Ský - 01.01.2006, Síða 37

sk‡ 37
Haft er eftir Jón Arnóri m.a. að ítalska deildin sé sterkari en sú
rússneska og 14 af 18 liðum í deildinni ætli sér að komast í úrslita-
keppnina. Deildin sé áberandi jöfn í ár. Hann segir að sér gangi
vel að spila, hann hafi stórt varnarhlutverk í liðinu sem sé bara
mjög gaman þótt hann skori ekki eins mikið og stundum áður.
Þess má til gamans geta að Embla Grétarsdóttir, unnusta Jóns
Arnórs, hefur getið sér gott orð á íþróttavellinum, leikið m.a.
með KR í Landsbankadeild kvenna hér heima. Nú eftir áramótin
hefur Embla leikið með ítölsku 2. deildarliðinu Carpisa og staðið
sig mjög vel. Þau Jón Arnór koma heim í sumar en Embla ætlar
að leika með KR í Landsbankadeildinni.
EGGERT STEFÁNSSON
(f. 7. nóvember, 1979)
Hefur leikið 15
unglingalandsleiki
í knattspyrnu
Eggert er knattspyrnumaðurinn í systkinahópnum. Hann hefur
alla tíð leikið með Fram, að undanskildum þeim tíma sem hann
lék með Þór á Akureyri. Eggert er varnarmaður, hefur leikið
hægri bakvörð með Fram og þykir ákaflega traustur í þeirri stöðu
og erfiður andstæðingur. Eggert hefur leikið 83 leiki í efstu deild
Íslandsmótsins og skorað eitt mark, það var í tapleik gegn KR
árið 2002 sem endaði 2-4.
Eggert var meiddur í upphafi Landsbankamótsins síðastliðið
sumar og lék því ekki nema 8 leiki af 18. Hann skoraði svo eitt
marka Fram í vítaspyrnukeppni í sögulegum leik í bikarkeppni
KSÍ gegn Íslandsmeisturum FH. Eftir venjulegan leiktíma var
staðan 2-2 en Fram sigraði 7-6 í vítaspyrnukeppninni. Eggert
varð svo að bíta í það súra epli með félögum sínum í Fram að falla
í 1. deild eftir æsilega lokaumferð í Landsbankadeildinni.
Eggert hefur leikið 3 U-21 unglingalandsleiki og 12 U-17
unglingalandsleiki og einu sinni verið fyrirliði.
STEFANÍA STEFÁNSDÓTTIR:
(f. 20. júní, 1978)
Íslandsmeistari
í tennis
Stefanía Stefánsdóttir, systir þeirra bræðra, hefur einnig getið sér
gott orð á íþróttavellinum þótt ef til vill hafi farið minna fyrir
því í fjölmiðlum. Hún var á Ítalíu í vetur að nema arkitektúr í
Mílanó en er nú komin heim. Stefanía lét þó íþróttir ekki alveg
afskiptalausar meðan hún dvaldi á Ítalíu því hún lék þar knatt-
spyrnu með ítölsku neðrideildarliði.
Hér heima var Stefanía mjög liðtæk í íþróttum, varð m.a.
Íslandsmeistari í tennis árið 1995.
Ólafur Stefánsson er í dag einn albesti handknattleiks-
maður heims.
Eggert Stefánsson í baráttu við Björgólf Takefusa.