Tímarit Máls og menningar - 01.06.1972, Qupperneq 19

Þrjú IjóS
opnar svo faðminn og kemur til þín
umlykur þig með hús og götur
fólk og augnablik
er að baki og kemur aldrei meir
á ofmiklum hraða verður lífið umbúðalaust og þrungið
missir heimskt öryggi sitt falskt
verður óöruggt og ruglandi einsog stúlkan
afhverju er líf þitt ekki algert?
augnablikin hlaðin
afhverju eru hlutir og fólk í einni vídd
afhverju ert ekki alstaðar í einu
athafnir þínar jafnóðar
þú ert margir og margir eru þú
líf hvers og eins er einsog áherzlulaus endalaus saga eða biluð
maskína sem malar í stanzlausri tónlausri síbylju og til að
losna undan þessum són sekkuru henni í hafið grefur hana í
eyðimörkina skýtur henni á aðra stjörnu. í kvikmynd getur
augnablikið verið algert og fullt. afþví hún styttir sér leið.
er alstaðar í einu. er allir. er bara tvær klukkustundir.
stundum þarftu að vera einhversstaðar en það tekur þig klukku-
stund viku ár öld að komast. stundum hrópar samanlögð löngun
þín en þúsund druslur net og þokur hamla flækja og gelda jafn-
óða athöfn. hugsaðu þér ef undir lífi manns léki músíkk. í
manni væri líffæri sem gæfi frá sér tóna og hljóma í samræmi
við hugarástand og hrynjandi. hugsaðu þér ef orðin kreistu
ekki safann úr hugsuninni. aukaatriðin féllu burt og aðalatriðið
kæmist ótruflað ...
á ofmiklum hraða verður líf þitt algert
þú ert sviptur fáránlegu vali
lögmál hversdagsleikans missa stoð
hugsunin öðlast fullveldi
ekki glepjast af nálægð hversdagsleikans!
heimtaðu jörð sem þýtur og snýst
ekki landabréf
heimtaðu upphafslaus endalaus líf
9