Morgunblaðið - 11.03.2015, Blaðsíða 2
2 FRÉTTIRInnlent
MORGUNBLAÐIÐ MIÐVIKUDAGUR 11. MARS 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Kindin Lukka kom bændunum Laufeyju Leifsdóttur og
Sigfúsi Inga Sigfússyni á Stóru-Gröf syðri, á Langholti í
Skagafirði, á óvart þegar hún bar tveimur lömbum í vik-
unni.
Sauðburður byrjar venjulega ekki fyrr en í lok apríl
eða byrjun maí og því komu vorverkin á Stóru-Gröf örlít-
ið fyrr en venjulega.
„Þetta voru óvænt tíðindi. Einhver frjósemi sem lét á
sér kræla,“ segir Sigfús sem hefur ekki áður lent í því að
taka á móti lömbum í byrjun mars. „Það er allt svo blóm-
legt í Skagafirði. Þar lifa frjálsar ástir,“ segir hann og
hlær.
Kona hans, Laufey, segir að þessi frjósemi Lukku hafi
komið töluvert á óvart en þó séu einhver dæmi þess að
lömb hafi áður komið í heiminn í mars. „Þetta hefur al-
veg komið fyrir hjá einhverjum bændum en þessi lömb
eru óneitanlega með fyrra fallinu,“ segir hún.
Bændur reyna að stýra fengitímanum en það getur
gengið misjafnlega og þá geta orðið slys eins og í tilfelli
Lukku. En snemmbúnum sauðburði er ekki lokið á
Stóru-Gröf því von er á annarri sendingu. „Það stökk
hrútur yfir grindur og við eigum því von á fleiri lömbum í
kringum 10. apríl,“ sagði Laufey.
Frjálsar ástir í Skagafirði
Ljósmynd/Laufey Leifsdóttir
Sauðburður Lukka með lömbum sínum tveimur.
Lukka bar tveimur lömb-
um á Stóru-Gröf syðri
„Þeir voru ekki
tilbúnir til þess að
ræða okkar kröf-
ur svo ákveðið var
að lýsa yfir árang-
urslausum fundi,“
segir Björn Snæ-
björnsson, for-
maður Starfs-
greinasambands
Íslands (SGS), en
samninganefnd
sambandsins sleit í gær viðræðum við
Samtök atvinnulífsins (SA) um
endurnýjun kjarasamninga. Kröfur
SGS eru að sögn Björns skýrar, þ.e.
að lægstu laun verði komin upp í 300
þúsund krónur innan þriggja ára.
Næstu skref í kjaradeilunni eru að
hans sögn jafn skýr. „Nú ætlum við
að hefja undirbúning að atkvæða-
greiðslu um verkfall því greinilegt er
að við þurfum að fara í átök til þess að
ná fram okkar sanngjörnu kröfu.“
Fram kemur í tilkynningu SA að í
stað þess að halda halda áfram að
byggja upp kaupmátt launa á grund-
velli stöðugleika sé nálgun SGS „að
krefjast tugprósenta launahækkana
sem munu leiða til mikillar verðbólgu
á skömmum tíma“. Inntur eftir svari
við þessu segir Björn: „Þegar hæst-
launaða fólkið í landinu fær launa-
hækkanir, upp á kannski tvöfalt það
sem við förum fram á, þá heyrist ekki
orð. En þegar láglaunafólk biður um
hækkun þá ætlar allt um koll að
keyra. Ég hafna því alfarið að svo
fari.“ khj@mbl.is
SGS býr
sig undir
verkföll
Björn
Snæbjörnsson
Slitu í gær samn-
ingafundi við SA
Lögreglan á höfuðborgarsvæðinu
vann í því í gær að bera kennsl á
konu sem fannst látin í sjónum við
Sæbraut í gærmorgun, skammt frá
útilistaverkinu Sólfarinu. Konan er
nálægt sextugu og taldi lögreglan að
hún hefði látist á síðasta sólarhring
áður en hún fannst. Ekki er talið að
andlát hennar hafi borið að með sak-
næmum hætti.
Lögreglan biður þá sem kunna að
geta gefið upplýsingar um konuna
að hafa samband. Að sögn Friðriks
Smára Björgvinssonar yfirlög-
regluþjóns höfðu í gærkvöldi ekki
borist upplýsingar sem leiddu til
þess að kennsl væru borin á konuna.
Kennsl ekki
borin á konu
Kristján H. Johannessen
khj@mbl.is
„Við byrjuðum á því að loka Hellis-
heiði og Þrengslum, en þar voru
mjög margir bílar í vandræðum og
eitthvað um árekstra,“ segir Viðar
Arason, hjá svæðisstjórn björgunar-
sveita, en vonskuveður gekk yfir
nær allt landið í gær með talsverðri
ofankomu og skafrenningi. Lentu af
þeim sökum fjölmargir vegfarendur
í vanda og þurftu margir hverjir að
yfirgefa ökutæki sín þar sem þau
sátu föst í snjó.
