Morgunblaðið - 13.02.2015, Blaðsíða 44

44 DÆGRADVÖL
MORGUNBLAÐIÐ FÖSTUDAGUR 13. FEBRÚAR 2015
Stjörnuspá
21. mars - 19. apríl 
Hrútur Að bíða og vona hið besta krefst
þrautseigju. Slakaðu á, þú getur ekki gert öll-
um til geðs og bara verið á einum stað í einu.
Þú vekur athygli fyrir fallegan klæðaburð.
20. apríl - 20. maí 
Naut Talaðu hreint út og láttu engan fara í
grafgötur um tilgang þinn í vissu máli. Þú átt
eftir að slá í gegn í nýju hlutverki sem er
handan hornsins.
21. maí - 20. júní 
Tvíburar Þú veist hvað í þér býr þótt aðrir
geri það ef til vill ekki. Þolinmæði er dyggð
sem á því miður ekki upp á pallborðið nú á
dögum.
21. júní - 22. júlí 
Krabbi Í ástum og viðskiptum liggur vald
þitt í sjálfstæði þínu. Þú ættir ekki að hlusta
á úrtöluraddir varðandi drauma þína, kýldu á
þá og þú stendur uppi full/ur sjálfstrausts.
23. júlí - 22. ágúst 
Ljón Láttu ekki skapið hlaupa með þig í gön-
ur því þá gæti illa farið. Mannkostir þínir
koma í ljós í mótlæti. Vertu umfram allt já-
kvæð/ur.
23. ágúst - 22. sept. 
Meyja Taktu einn hlut fyrir í einu því ef þú
ert með of mörg járn í eldinum fer allt úr
böndunum. Mundu bara að orða hlutina
þannig að engin hætta sé á misskilningi.
23. sept. - 22. okt. 
Vog Þú ættir að fara eftir eðlisávísun þinni í
máli, sem hátt rís á vinnustað þínum. Heil-
indi skipta sköpum fyrir góðan árangur í
ástarsambandi. Enginn vinnur verkin fyrir
þig.
23. okt. - 21. nóv.
Sporðdreki Það er eins og ekkert gangi upp
hjá þér í dag. Gættu þess að haga vænt-
ingum þínum alltaf í samræmi við þá sem þú
umgengst í það og það skiptið.
22. nóv. - 21. des.

Bogmaður Það eyðileggur ekkert þinn
árangur þótt einhver annar hafi orðið fyrri til
hins sama. Gættu þess að ofmetnast ekki.
22. des. - 19. janúar 
Steingeit Sinntu bankamálum og skatta-
málum í dag. Ef þú venur þig á að gefa þér
tíma fyrir skapandi viðfangsefni gæti það
valdið straumhvörfum í lífi þínu.
20. jan. - 18. febr. 
Vatnsberi Þótt einkalífið taki sinn tíma
máttu ekki gleyma starfsskyldum þínum.
Fylgdu góðum ráðum sterkrar konu sem þú
þekkir. Láttu hjartað ráða för.
19. feb. - 20. mars

