrír í hverjum túr, og því gildir
þar ákveðið skiptimannakerfi.
Böðvar rifjar upp að þegar hann
byrjaði á Harðbaki „hafi hann
ætlað að verða ríkur“, eins og
hann orðar það. „Fyrsta árið tók
ég ekki einn einasta frítúr og það
var ekki mjög gáfulegt. Í stað
þess að verða ríkur gekk ég eigin-
lega gjörsamlega fram af mér.
Þetta myndi ég aldrei gera aftur
og ráðlegg engum að prófa þetta.
Að fenginni þessari reynslu tók
ég þá ákvörðun að hafa fjóra vél-
stjóra hér um borð. Meginreglan
er sú að menn róa þrjá túra og eru
síðan einn túr í fríi. Ég tel að
þetta fyrirkomulag hafi reynst
vel.“
Mikilvægt að halda ró sinni
Þegar Böðvar er spurður hvernig
hann kunni starfi yfirvélstjóra
Þessi mynd skýrir sig sjálf. Hér er gleðin í fyrirrúmi.
Úti á sjó birtist sólin í ótrúlegustu myndum. Böðvar hefur gert töluvert af því að
fanga samspil sólarinnar og sjávarins.
Um borð í skipunum
eru mörg skemmtileg
mótíf.
aegirdes2004-11tbl 16.12.2004 12:40 Page 14