Alls tóku á þriðja hundrað björg-
unarmenn þátt í ófærðaraðstoð
vegna veðurofsans og var þörfin fyr-
ir aðstoð mest fyrir austan fjall,
einkum í námunda við Gullfoss og
Geysi þar sem vel á annað hundrað
vegfarendur voru í vandræðum.
Í vandræðum með ungbarn
„Við Gullna hringinn var gríðar-
legur fjöldi ökutækja fastur,“ segir
Viðar og bætir við að í einu þeirra
hafi verið erlendir ferðamenn með
ungbarn. Þeim var, ásamt mörgum
öðrum, veitt aðstoð og komið í
öruggt skjól. „Við tókum einnig eftir
því að mjög margar rútur voru á
ferðinni, sem er mjög einkennilegt
þar sem óveðri var spáð,“ segir Viðar
en dæmi eru um að rútubílar, sem
sátu fastir í snjó, hafi tafið fyrir snjó-
mokstri og hálkuvörnum.
Á höfuðborgarsvæðinu var einnig
mikil ófærð, einkum í efri byggðum,
og sinntu björgunarmenn þar um 50
aðstoðarbeiðnum. Þá voru ökumenn
einnig í vandræðum á Lyngdals-
heiði, Reykjanesbraut, Kjalarnesi,
Holtavörðuheiði, Kleifarheiði og á
Snæfellsnesi þar sem aðstoða þurfti
um tug ökutækja.
Kári reif með sér þak
Þegar líða tók á gærdaginn var
farið að hvessa allverulega á Vest-
fjörðum, en á Ísafirði fauk þak í heilu
lagi af íbúðarhúsi sem þar stendur.
Engum varð meint af og veittu
björgunarmenn aðstoð til að koma í
veg fyrir frekara tjón.
Morgunblaðið/Golli
Vandræði Á höfuðborgarsvæðinu myndaðist mikil ófærð og þurftu vegfarendur í Kópavogi að grípa til skóflunnar.
Hundruð vegfarenda
í glórulausu veðri
Hátt í þrjú hundruð björgunarmenn veittu aðstoð sína
Morgunblaðið/Sigurjón J. Sigurðsson
Rok Þak íbúðarhúss gaf sig í heilu lagi á Ísafirði vegna veðurofsans.
Veðurhorfur
» Gert er ráð fyrir suðvestan
10-18 m/s vestantil fyrripart
dags en lægir eftir hádegi.
» Á fimmtudag er spáð suð-
austlægri átt, 5-13 m/s og
snjókomu eða skyddu sunn-
antil. Vaxandi vindur síðdegis.
» Snjókoma verður víða á
föstudag en suðaustanstormur
seinnipartinn með rigningu,
einkum fyrir sunnan og vestan.
Nefnd um endurskoðun laga um
Seðlabanka Íslands skilaði áfanga-
skýrslu til fjármála- og efnahags-
ráðuneytisins sl. föstudag.
Samkvæmt heimildum Morgun-
blaðsins hefur nefndin skilað drög-
um að kafla í frumvarpinu sem af-
markast við markmið og skipulag
Seðlabankans, þ.m.t. varðandi yfir-
stjórn. Nefndin hyggst leggja fram
aðra þætti fyrir 1. september.
Spurður hvað nefndin leggi til
marga bankastjóra segist Bjarni
Benediktsson, fjármálaráðherra,
nýbúinn að fá skýrsluna í hendur.
„Þarna eru hlutir sem nefndin
leggur til að verði áfram í skoðun.
Ég á eftir að ákveða hvenær næstu
skref verða tekin og þar með hve-
nær ég mun gera skýrsluna opin-
bera,“ segir Bjarni.
Ólöf komin úr ráðinu
Fram kom í tilkynningu frá Al-
þingi í gær að Ólöf Nordal innan-
ríkisráðherra hefði sagt sig úr
bankaráði Seðlabanka Íslands með
bréfi dagsettu 8. desember 2014.
Alþingi skipar menn í bankaráðið
og væntir Bjarni þess að í næstu
viku verði gengið frá því að finna
eftirmann Ólafar. baldura@mbl.is
Morgunblaðið/Árni Sæberg
Seðlabankinn Lög um bankann eru
í endurskoðun. Tíðinda er að vænta.
Skýrsla til
fjármála-
ráðherra
Rafmagnstruflanir urðu í Skorradal
og á Snæfellsnesi í gærkvöldi. Línur
slitnuðu eða slógust saman í hvass-
viðri. Færð var erfið og því erfitt fyrir
vinnuflokka Rarik að athafna sig við
bilanaleit og viðgerðir.
Rafmagnið fór af í Skorradal um
klukkan 19. Tókst að gera við bilun og
koma straumi á hluta dalsins. Raf-
magnið fór af í Ólafsvík, Hellissandi
og Rifi um klukkan 20. Byrjað var að
keyra dísilvélar en þegar lægði tókst
að koma rafmagni á línuna. Loks fór
rafmagn af í sveitunum á sunnan-
verðu Snæfellsnesi og í Grundarfirði.
Truflanir á
Snæfellsnesi