Fiskar Láttu vera að taka áhættu í peninga-
málum í dag, slíkt er líklegt til að mistakast.
Ekki hika við að taka að þér verkefni sem þig
langar til að vinna. Þú getur það eins og allt
annað.
Margt hefur borið til tíðinda
upp á síðkastið og orðið vísnahöf-
undum að yrkisefni. Í Frétta-
blaðinu mátti lesa að heilbrigð-
isráðherra fékk „sting í hjartað“
vegna aðstæðna aldraðra. Hjálmar
Freysteinsson orti á Leirnum en
lét þess jafnframt getið að „það er
reyndar ekki gerandi grín að
þessu, en ég geri það samt“:
Þeir gömlu geta ekki kvartað!
Til gustukaverka kann;
hann fékk sting í hjartað
heilbrigðisráðherrann.
Og Björn Ingólfsson segir að
þetta sé reyndar full grátt gaman
en það sé bara ekki hægt að kom-
ast í svona gott færi án þess að
skjóta:
Að sprella er mér ekki né spauga
tamt
og spyr eins og vitleysingur.
Varla að ég þori, þó verð ég samt:
Var þetta byssustingur?
Ólafur Stefánsson segir að sam-
kvæmt fréttum séu bæði fiskifræð-
ingar og sjómenn rasandi og ráð-
þrota gagnvart framferði
loðnunnar sem ekki sé á réttu róli
og lætur ekki ná í sig frekar en
embættismaður í helgarfríi. Óvíst
sé að loðnan sinni þessu kvabbi og
hvað verður þá um alla millj-
arðana sem búið var að reikna inn
í þjóðarbúið?
Úthaldið gengur út á það,
að ösla og stíma,
og veiða loðnu á vitlausum stað,
og vondum tíma.
Fía á Sandi tekur undir með sín-
um hætti:
Vont er ef ekki veiðist
þá veltur allt kerfið á slig.
Ætli loðnunni leiðist
að láta menn veiða sig?
Stefán Vilhjálmsson segir: Góð
spurning, Fía. Í hugann kom vers-
ið um grásleppuna sem ég lærði á
kennarastofu MA forðum. Prófaði
að gúgla og viti menn, það birtist
svona í vísnaþætti Torfa Jónssonar
í Dagblaðinu-Vísi árið 1990 – göm-
ul kosningavísa eftir Freystein
Gunnarsson skólastjóra:
Grásleppan veiðist suður með sjó,
það sýnir hvað hún er gáfnasljó
að alltaf fiskast þar nægtanóg
í netin á hverjum vetri,
– en aðrir fiskar í öðrum sjó
eru víst lítið betri.
Þessum kveðskap mun hafa ver-
ið snarað á önnur mál, m.a. þýsku,
en eigi kann ég þær útgáfur.
Halldór Blöndal
(halldorblondal@simnet.is)
Vísnahorn
Af sting í hjartað og
loðnu á vitlausum stað
Í klípu
„MAÐURINN SEM KOM TIL AÐ GERA
VIÐ LJÓSRITUNARVÉLINA ER BILAÐUR.
GETIÐ ÞIÐ SENT ANNAÐ EINTAK?“
eftir Mike Baldwin eftir Jim Unger
„ÞEGAR VIÐ SEGJUM AÐ FORELDRUM SÉ
BOÐIÐ, ÞÁ MEINUM VIÐ OFTAST AÐ ÞEIR
EIGI AÐ FYLGJAST MEÐ.“
Hermann
Ferdinand
Hrólfur hræðilegi
Grettir
... ástríkur faðir í fyrsta
sinn.
VÁ, ÞAÐ ER
DIMMT ÚTI!
ÞETTA ER
SKÁPURINN
STANS!
HVER FER ÞAR? SEGÐU
LYKILORÐIÐ!!
AUGLJÓSLEGA
KUNNI HANN EKKI
LYKILORÐIÐ!
Borgarstjórinn í Boston í Banda-ríkjunum áréttaði í vikunni að
þegar snjóaði væri aðalatriðið að
hreinsa götur og stíga um leið svo
vegfarendur kæmust leiðar sinnar.
Kostnaðurinn skipti engu máli. Við
svo búið lét hann hendur standa
fram úr ermum.
x x x
Svona tala alvöruborgarstjórarenda vita þeir að þeir eru kjörn-
ir til þess að vinna fyrir fólkið en
ekki á móti því. En ekki hugsa allir
eins í þessari stöðu. Borgarstjórinn í
Reykjavík er á móti bílum og bíleig-
endum og gerir allt sem hann getur
til þess að gera þeim gramt í geði
með reglulegu millibili. Í því sam-
bandi má nefna hvernig staðið er að
snjóruðningi í borginni og hvernig
þrengt er að allri umferð.
x x x
Í vikunni var greint frá því að bíla-stæðanefnd borgarinnar hefði
samþykkt að hækka gjaldskrá í bíla-
húsum bílastæðasjóðs og stækka
gjaldsvæði 1. Í skammtímastæðum í
Kolaportinu, á Vesturgötunni, í Ráð-
húsinu og í Traðarkoti mun fyrsta
klukkustundin kosta 150 krónur og
fyrir hverja klukkustund eftir það
bætast við 100 krónur. Verðið nú er
80 krónur fyrir fyrstu klukkustund
og 50 krónur fyrir hverja klukku-
stund sem fylgir. Því er um 100%
hækkun að ræða fyrir aukaklukku-
stundirnar og 87,5% hækkun fyrir
þá fyrstu.
x x x
Víkverji óttast að þetta sé barabyrjunin og ekki er aðeins við
borgarstjóra að sakast í því efni.
Þannig sagði Morgunblaðið frá
því sl. þriðjudag að Landsbankinn
tæki 1.200 króna afgreiðslugjald af
fólki sem þyrfti að fara í bankahólf í
bankanum, bankahólf sem við-
skiptavinir leigja af bankanum, eftir
klukkan 11 á morgnana.
x x x
Víkverji hefur ekki yfirlit yfir þaðsem bankarnir rukka viðskipta-
vini sína um en ljóst er að stjórn-
endum þeirra er ekkert heilagt.
Næst verður væntanlega tekið gjald
fyrir að horfa á starfsmenn bank-
anna. víkverji@mbl.is
Víkverji
Orð dagsins: Því hvar sem fjársjóður
yðar er, þar mun og hjarta yðar vera.
(Lúk. 12, 34.)