Morgunblaðið - 11.03.2015, Blaðsíða 36
36 DÆGRADVÖL
MORGUNBLAÐIÐ MIÐVIKUDAGUR 11. MARS 2015
Stjörnuspá
21. mars - 19. apríl
Hrútur Himintunglin gefa í skyn að í vændum
sé dagur öfganna – eða að minnsta kosti
ýktra tilfinninga. Ef þið trúið á það sem þið
eruð að segja mun ykkur reynast auðvelt að
sannfæra aðra.
20. apríl - 20. maí
Naut Óvæntir atburðir kalla á snöfurmannleg
viðbrögð en gerðu samt ekkert að óathuguðu
máli því það borgar sig ekki. Sú sem segir lít-
ið virðist eins konar töfravera í þínum huga.
21. maí - 20. júní
Tvíburar Erfið verkefni munu útheimta mikið
hugrekki af þinni hálfu. Lífið er of stutt til að
láta rómantíkina ganga hjá garði án þess að
þú reynir að vekja athygli hennar.
21. júní - 22. júlí
Krabbi Láttu ekki einkamál þín taka of mik-
inn tíma frá vinnunni. Af hverju skyldi það
vera? Jú, yfirmaðurinn er einstaklega gagn-
rýninn núna. Stundum er ánægja næg
ástæða til að gera eitthvað.
23. júlí - 22. ágúst
Ljón Dagurinn í dag er alveg kjörinn fyrir af-
þreyingu og sprell með smáfólkinu. Vertu
vakandi fyrir alls kyns möguleikum.
23. ágúst - 22. sept.
Meyja Að láta sér lynda við ástvinina er
hvorki erfitt né auðvelt. Láttu ekki smávegis
andstreymi á þig fá, heldur haltu þínu striki
og horfðu bjartsýnn fram á veginn.
23. sept. - 22. okt.
Vog Dagurinn hentar engan veginn til inn-
kaupa til heimilisins. Nýttu þetta tækifæri til
að hjálpa öðrum og styrkja sjálfsmynd þína.
Reyndu að láta ekkert trufla þig.
23. okt. - 21. nóv.
Sporðdreki Heimili manns er þar sem maður
er hverju sinni. Heppni þín felst frekar í skiln-
ingi á öðru fólki en skyndigróða.
22. nóv. - 21. des.
Bogmaður Ekkert hefur verri áhrif á sálar-
heill þína en hlutar lífsins sem þú hefur ekki
lifað. Veltu fyrir þér hæfni þinni til að virða
viðhorf sem eru andstæð þínum eigin.
22. des. - 19. janúar
Steingeit Oft leynir fólk á sér og býr yfir
miklu meiri hæfileikum og kunnáttu en virðist
í fljótu bragði. Meiri sannleikur: það er röð af
skemmtunum. Gleymdu því ekki og hættu að
vorkenna sjálfum þér.
20. jan. - 18. febr.
Vatnsberi Það er eins og þú sért á hliðarleið
og að upphafleg fyrirætlun þín sé minning
ein. Ekki halda aftur af þér því aðrir eru til-
búnir að hlusta á framlag þitt.
19. feb. - 20. mars
Fiskar Þú mátt eiga von á því að vinur þinn
leiti til þín í vandræðum sínum. Láttu ekki
aðra fara í taugarnar á þér.
Á mánudaginn skrifaði PéturStefánsson í Leirinn:
Langur vetur leiðist mér.
Leitun er að friði og ró.
Þennan daginn eins og er
aular niður miklum snjó.
Og Friðrik Steingrímsson svar-
aði norðan úr Mývatnssveit:
Eins þótt snjói allt á kaf
og ógni vetrar tíðin,
þú sem ekur um á RAV
ert nú varla kvíðinn.
Og spurði til öryggis: „Áttu ekki
Ravinn ennþá?“
„Jú jú, ég á hann ennþá,“ svaraði
Pétur og bætti við:
Ýlfra vindar, ýfist haf,
ólgar vík og flói.
Allar trissur ek ég Rav
þótt úti mikið snjói.
Ármann Þorgrímsson var í öðr-
um hugleiðingum og þótti breyttir
tímar:
Er að fyrnast allt sem var
orðinn frakkinn snjáður
gróið yfir göturnar
sem gengnar voru áður.
Ólafur Stefánsson veit sínu viti:
Góð er hvíldin gömlum hal,
sem garfað hefur nóg.
Með gler í sokk og gott í mal,
gakktu út í skóg.
Ármann situr við sinn keip:
Fengið hef af flestu nóg
fæst því rökin stemma.
Engan fundið ennþá skóg
sem ekki tókst að skemma.
En Ólafur lætur sig ekki:
Á hnotskóg skaltu halda í dag,
að hentisemi þinni,
og vittu hvort ei verði lag,
að viðra gömul kynni.
Á Hnotskógi eftir Helga Hálfdán-
arson kom út þegar ég var í MA og
sérstakt menningarkvöld haldið af
því tilefni. Þar eru margar ljóðlínur
og smávers sem ekki gleymast mér
síðan:
Jafnvel brunninn minn! –
fyrir hann hefur kuldinn
sett sinn hengilás!
Og Einlífi:
Væri hér einhver
annar, sem líka hefði
kosið einlífi!
Klefar okkar hlið við hlið
í snjóþungu fjallaþorpi!
Minni mitt sagði „kofar“ í staðinn
fyrir „klefar“ sem er íslenskulegt
fremur en kínverskt! En þetta
erindi er einstakt – hvort heldur
sem er!
Halldór Blöndal
halldorblondal@simnet.is
Vísnahorn
Á hnotskógi á löngum vetri
Í klípu
SAMNINGURINN GAF RÚNARI LÍTIÐ
SVIGRÚM TIL ÞESS AÐ FÆRA NÝJA
SVIF-SKRIFBORÐIÐ HANS.
eftir Mike Baldwin eftir Jim Unger
„Í GUÐANNA BÆNUM! FYRST ÞETTA
SKIPTIR ÞIG SVONA MIKLU MÁLI,
GETURÐU FARIÐ HEIM EFTIR HÁDEGI.“
Hermann
Ferdinand
Hrólfur hræðilegi
Grettir
... þín eigin Þyrnirós.
EINHVERN DAGINN
MYNDI ÉG VILJA
FARA TIL TUNGLSINS
ÞÚ ÞARFT EKKI AÐ BYRJA AÐ
SETJA Í FERÐATÖSKUNA FYRIR
MIG ALVEG STRAX!
LEYNDARDÓMURINN VIÐ AÐ GRÆÐA
Á TÁ OG FINGRI Í FASTEIGNASÖLU
ER AÐ KAUPA ÓNÝTT HÚS ÓDÝRT,
GERA ÞAÐ UPP OG SELJA!
ÉG ER
SAMMÁLA...
... BYRJUM
ÞEGAR Í STAÐ!
Víkverji rakst á lýsingu Alexand-ers Solsjenitsíns í bókabálk-
inum Gúlageyjunum á ráðstefnu í
einu umdæma Moskvu á ógnarárinu
1937 þar sem nýr umdæmisstjóri
leysir sitjandi umdæmisstjóra af
hólmi. Á þeim tíma voru pólitískar
ofsóknir Stalíns og kúgun í hámarki.
Í lok fundar er lýst yfir tryggð við
Stalín og vitaskuld stekkur allur sal-
urinn á fætur og út brýst dynjandi
lófatak. Þrjár mínútur líða, fjórar,
fimm: „Þá verkjar í hendurnar.
Handleggir á lofti lýjast. Hinir eldri
grípa andann á lofti. Og allt verður
þetta óbærilega heimskulegt, jafnvel
fyrir þá, sem í einlægni virða Stalín.
En: hver þorir að verða fyrstur?
Fyrsti umdæmisstjórinn gæti hætt.
En hann er nýliði, hann er hér í stað
þess sem situr, hann er sjálfur
hræddur! Því að í salnum standa líka
og klappa liðsmenn leyniþjónust-
unnar NKVD, þeir fylgjast með því
hver gefst fyrstur upp.“
x x x
Þannig líða mínúturnar. Mennhorfa hver á annan í veikri von,
en þeir „munu klappa þar til þeir
hníga niður, þar til þarf að bera þá
út á börum“. Forstjóri pappírsverk-
smiðjunnar reynist hafa minnsta út-
haldið og sest á elleftu mínútu niður:
„Eins og einn maður nema allir stað-
ar í miðri hreyfingu og láta sig líka
falla í sætin. Þeim er bjargað! Álög-
unum er hrundið! … Eftir stendur
að hinir óháðu þekkjast af slíkum
gjörðum. Þekkjast og eru dregnir í
dilka: Sömu nótt er forstjórinn
handtekinn. Fyrirhafnarlaust er
hann dæmdur í tíu ára prísund fyrir
allt aðrar sakir. En eftir undirritun
rannsóknargagnanna, sem skera úr
um málið, gætir rannsóknardóm-
arinn þess að gleyma ekki áminning-
unni: „Og í framtíðinni skaltu aldrei
hætta fyrstur að klappa.““
Stalínisminn hafði sérstöðu í sögu
Sovétríkjanna. Eins og Jörg Baber-
owski orðar það í ævisögu sinni um
Stalín, Sviðin jörð (Verbrannte
Erde), breytti ógn Stalíns milljónum
manna í sálarlega krypplinga vegna
þess að hann þvingaði þær til að laga
sig að skipan tortryggni og ótta þar
sem ofbeldið var viðvarandi.
víkverji@mbl.is
Víkverji
Því að þótt fjöllin bifist og hæðirnar
haggist mun kærleikur minn til þín
ekki bifast og friðarsáttmáli minn ekki
haggast, segir Drottinn sem mis-
kunnar þér. (Jesaja 54:10)
AUKIN ÞJÓNUSTA
VIÐ EIGENDUR VW
• Bílson er sérhæft og vottað þjónustuverkstæði sem
uppfyllir allar ströngustu kröfur Volkswagen.
• Fullkomin forgreiningarstöð þar sem greina má flest
allt um ástand bílsins og gæði.
• Bílson hefur gæðavottun Bílgreinasambandsins með gæðaúttekt frá BSI á Íslandi auk
starfsleyfis til endurskoðunar frá Samgöngustofu.
Við leitumst við að vera samstíga því besta í Evrópu.
Komið, sjáið og sannfærist.
Kletthálsi 9 • Sími 568 1090
- V E R K S T Æ Ð I Ð -